موضة ال Hidden Hair Color لصبغ الشعر وازاي تعمليها

ريهام محمود
ريهام محمود
في
شعر
12021

كل يوم بتظهر ستايلات جديدة ومختلفة لصبغ الشعر, والنهاردة معانا طريقة جديدة ومميزة جدا وهو ستايل ال Hidden Hair Color,  وده بيكون عبارة عن صبغ الجزء اللي تحت من الشعر بس, تعالوا نعرف ازاي تعمليه ونشوف مع بعض افكار بالصور.

ازاي تعملي ال Hidden Hair Color:

– الستايل او التكنيك ده في صبغ الشعر ظهر من فترة, وهو بيكون عبارة عن صبغ الجزء اللي تحت بس من الشعر, على عكس ما احنا متعودين اننا ممكن نعمل خصل على الشعر من فوق, لكن الجديد هنا ان الصبغة بتبقى تحت وبتبان مع الحركة او كخصل من بين الشعر وبيكون شكلها حلو جدا ومختلف.

– الستايل ده تقدري تعمليه باكتر من طريقة, ممكن تقسمي الشعر نصين بالعرض وتصبغي الجزء اللي تحت كله وتخلي النص اللي فوق طبعا بنفس لون شعرك الطبيعي او لو حابه انك تصبغيه بلون تاني يكون ماشي مع اللون اللي انتي عملتيه من تحت.

– وانتي تقدري تختاري الجزء اللي عايزة تصبغية زي ما انتي حابه او تفضل اكتر, يعني ممكن تصبغي نص الشعر, او تلته او ال ¾ زي ما انتي عايزة, وممكن تصبغي الجزء اللي تحت بتكنيك الاومبري او تدرج لون الشعر.

– الطريقة التانية انك بدل ما تصبغي الجزء اللي تحت كله ممكن تعمليه هايلايت او خصل بس, بنفس الطريقة اللي بتعملي بيها خصل للشعر من فوق بس بدل ما هتبقى فوق هتبقى في الجزء اللي تحت من الشعر, وممكن تعملي الخصل بكتر من لون ويبقى technicolor.

– الميزة في الستايل ده انه بيليق على اي طول شعر واي قصة شعر, من اول الكاريه لحد الشعر المتوسط والطويل.

تعالوا نشوف بالصور افكار لموضة ال Hidden Hair Color:

مقالات متعلقه

5 حاجات لازم تعرفيها لو بتصبغي شعرك لاول مرة

5 حاجات لازم تعرفيها لو بتصبغي شعرك لاول مرة

الوان الشعر التريندي للصيف السنة دي

الوان الشعر التريندي للصيف السنة دي

طريقة عمل سبراي الليمون لتفتيح الشعر

طريقة عمل سبراي الليمون لتفتيح الشعر