بالصور .. اعرفي دليلك الكامل للستايلات الجديدة من البنطلون الجينز
البنطلون الجينز جزء مهم وأساسي في تقريبا اي ستايل بنعمله و في اي وقت سواء كان صيف او شتاء، ليل او نهار، وعشان الموضة بيظهر فيها كل يوم جديد.. في المقال ده هنقولك ازاي تلبسي كل ستايل من ستايلات الجينز عشان تطلعي كل مرة بأحلى لوك ممكن، اعرفي معانا دليلك الكامل للستايلات الجديدة من البنطلون الجينز
بالصور .. اعرفي دليلك الكامل للستايلات الجديدة من البنطلون الجينز
Cropped Kick Flare Jeans
ستايل جديد منالجينز بيديكي لوك رفيع او slim fitting زي السكيني جينز بالضبط، بيبدأ ضيق على الرجل من فوق وبيكمل ضيق او ممكن يبدأ يضيق ويبدأ يوسع بالتدريج وبسيط لحد نهاية الرجل.
تلبسيه ليه :
مناسب جدا للأجسام الكيرفي وهيليق مع ستايلات لبس مختلفة، يعنل عملي وقت اما يبقى مفيش قدامك حلول كتيرة ، وخصوصا لو كنتي قصيرة ولبستي معاه كعب بسيط هيبينك أطول وأرفع.
تلبسيه ازاي :
معظم الـتيشيرتات و التوب والبلوزات اللي عندك هتليق عليه على طول، سواء كانت ضيقة او اوفرسايزالمهم تلبسي الشوز المناسب للوك بتاعك، في ايام الشتاء ممكن تلبسيه وتتنيه بسيط لفوق عشان تبيني البوت بتاعك، في الصيف ممكن تلبيه قصير لحد عضمة الكعب مع هيلز بسيطة.
Mom Jeans :
تلبسيه ليه :
الـ mom jeans ستايل راجعلنا بقوة من موضة التسعيناتلكن راجع بلمسة مودرن تخليه شيك وعلى الموضة، الستايل ده من الجينز بيكون هاي ويست high waist مع رجل بتضيق ناحية الكعب و قصيرةن غالبا بتبقى خامته اتقل شوية من خامة الجينز العادية لكنه قطعة ملابس مهمة جدا لأي بنت او ام محتاجة تداري بطنها او تبين وسطها ارفع.
تلبسيه ازاي :
لو بتدوري على حاجة تبين ارفع وماترزش على الـ curves في جسمك يبقى الجينز ده هو الاختيار المناسب، البسيه مع كروب تيشيرت لو كنتى من اصحاب الجسم على شكل الساعة الرملية ، هيبين جسمك ووسطك ارع، ممكن كمان ترفعيه من تحت من عند الكعب عشان تديله لوك stylish أكتر.
Boyfriend Jeans :
تلبسيه ليه :
ستايل مهم جدا من ستايلات الجديدة من البنطلون الجينز وانتشرت موضته بشكل كبير وتقدري تلبسيه في الصيف والشتاء هو البوي فريند جينز، تقدري تلبسيهم كلاسيك، واسعين، او بمقاس مظبوط perfect fit وكل مرة هيطلع شكله حلو جدا، بيخليكي تعملي لوك عصري ومريح مع الرجل المستقيمة و الستايل الكول اللي هينجز معاكي في اي وقت.
تلبسيه ازاي :
ممكن مع قميص تاني من الجينز بلون افتح او اغمق من درجة لون البنطلون، مع تيشيرت مناسب وتدخليه جوه البنطلون ، بس المهم توري على بنطلون طوله مايتعداش عضمة كعب الرجل وجربي الدرجات الفاتحة والغامقة لحد ما توصلي للدرجة المفضلة ليكي.
تلبسيه مع كعب ولا شوز فلات ؟
في راي بيقول انه ضروري تلبسي كعب ولو بسيط مع البوي فريند جينز عشان تحولي اللوك الطفولي ده للوك أنثوي أكتر، الرأي التاني بيقول انه السنيكرز او البوت البسيط هو الانسب عشان يتماشى مع اللوك الكاجوال المريح، احنا بنقولك انه ممكن تلبسيه مع الكعب و السنيكرز والبوت واي حاجة تحبيها، المهم تكوني مرتاحة وواثقة من اللوك بتاعك وحابة شكلك فيه.
High-Waist Flare Jeans
تلبسيه ليه :
الـ High-Waist بيعتبر هو قلب موضة السبعينات اللي رجعتلنا السنة دي، جربي تلبسي جين هاي ويست مع رجل واسعة على كعب عشان تدي لنفسك لوك أطول وأرفع.
تلبسيه ازاي :
الطريقة الأفضل عشان تلبسي الستايل ده من الجينز هي انك تلبسي معاه تيشيرت slim وتدخليه جوه البنطلون، مع حزام vintage و صندل بكعب عريض او شوز بكعب رفيع وطويل.
ازاي تحافظي على الجينز بتاعك؟
السر الأول:
بغض النظر عن الستايل دايما لما تيجي تشتري جينز جديد جربي منه 3 مقاسات مختلفين عشان تقدري تختري الانسب ليكي بشكل صحيح، جربي مقاسك اللي انتي متعودة عليه وأكبر نمرة وأصغر نمرة لانه مقاس الجين بيتغير حسب سمك الخامة نفسها، فممكن مقاسك اللي انتي متعودة عليه مايطلعش مظبوط في كل مرة.
السر التاني :
دايما ارفعي الجينز لحد مسافي بسطة أوي من منطقة السرة، الارتفاع ده هو الانسب لمعظم أشكال وأطوال الجسم.
السر التالت :
افتكري دايما ان سمك البنطلون الجينز هيتغير ويقل مع الاستخدام والغسيل المتكرر، وانه الغسيل زيادة هيبو البنطلون. فلما تقيسي البنطلون لأول مرة وتحسيه ضيق عليكي اعرفي انه بعد أكتر من استخدام او غسلة هيوسع ويبقى أريح.
السر الرابع :
لو البنطلون واسع حاجة بسيطة من الوسط او طويل عليكي ممكن اي ترزي يصلحهولك ببساطة لكن راعى انه الترزي اللي يصلحه يعمل ده بغرز أقرب لغرز الخياطة الاصلية في الجينز علشان شكله مايبوظشاو الافضل انك ماتستسلميش وتفضلي تدوري لحد ما تلاقي مقاسك على الجاهز.
ازاي تهتمي بالجينز الجديد؟
استخدمي المساحيق المخصصة للحفاظ على الالوان.
اغسلي البنطلون مقلوب وفي مياة باردة.
استخدمي دورة الغسيل الخفيفة.
استخدمي التجفيف البارد مش الساخن لان الحرارة هتبوظ البنطلون.
