اهمية الجلوتاثيون في العناية بالبشرة والصحة..وافضل اطعمة ومكملات غذائية لزيادته في الجسم

بقلمريهام محمود فيبشرة visibility189

كل يوم بتظهر حاجات جديدة في مجال العناية بالبشرة, ومن فترة ظهرت مادة الجلوتاثيون يمكن يكون في البعض سمع عنها, دلوقتي بقت مادة الجلوتاثيون من اهم المكونات المفضلة عند خبراء الجلد لفوايده القوية على البشرة, والنهاردة من خلال موضوعنا هنعرف مع بعض ايه هي اهمية الجلوتاثيون للبشرة والصحة, وافضل اطعمة ومكملات غذائية لزيادته في الجسم بشكل طبيعي.

اهمية الجلوتاثيون للبشرة والصحة:

ايه هي مادة الجلوتاثيون؟

الجلوتاثيون يعتبر من اهم واقوى مضادات الاكسدة, والابحاث اظهرت ان مضادات الاكسدة القوية هي اللي بتساعد الاشخاص على مقاومة الضغوطات السامة اليومية اللي بنتعرض لها “بما فيهم التلوث والمعادن التقيلة والمواد الكيميائية الموجودة في منتجات وادوية العناية بالبشرة” وغيرها من السموم اللي ممكن تكون بتدخل جسمنا بشكل يومي, لكن الباحثين لاحظوا ان مستويات الجلوتاثيون بتبدأ انها تقل جدا مع التقدم في العمر, والمركب ده ممكن انه يساعد كبار السن على ازالة السموم والوقاية من الامراض, لان الجلوتاثيون سواء اتاخد عن طريق الفم او بشكل موضعي او عن طريق الوريد ليه خصائص مضادة للاكسدة, وبيساعد على محاربة الجذور الحرة اللي بتسبب الشيخوخة وتجاعيد الجلد وفقد مرونة الجلد, كمان بتساعد على تقوية المناعة.

الجلوتاثيون بيتكون من 3 احماض امينية رئيسية ليها دور مهم وحيوي جدا في الجسم, واظهرت الدراسات ان تناول 250 ملجم يوميا من الجلوتاثيون ممكن انها تساعد على تقليل بقع الشمس ومستويات الميلانين في البشرة يعني بتساعد على تفتيح البشرة بشكل فعال, وبتحسن من التجاعيد ومن حالة الجلد بشكل عام.

اهمية الجلوتاثيون
اهمية الجلوتاثيون

الاطعمة والمكملات الغذائية اللي بتساعد على زيادة الجلوتاثيون في الجسم:

بسبب دور مادة الجلوتاثيون في الوقاية من الامراض والسيطرة عليها, واهميتها في الحفاظ على نضارة وشباب البشرة, الخبراء بينصحوا انك تحاولي تزودي مستويات الجلوتاثيون في الجسم, والخبر الحلو ان في اطعمة ومكملات غذائية بتحتوي فعلا على نسبة عالية من الجلوتاثيون بشكل طبيعي لزيادة نسبته في الجسم, وده اللي هنعرفه في السطور الجايه.

1- حليب الشوك:

عشبة حليب الشوك من الاعشاب اللي هنلاقيها عند العطار, العشبة دي تم استخدامها من زمان جدا في الطب الشعبي في جميع انحاء العالم, انها مفيدة جدا في علاج ضعف المناعة بشكل خاص, وعلاج امراض الكبد, وامراض القناة الصفراوية.

والابحاث اظهرت ان العشبة دي بتساعد على زيادة مستويات الجلوتاثيون, وحماية الكبد من التسمم.

تقدري تدخلي العشبة دي في نظامك الغذائي اليومي, ياما عن طريق تناولها كمكمل غذائي هنلاقيه باسم “MilkThistlr”, ياما تجيبي العشبة نفسها من عند العطار وتعملي منها مشروب عبارة عن معلقة صغيرة من عشبة حليب الشوك “5 جرام” وكوباية مية “250 ملل”, ضيفي العشبة لكوباية مية مغلية, وسيبيها منقوعة لمدة 10 دقايق, وصفيها واشربيها كل يوم الصبح.

اهمية الجلوتاثيون
اهمية الجلوتاثيون

2- بروتين مصل اللبن “Whey Protein”:

هنلاقي البروتين ده متوفر في الصيدليات او في صالات الجيم, وهو من انواع البروتين اللي بتساعد على زيادة الجلوتاثيون عن طريق تعزيز السيستين, اللي بدوره بيساعد على اعادة بناء الجلوتاثيون, ويعتبر بروتين مصل اللبن المكمل المثالي للمساعدة في زيادة الجلوتاثيون بشكل طبيعي, ومكافحة السرطان, وتقوية جهاز المناعة, وزيادة التمثيل الغذائي وتقليل الشهية.

