المفروض تمشي قد ايه كل يوم عشان تخسري وزنك

ريهام محمود
ريهام محمود
3989

كتير ممكن يكونوا بيمارسوا رياضة ومنتظمين يوميا على الجيم, وماشيين على انظمة غذائية عشان يخسروا وزنهم, ولكن الحقيقة ان في حاجة ابسط من كل ده ممكن تتعمل وهي المشي مسافات طويلة, وحسب كتير من الدراسات اللي اتعملت ان المشي مش اقل فاعلية من اي وسيلة تانية لخسارة الوزن, والنهاردة من خلال السطور الجايه هنقولك ازاي تنتظمي على المشي لخسارة الوزن وتستبدليه بمجموعة كاملة من التمارين.

المشي لخسارة الوزن:

ازاي تحولي المشي لتمرين لخسارة الوزن:

العوامل الرئيسية اللي بتأثر على حرق السعرات الحرارية اثناء المشي هي, المسافة اللي هتمشيها, والسرعة, ووزن الجسم, وعشان توصلي لافضل النتايج, لازم تمشي على جدول مشي منتظم وتستخدمي عداد سرعة.

الجهاز هيقولك انتي مشيتي قد ايه خلال اليوم, ولو مشيتي مسافة طويلة ومخسرتيش وزن, تقدري تحسبي عدد الخطوات اللي المفروض تضيفيها عشان تخسي.

وانتي حتى مش محتاجة جهاز دلوقتي في الموبايل نفسه هنلاقي ابليكيشن لحساب عدد الخطوات والمسافة اللي انتي مشيتيها, ولو مش موجود على الموبايل تقدري تنزليه بكل سهولة.

المشي لخسارة الوزن 1
المشي لخسارة الوزن 1

المفروض تمشي قد ايه كل يوم عشان تخسري وزن:

الحسابات التقريبية دي هتساعدك انك تحددي الجدول الزمني بتاعك, مع ان كل واحدة تحط في اعتبارها الخصائص الفردية لان كل جم بيختلف عن التاني, واسلوب حياتك, وعاداتك الغذائية, وحالتك الصحية.

100 سعر حراري = 2000 خطوة = 1.6 كم.

1 كجم = 140,000 خطوة = 7000 سعر حراري = 112 كم.

طرق عشان تمشي اكتر:

– حاولي متركبيش كتير ولا تسوقي ولا تركبي مواصلات.

– لو عندك اطفال حاولي توديهم وتجيبيهم من المدرسة مشي, او تروحي الكلية او المدرسة بتاعتك مشي.

– اتوقفي عن استخدام الاسانسير والسلالم الكهربا, واستخدمي السلالم العادية.

– لو مربية كلب حاولي تمشيه مسافة اطول كل يوم.

عشان تشجعي نفسك اكتر على المشي:

– ممكن تتمشي مع واحدة صاحبتك عشان تشجعوا بعض.

– اسمعي موسيقى وانتي ماشية.

– اتمشي في طرق جديدة, وغيري الطرق اللي انتي دايما متعودة عليها.

– في الشتا لو المشي هيكون صعب ممكن تستخدمي جهاز المشي في البيت لو متوفر عندك, ولو مش متوفر ممكن تستخدميه في الجيم.

المشي لخسارة الوزن 2
المشي لخسارة الوزن 2

ازاي تمشي بطريقة صح:

حطي في اعتبارك ان خطواتك بتكون غير متساوية حسب المكان اللي انتي ماشية فيه ومساحته.

– اقل من 70 خطوة / دقيقة مشي.

بالنسبة لشخص سليم صحيا, الوتيرة او المسافة دي مالهاش تأثير تدريبي, ودي بينصح بيها للاشخاص اللي بيتعافوا من نوبة قلبية او بيعانوا من ذبحة صدرية حادة.

– من 71 – 90 خطوة / دقيقة؛ من 3 – 4 كم في الساعة.

دي بينصح بيها للاشخاص اللي بيعانوا من امراض القلب والاوعية الدموية.

– من 91 – 110 خطوة / دقيقة؛ من 4 – 5 كم في الساعة.

ده يعتبر مناسب جدا لاي شخص سليم.

– من 111 – 130 خطوة / دقيقة.

ده يعتبر تمرين رائع جدا لجسمك, وحتى الاشخاص اللي بيكون جسمهم سليم ومش بيعانوا من اي حاجة بيلاقوا صعوبة شوية انهم يمشوا على الوتيرة دي لفترة طويلة.

المشي لخسارة الوزن 3

قواعد المشي:

1- في البداية ابدأي بمشي خفيف, وبعدين زودي السرعة والمدة بالتدريج, اول حاجة زودي مدة المشي, وبعدها زودي السرعة, لازم يكون المدة والسرعة المناسبة ليكي يعني متزوديش اكتر من طاقة تحملك عشان متتعبيش.

2- مارسي المشي بانتظام, المشي لمدة اسبوع واحد وبعدها توقفي ده اكيد مش هيفيدك, ولو مش هتقدري تمشي بشكل يومي, على الاقل امشي من 2 – 3 مرات في الاسبوع, وتقدري تختاري وقت المشي المناسب ليكي, لكن ميكونش قبل من ساعة لساعة نص بعد الوجبة.

3- استشيري الدكتور خصوصا لو بتعاني من اي حالة مرضية, واعملي فحص طبي من مرة لمرتين في السنة.

4- راقبي جسمك اثناء المشي, خلي دايما جذعك وضهرك واكتافك مفرودين, وتشفطي بطنك.

وافتكري دايما وحطي في بالك ان المشي ببطء ولمسافة قصيرة مش هيكون مفيد ليكي لو عايزة تخسري وزن, وكمان لو بتمشي بسرعة كبيرة وانتي مش مستعدة لسه لده او مبدأتيش بالتدريج, ده ممكن يضر صحتك.

المشي لخسارة الوزن 4

ازاي تخسري وزن من غير ما يحصل ترهلات للجلد

منع ترهل الجلد بعد التخسيس
منع ترهل الجلد بعد التخسيس

مقالات متعلقه

10 تمارين واطعمة هتساعدك على بناء عضلات جسمك

10 تمارين واطعمة هتساعدك على بناء عضلات جسمك

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

7 اطعمة ابعدي عنهم تماما لو بتحاولي تخسري وزن

7 اطعمة ابعدي عنهم تماما لو بتحاولي تخسري وزن