6 اشارات تقولك ان الشخص ده بيحبك .. و 6 اشارات تقولك انه بيستغل مشاعرك

ريهام محمود
ريهام محمود
21649

كتير من النساء, وخصوصا البنات اللي سنهم صغير واللي بتكون خبرتهم قليلة في العلاقات, غالبا بيحسوا بعدم امان في علاقتهم ومش بيكونوا قادرين يحدووا حقيقة مشاعر الطرف التاني ناحيتهم بشكل صح خصوصا لو هي مرت بتجربة سيئة قبل كده ممكن تأثر على حكمها وتخليها دايما خايفة وحاسه بعدم امان, لكن لحسن الحظ ان في علامات تبين لك مشاعر شريكك, وتقولك اذا كان هو بيحبك فعلا ولا بيستغلك وبيستغل مشاعرك لمصلحته, وده اللي هنعرفه مع بعض من خلال السطور الجايه.

علامات تبين لك مشاعر شريكك:

1- بيحبك: بيبص لك طول الوقت:

الراجل اللي بيحب بجد هتلاقيه دايما بيحب يبصلك ومش هيبقى قادر يبعد عينيه عنك, ودايما زي ما بنقول النظرات هي اللي بتكشف اللي جوانا, فلو لاحظتي انه دايما بيراقبك ودايما ملاحظ حركاتك وتصرفاتك وبيعجب باقل حاجة تعمليها, في الحالة دي ممكن تكون علامة انه بيحبك.

علامات تبين لك مشاعر شريكك 1
علامات تبين لك مشاعر شريكك 1

بيستغلك: مش هيحسسك انك مميزة:

لو مشاعره مش حقيقية او بيستغل مشاعرك هتلاقيه انه بيعاملك زيك زي اي حد من اصحابه ومش بيميزك باي حاجة, ومش بيظهرلك عاطفة ابدا من ناحيته, ولو بتحسي دايما انك مجرد واحدة من وسط الكتير اللي حواليه يبقى هو مش مهتم بيكي بما فيه الكفاية لتقديرك.

علامات تبين لك مشاعر شريكك 2
علامات تبين لك مشاعر شريكك 2

2- بيحبك: هيقبلك زي ما انتي:

اللي بيحب حد بيقبله بكل حاجة فيه, يعني لو مثلا في حاجة معينة في حياتك انتي مش بتفتخري بيها او شايفة انها حاجة مش كويسة وشريكك عارفها ومع ذلك لسه مستمر معاكي, يبقى في الحالة دي هو بيحبك, لان الحب الحقيقي ان الشخص يحب ويحتضن كل حاجة في الطرف التاني ويقبل عيوبه مش مميزاته بس, ودي تعتبر علامة على علاقة حب ناضجة.

علامات تبين لك مشاعر شريكك 3
علامات تبين لك مشاعر شريكك 3

بيستغلك: هيحسسك دايما بالذنب:

هيحسسك دايما بالذنب وانك مش بتعملي اي حاجة صح خالص من ابسط حاجة بتعمليها لاكبر حاجة, فلو باستمرار بتحسي بالذنب بغض النظر عن اللي بتعمليه, وانك دايما المفروض تعملي احسن واللي انتي بتعمليه مش كفاية في كل الاحوال, يبقى ده الوقت المناسب للهروب من العلاقة دي, واكيد مافيش مشكلة في مساعدة الشريك انه يبقى شخص افضل, ولكن التغييرات دي لازم تحصل من خلال الحب والاهتمام مش انه يخليكي تحسي بالذنب.

علامات تبين لك مشاعر شريكك 4
علامات تبين لك مشاعر شريكك 4

3- بيحبك: هيحاسب على تصرفاته معاكي ويقدر مشاعرك:

كل واحد فينا بتكون ليه طريقة مختلفة في التعامل مع غيره ومش دايما بنفهم مدى تأثير تصرفاتنا على اللي حوالينا, ولكن لو لاحظتي ان شريكك بقى اكتر وعي وبيحاول يتصرف بطريقة متأذيش مشاعرك, فدي علامة جيدة جدا ان هو بيحبك, ولازم تحطي في اعتبارك انك لو عايزة شريكك يبقى مهتم بحاجة معينة او يتصرف معاكي بطريقة مختلفة, الافضل انك تتكلمي معاه فيها بصراحة ومتتوقعيش انه يفهمها لوحده, الراجل عموما مش بيقدر يقرا العقل, لازم الحاجة تتقاله بشكل مباشر وواضح وصريح.

علامات تبين لك مشاعر شريكك 7
علامات تبين لك مشاعر شريكك 7

بيستغلك: هيختفي دايما:

دايما هتلاقيه بيختفي فجأة وميظهرش غير في اللحظات الاخيرة, بيتأخر في الرد على المكالمات والرسايل, اكيد في بعض الاوقات هيكون مشغول, لكن الشخص اللي بيحب بجد وبيقدرك هتلاقيه بيلاقي وقت دايما ليكي, فلو انتي حسيتي انه مش مقدرك في اغلب الاوقات, يبقى في الحالة دي هو حاطك بس في وقت فراغه او حسب جدوله الزمني لكن مش مخصص وقت ليكي.

