طريقة عمل مكياج خفيف بالخطوات

بقلمريهام محمود فيمكياج visibility374

المكياج التقيل مش بيكون مطلوب اكيد في كل الاوقات كل وقت وليه المكياج المناسب ليه, في مناسبات بتحتاج مكياج درامتيكي تقيل, لكن اماكن زي الشغل او الكلية مش بتحتاج ده, الصبح عادة بيحتاج مكياج خفيف بالاضافة اننا بنكون مستعجلين ووقتنا ضيق ومحتاجين مكياج سريع, عشان كده النهاردة من خلال موضوعنا هنشوف مع بعض بالخطوات طريقة عمل مكياج خفيف وفي نفس الوقت هيحافظ على اللوك بتاعك مثالي, وهياخد منك اقل من 15 دقيقة لتنفيذه.

طريقة عمل مكياج خفيف:

الحاجات المطلوبة:

– مرطب.

– برايمر.

– مرطب ملون/ او كريم اساس.

– كونسيلر “اختياري”.

– ايشادو.

– ايلاينر.

– ماسكارا.

– روج/ او ملمع شفايف.

طريقة عمل مكياج خفيف
طريقة عمل مكياج خفيف

الخطوات:

– مكياج الوش:

مهم جدا تمشي على روتين مناسب للعناية بالبشرة قبل المكياج, عشان النتيجة النهائية تطلع حلوة.

ابدأي بتطبيق المرطب على الوش كله, بعدها حطي الصن بلوك, ولو بشرتك دهنية اوي والمكياج بيسيح بسرعة, ممكن تستخدمي برايمر عشان يثبتلك المكياج لفترة اطول, وكمان يعتبر قاعدة للمكياج بتاعك بيسهل فرده على البشرة.

بعد ما جهزتي بشرتك, حطي المرطب الملون او كريم الاساس حسب اللي تفضليه, ابدأي وضعه من منتصف الوجه وامزجيه على البشرة لبره بحركات دائرية او بطريقة الضغط بفرشة او بسفنجة لحد ما يمتزج كويس على البشرة, ممكن تستخدمي كونسيلر بعد كريم الاساس لو حسيتي انك محتاجة, لكن لو كريم الاساس اداكي التغطية المطلوبة للهالات السودا, ممكن تتخطي خطوة الكونسيلر.

بعد كريم الاساس حطي البودر اي نوع سواء المضغوطة او اللوس او الشفافة, عشان تخلي البشرة خالية من اللمعان, وروتين المكياج مش بيكمل ابدا من غير استخدام البودر, لانها تعتبر افضل منتج للمسات الاخيرة للمكياج.

استخدمي فرشة البودر الناعمة, حطي بيها البودرة على الوش كله, وخصوصا في منطقة التي زون ومنطقة تحت العيون.

طريقة عمل مكياج خفيف
طريقة عمل مكياج خفيف

– مكياج الخدود:

خدي من البلاشر بالفرشة وحطي على عضمة الخدين, امزجيه كويس على عضم الخدين لفوق في اتجاه منابت الشعر, زي ما هو باين في الصورة قدامنا.

ولازم تاخدي بالك وانتي بتحطي البلاشر, ابدأي الاول بطبقة واحدة من اللون, وممكن تزودي بالتدريج لو احتاجتي اللون يبقى اقوى, وممكن كمان تستخدمي برونزر عشان تدي توهج للبشرة.

وعشان تدي اضاءة حلوة للخدين, استخدمي هايلايتر كريمي او بودر بلون دهبي او فضي حسب لون بشرتك لو بشرتك فاتحة استخدمي هايلايتر فضي ولو سمرا استخدمي الدهبي, وطبقيه فوق عضمة الخد, على جسر الانف, وسط الجبهه, الجبين, وتقدري تستخدمي فرشة او صوابعك للخطوة دي.

طريقة عمل مكياج خفيف

– مكياج العيون:

ابدأي مكياج العيون, باستخدام برايمر العين او كونسيلر, ده هيخلي مكياج العيون يدوم اطول معاكي.

الايشادو اختاري اللون اللي تفضليه, لكن بما ان موضوعنا عن المكياج الخفيف, فهنا في اللوك استخدمت لون طبيعي ممكن تستخدمي برتقاني فاتح او مشمشي, طبقيه على الجفن كله بالفرشة, وامزجيه بحركات دائرية باتجاه تنية العين, وهنا في اللوك استخدمت لون واحد بس على الجفن كله عشان تحافظ على المكياج طبيعي وخفيف.

طريقة عمل مكياج خفيف

بعد الايشادو ابدأي في خطوة الايلاينر, وتقدري تختاري ايلاينر قلم, او جل, او سائل, اختاري اللي تفضليه.

ابدأي في رسم الايلاينر من الزاوية الخارجية للعين, وارسمي الخط بالتدريج لحد الزاوية الداخلية, باستخدام فرشة مدببة بزاوية, ويعتبر الايلاينر القلم هو اسهل نوع ممكن تستخدميه.

اتأكدي انك ترسمي الايلاينر قريب من خط الرموش.

بعد الايلاينر ارسمي الحواجب لانه يعتبر جزء مهم من مكياج العيون وبيساعد انه يظهرها اكتر, املي الحواجب بقلم الحواجب, او بالايشادو بلون يكون قريب من لون حواجبك.

عشان تكملي مكياج العين, حطي طبقة من الماسكارا على الرموش, ابدأي من جذور الرموش لحد الاطراف.

حطي مطبقة ماسكارا تاني على جزور الرموش بس مش على الرموش كلها, لان استخدام استخدام ماسكارا كتير على طول الرموش كلها هيتقلها ويخليها تنزل لتحت, وعشان تخلي رموشك طويلة وكثيفة استخدمي نوع الماسكارا ال Volumizing او المكثفة.

– مكياج الشفايف:

حضري شفايفك حطي طبقة من زبدة الكاكاو قبل الروج, عشان يطلع شكله احلى وناعم على الشفايف.

اختاري روج باللون البينك او بدرجات البني, او تكتفي بس بملمع شفايف بينك نيود عشان تكملي اللوك الطبيعي.

طريقة عمل مكياج خفيف

وده شكل اللوك النهائي للمكياج.

طريقة عمل مكياج خفيف

روتين مكياج سريع تعمليه في اقل من 10 دقايق وتطلعي بلوك مثالي

روتين مكياج سريع