لكن مهم جدا لما تيجي تشتريه انك تشتري النوع الصح, اتجنبي الانواع اللي تمت معالجتها او عزل البروتين منها, والافضل تعتمدي على نوع البروتين اللي مستخرج من حيوانات متغذية تغذية عشبية وهتلاقي مكتوب على النوع ده “Grass-fed”, او بروتين مصل الماعز “Goat whey protein”, وهتحتاجي استخدام بودر بروتين مصل اللبن الطبيعي الكامل او العضوي لو متوفر لانه خالي تماما من المبيدات الحشرية والهرمونات والمواد المعدلة وراثيا والمحليات الصناعية وخالي من الجلوتين.

اهمية الجلوتاثيون
اهمية الجلوتاثيون

3- الاطعمة الكبريتية:

الاطعمة الغنية بالكبريت اللي هي في الاساس بتكافح السرطان, وبتساعد في نفس الوقت على زيادة الجلوتاثيون في الجسم, ومن الاطعمة دي:

الجرجير, البروكلي, براعم بروكسل, الكرنب, القرنبيط, السبانخ, الكالي “هو نوع من انواع الكرنب”, الفجل, اللفت, الرجلة.

اهمية الجلوتاثيون

4- المغذيات الميثيلية “الفيتامينات B6, B9, B12, والبيوتين”:

المتخصصين اثبتوا ان المغذيات الميثيلية المتمثلة في مجموعة الفيتامينات دي, تعتبر الاكتر اهمية للحفاظ على انتاج الجلوتاثيون في الجسم, وافضل طرق طبيعية عشان تحافظي على المغذيات الميثيلية في مستواها المثالي هي ببساطة تناول الاطعمة اللي بتحتوي على حمض الفوليك وهنلاقيه متوفر في:

الحمص, الكبدة, الفاصوليا الحمرا, العدس, السبانخ, السبارجوس, الافوكادو, البنجر, اللوبيا, القرنبيط, الفواكه الحمضية, البروكلي, عصير الطماطم, الخضروات الورقية بشكل عام, البقوليات, المكسرات والبذور.

اهمية الجلوتاثيون

5- عنصر السيلينيوم:

السيلينيوم يعتبر واحد من مضادات الاكسدة القوية, عشان كده لازم تتأكدي ان تلاجتك مليانة بالاطعمة الغنية بالسيلينيوم زي:

المكسرات وخصوصا المكسرات البرازيلية والكاجو والجوز والمكاديميا, السردين, لحوم البقر المتغذية على العشب, الديك الرومي, كبدة البقر, الفراخ, البيض, السبانخ, المأكولات البحرية, الجبن, الحبوب وخصوصا الارز البني, الشوفان, العدس, اللبن, الزبادي, الموز, الفاصوليا, السبانخ.

اهمية الجلوتاثيون

6- فيتامين C & E:

فيتامين C بيساعد على رفع الجلوتاثيون في خلايا الدم الحمرا والخلايا اللمفاوية, ويعتبر فيتامين E واحد من مضادات الاكسدة المهمة اللي بتحافظ على مستويات الجلوتاثيون في الجسم.

ومن خلال الجمع ما بين فيتامين C & E بيشتغلوا مع بعض لاعادة تدوير الجلوتاثيون, وممكن كمان انها تساعد على الوقاية من الامراض, عشان كده ضروري تدخلي الاطعمة اللي بتحتوي على فيتامين C, E في روتينك اليومي لانها بتساعد في الحفاظ على مستويات الجلوتاثيون, بالاضافة انها بتقوي جهاز المناعة ووظائف الجسم بشكل عام.

الاطعمة الغنية بفيتامين C:

الفواكه الحمضية زي البرتقان واليوسفي والجريب فروت والكيوي والليمون, الفراولة, الفلفل الاحمر, براعم بروكسل, البروكلي, الجوافة, الفلفل الاخضر, القرنبيط, الخضروات الورقية اللي لونها اخضر غامق, الاعشاب الطازة “الزعتر والبقدونس”.

الاطعمة الغنية بفيتامين E:

اللوز, السبانخ, البطاطا, الافوكادو, بذور عباد الشمس, زيت النخيل, زيت الزيتون, اللحوم الحمرا, السمك, المانجا, البرقوق, الكريز الاسود, المشمش, التوت البري, البنجر, اللفت.

7- الكبدة البقري:

الكبدة البقري مش بيقتصر اهميتها بس على انها افضل الاطعمة اللي بتحتوي على السيلينيوم, ولكن ثبت انها بتزود انتاج السيلينيوم والجلوتاثيون بشكل افضل من المكملات الغذائية, لكن المهم انها تكون كبدة بقري من بقر متغذي على الاعشاب هيعتبر وسيلة فعالة جدا لزيادة مستويات الجلوتاثيون, بالاضافة لزيادة مستويات السيلينيوم.

8 علامات هيدهالك جسمك تقولك ان عندك نقص فيتامينات..وازاي تعوضيه بالاكل

علامات تقولك ان عندك نقص فيتامينات

8 علامات هيدهالك جسمك تقولك ان عندك نقص فيتامينات..وازاي تعوضيه بالاكل