علامات تبين لك مشاعر شريكك 8
علامات تبين لك مشاعر شريكك 8

4- بيحبك: هيلاحظ التفاصيل الصغيرة اللي بتخليكي مبسوطة:

الحاجات الصغيرة احيانا كتير بتكون مهمة اكتر من الحاجات الكبيرة في العلاقة, يعني مثلا يكون نكهة الايس كريم اللي بتحبيها, او الكتاب اللي بتحبيه, البرنامج بتاعك المفضل, الحاجات دي بتبين قد ايه هو مهتم وانه عدى مرحلة الحاجات النمطية زي الورد والشوكولاتة “اكيد كلنا بنحبهم” لكن التفاصيل الصغيرة هي اللي بتظهر الحب والاهتمام اكتر وهتبين لك انه متواصل معاكي على مستوى شخصي اكتر.

علامات تبين لك مشاعر شريكك 9
علامات تبين لك مشاعر شريكك 9

بيستغلك: مش هيتنازل ابدا:

في اي مشكلة ممكن يكون الوصول لحل وسط موضوع صعب, لكن لو العلاقة كويسة وهو بيحبك فعلا هتلاقيه بيحترمك ومستعد انه يوصل لحلول عشان يخليكي مبسوطة, لكن لو مش بيتنازل ابدا في “حقه” في كل حاجة, يبقى دي اللحظة اللي المفروض تهربي منها من العلاقة المسيطرة دي اللي هو عايز يتحكم فيها في كل حاجة.

علامات تبين لك مشاعر شريكك 10
علامات تبين لك مشاعر شريكك 10

5- بيحبك: هيفتحلك قلبه ويبقى صريح معاكي:

كلنا تقريبا بنحس بالضعف في علاقاتنا, لكن صعب جدا اننا نبني علاقة قوية من غير مشاركة افكارك ومشاعرك مع شريكك, فلو هو دايما بيفتحلك قلبه من غير خوف ودايما منفتح معاكي في افكاره ومخاوفه ومشاكله فهو كده بيثق فيكي وشايف معاكي المستقبل, وده اكيد من الناحيتين, هيكون مهتم هو كمان انه يعرف اللي جواكي.

علامات تبين لك مشاعر شريكك 5

بيستغك: هيلعب بيكي عاطفيا:

هو اكيد هيكون عارف نقط الضعف والقوة وعندك ولو بيستغلك هيحاول انه يلعب بيها عشان يوصل للي هو عايزة, والنوع ده من العلاقات مش مقبول تماما, لو لاحظتي انك بتحسي بالذنب باستمرار وان عواطف شريكك مسيطرة على مشاعرك, يبقى دي اللحظة اللي لازم تعيدي فيها حساباتك وتقيمي العلاقة دي تاني كويس جدا.

علامات تبين لك مشاعر شريكك 5 1

6- بيحبك: مستعد يتكلم اثناء المشكلة:

الصوت العالي عمره ما بيحل مشكلة ابدا في كل الاحوال, فلو انتي في بعد ما تخرجي من لحظة الغضب او المشاعر السلبية اللي جواكي, لقيتي شريكك مستعد انه يتكلم معاكي في المشكلة يبقى دي علامة انه بيحبك, لان التواصل هو مفتاح العلاقة  القوية, والشريك اللي بيحب لازم يكون عنده قدرة انه يخلي “الانا” على جنب والاعتراف انه ممكن يكون غلطان ويعتذر.

علامات تبين لك مشاعر شريكك 6

بيستغلك: هيستفزك اكتر, او يفضل ساكت لايام:

زي ما قولنا ان ممكن تحصل مشكلة وتبقى في مشاعر سلبية محتاجة انك تخرجيها, لكن في الحالة دي الراجل اللي بيحبك عمره ما هيهينك ابدا قدام الناس او انه يفضل ساكت كذا يوم من غير ما يكلمك, لان التصرفات دي ممكن تكون علامة على انه بيتلاعب بعواطفك, او انه مش قادر يتحكم في عواطفه, او حتى انه شكل من اشكال “العقوبة” ليكي عشان غلطتي, الراجل اللي بيحبك فعلا مش هيأذيكي ابدا, فلو حصل ده, يبقى الافضل انك تهربي  من العلاقة دي.

علامات تبين لك مشاعر شريكك 6 1

يا ترى هل عدت عليكي مواقف حستي فيها ان شريكك بيتلاعب فيها بمشاعرك؟ ايه العلامات اللي لاحظتيها؟ شاركينا تجربتك.

مقالات متعلقه

50 سؤال تسألهم لحبيبتك عشان تعرفها بشكل افضل

50 سؤال تسألهم لحبيبتك عشان تعرفها بشكل افضل

تفضلي سينجل افضل من المحاربة في علاقة غلط ، اعرفي السبب

تفضلي سينجل افضل من المحاربة في علاقة غلط ، اعرفي السبب

اهم اسرار الزواج الناجح ، وازاي تظهروا احترامكم لبعض

اهم اسرار الزواج الناجح ، وازاي تظهروا احترامكم لبعض