قطع ملابس أساسية لصيف 2019 للرجالة والستات 

بقلمآية حسان فيموضة وأزياء visibility295

موضة وتريندات الصيف مهم تعرفيها بس مش لوحدك، زي ما بتهتمي انك تظهري في افضل شكل لازم كمان تهتمي انه اخوكي او خطيبك او جوزك يظهر بأفضل شكل وعلى الموضة زيك،  اعرفي معانا في المقال ده قطع ملابس أساسية في دولابك لصيف 2019 للرجالة والستات 

قطع ملابس أساسية لصيف 2019 للرجالة والستات 

شيرت دريس : 

الشيرت دريس بيعتبر قطعة ملابس مثالية للصيف، لأنها واسعة وخفيفة وعملية ومش هتحتاجي تلبسي معاها اي قطعة تانية لو الشيرت دريس كان طوله مناسب ليكي، فمش بس هيكون سريع وعملي في مشاويرك وخروجاتك اليومية لكن كمان هيبقى حلو جدا لأيام المصيف والتمشية على البحر، الشيرت دريس shirt dress من أهم قطع ملابس أساسية في دولابك لصيف 2019.

قطع ملابس أساسية لصيف 2019
شيرت دريس

كروب توب : 

موضة وعملي جدا وبيدي شكل مميز للوك بتاعك خصوصا مع البنطلونات والجيبات الهاي ويست high waist، كروب توب واحد او اتنين من لون Basic زي الابيض والاسود هيبقى خفيف ومناسب لأيام الحر وكمان عملي وشيك لو محتاجة تعملي لوك بسرعة وماعندكيش وقت. 

كروب توب

شورت : 

الشورت القصير وخصوصا الشورت الطويل موضة جدا الصيف ده، وممكن تلبسيه كاجوال وكلاسيك ولخروجات بالليل كمان ، المهم تنسقى معاه التوب والشوز المناسبين وطبعا الخامة المناسبة، الشورت هيعزز من شكل الـ figure بتاعك وهيساعدك تقللي من حر الصيف. 

قطع ملابس أساسية لصيف 2019
شورت

تيشيرت سادة : 

طبعا صعب جدا انه يكون ماعندكيش اكترمن تيشيرت سادة حاليا، بس لو فعلا ماعندكيش يبقى انتي مستنية ايه؟ التيشيرت السادة عملي وخفيف وممكن تلبسيه لوحده على جينز وتبقى جاهزة انك تنزلي، او تلبسيه مع بلايزر و بنطلون كلاسيك عشان تعملي لوك فورمال، وممكن تدخليه في الجيبة عشان تعملي لوك صيفي او تلبسيه على شورت، يعني ببساطة مش ممكن تستغني عنه، ولازم يكون موجود في  دولابك الصيف ده. 

تيشيرت سادة

شابو : 

الشابوهات طبعا جزء اساسي من الصيف لانه المصيف والقعدة على البحر ماتنفعش من غيرها، خصوصا الـ straw cap او الشابو اللي بيبقى مصنوع من القش لانه بيبقى خفيف وبيحمي شعرك وبشرتك من حرارة الشمس في المصيف. 

شابو

فستان و جيبة ماكسي : 

مناسب لأي زمان ولأي مكان مشاوير الصبح، الشغل، التمشية وخروجات بالليل، وعلى البحر وفي أي وقت ومكان، الفستان و الجيبة الماكسي من احلى قطع الملابس اللي ممكن تجربيها خصوصا انها مكملة معانا السنة دي من أكتر من موسم صيفي وتريندي جدا.  

فستان و جيبة ماكسي

قطع ملابس أساسية  لصيف 2019 للرجالة

قميص من خامة اللينين: 

أحلى حاجة في خامة اللينين خصوصا في القمصان انها ممكن تتلبس كاجوال و رسمي وفي المناسبات وتقريبا في اي مناسبة، ممكن يجرب يلبسها مع بنطلون قماش او جينز او مع شورت طويل في الايام الحر بس المهم اختيار المقاس المناسب.

قطع ملابس أساسية لصيف 2019
قميص من خامة اللينين

تيشيرت بولو: 

زيها زي القمصان اللي لسه متكلمين عنها،  التيشرتات البولو عملية وشيك جدا خصوصا في الصيف بسبب خاماتها المميزة، ممكن يجرب يلبسهم مع شوز فلات او سنيكرز للوك كاجوال ورياضي أكتر، وماتنسيش انه انتي كمان ممكن تختاري اللي يناسبك من التيشيرتات البولو. 

تيشيرت بولو

الشورت الطويل 

من ضمن قطع ملابس أساسية لصيف 2019 هو الشورت الطويل خصوصا للايام الحر زي اللي بنعيشها دلوقتي، لأنهم عمليين جدا ومناسبين للبس وخروجات الليل والنهار وفي مشاويرك وخروجاتك مع أصحابك او اجتماعات الشغل الكاجوال اللي مابتتطلبش لبس رسمي. 

الشورت الطويل

شوز التنس الابيض : 

الشوز من ستايل شوز التنس الابيض هما أفضل اختيار للصيف، خفيف، مريح، عملي ، شيك وبيخلي رجلك تتنفس.. يعني فيه كل المميزات وهيليقوا على اي لبس تحتاج تلبسه لأي لوك تحبه. 

قطع ملابس أساسية لصيف 2019
شوز التنس الابيض

اعرفي معانا كمان نصايح وافكار الراجل يلبس ايه لو رايح فرح