6 حاجات هتحصل لجسمك لما تبدأي تشربي عصير الكرفس كل يوم الصبح

بقلمريهام محمود فيصحة visibility405

الكرفس من انواع الخضروات الغنية جدا بالالياف وده بيخلينا نحس ان المعدة مليانة, وهو ده السبب اننا مش بنقدر ناكل اونشرب منه كتير مرة واحدة, ولما بيتعصر ده بيقلل نسبة الالياف, وتقدري انك تضغطي ½ حزمة بحالها في كوباية عصير واحدة, ولان الكرفس مليان بالفيتامينات والمعادن وغيرها من العناصر المفيدة, فالمشروب ده مش مجرد مشروب لذيذ, لكنه اضافة صحية كبيرة جدا للنظام الغذائي, والنهاردة من خلال السطور الجاية هنقولك فوايد عصير الكرفس الصحية.

فوايد عصير الكرفس الصحية:

الكرفس بيحتوي على نسبة منخفضة جدا من السكر والسعرات الحرارية, على عكس عصاير الفواكه والخضروات التانية, كوباية واحدة من عصير الكرفس بتحتوي على كمية اقل من السكر والسعرات الحرارية مقارنة بجزرة واحدة متوسطة الحجم, , لكن مهم جدا اننا نحط في اعتبارنا اننا منشربش عصير الكرفس بدل الوجبة الاساسية.

1- بيمنع مشاكل النظر:

الكرفس غني بفيتامين A اللي بيلعب دور اساسي في صحة النظر, لانه بيحمي سطح العين من البكتيريا والفيروسات, كمان فيتامين A بيساعد على منع تطور مشاكل النظر المرتبطة بالعمر زي مشكلة اعتام عدسة العين “الكتاراكت”.

فوايد عصير الكرفس الصحية
فوايد عصير الكرفس الصحية

2- بيقلل من خطر الاصابة بالسرطان:

الكرفس بيحتوي على عنصر اللوتولين, والباحثين اكتشفوا ان العنصر ده بيضعف الخلايا السرطانية وبيخلي في فرصة اكبر لعلاجها, والكرفس تم استخدامه في الطب الصيني القديم من زمان لفترة طويلة كعامل مضاد للسرطان.

فوايد عصير الكرفس الصحية
فوايد عصير الكرفس الصحية

3- بيحيد الاطعمة الحمضية:

الكرفس غني بالعناصر زي الحديد والمغنسيوم والصوديوم واللي بتدي عصير الكرفس خواص قلوية قوية, وبمعنى تاني انه بيحيد الاطعمة الحمضية, وبالتالي بيساعد في الحفاظ على توازن درجة الحموضة صحية في الجسم, لان استهلاك كمية كبيرة من الاطعمة الحمضية ده ممكن يسبب في جميع انواع المشاكل الصحية زي تدهور العضم, حصى الكلى, مشاكل الكبد, مشاكل القلب, ولان كتير من الاطعمة اللي بناكلها بشكل يومي بتكون حمضية, فاضافة عصير الكرفس لروتينك اليومي, ممكن انه يمنع بعض المشاكل الصحية انها تزيد او تتطور.

فوايد عصير الكرفس الصحية

4- بينظم توازن السوائل في الجسم:

الكرفس غني جدا بالبوتاسيوم وده معدن بيلعب دور مهم جدا في كتير من العمليات في الجسم, والعلماء بيعتقدوا ان البوتاسيوم يعتبر ثالت اهم معدن لاجسامنا عشان تشتغل بشكل سليم, لان الجسم بيتكون من 60% من المية وحوالي 40% من المية دي موجودة داخل الخلايا, والنسبة اللي فاضلة خارج الخلايا بتكون موجودة في السائل الشوكي, الدم , بين الخلايا, ومستوى المية دي داخل وخارج الخلايا مهمة جدا, والبوتاسيوم دوره هنا انه بيدوب في المية وبيبقى في نظامنا زي المنحل بالكهرباء موجب الشحنة, وبينظم مستوى المية داخل الخلايا.

فوايد عصير الكرفس الصحية

5- بيمنع مرض السكر من النوع التاني:

مرض السكر من النوع التاني يعتبر دلوقتي من اكتر المشاكل الصحية اللي بقت منتشرة جدا على مستوى العالم, والتقديرات والدراسات بتشير انه على سنة 2030, هيعاني اكتر من 400 مليون شخص حول العالم من المرض ده, والكرفس يعتبر واحد من الطرق الطبيعية اللي بتمنع الاصابة بيه, لانه بيحتوي على نسبة عالية من فيتامين K واللي اثبتت الدراسات انه بيحسن من حساسيتنا للانسولين.

6- غني جدا بحمض الفوليك:

حمص الفوليك هو واحد من فيتامينات المجموعة B, وهو عنصر اساسي لخلايا الدم الحمرا والبيضا في نخاع العضم, وكمان بيلعب دور مهم جدا في تحويل الكربوهيدرات لطاقة في الجسم, وتكسير البروتين, وانتاج الحمض النووي, كوباية واحدة بس من عصير الكرفس بتحتوي على 145 ميكروجرام من الفولات او حمض الفوليك وده تقريبا زيادة بنسبة 36% عن الكمية الموصي بيها او اللي محتاجها الجسم سواء للرجالة او الستات, وزيادة بنسبة 29% عن النسبة اللي محتاجينها الحوامل والمرضعات.

ازاي تزرعي الكرفس في البيت:

بما ان الكرفس مهم كده وهنحتاج اننا نستهلكه كل يوم وندخله في نظامنا الغذائي اليومي, يبقى الافضل انه يكون متوفر على طول في البيت, فهتكون زراعته في البيت احسن حاجة, وزراعة الكرفس اسهل مما تتخيلوا, المرة الجاية لما تشتري حزمة كرفس وتقطعي الجزء اللي تحت بتاعه زي اللي باين قدامنا في الصورة ده, حطيها في طبق فيه مية وخلال كام يوم بس هتلاحظي ظهور براعم صغيرة هتخرج من وسطها, خدي البراعم دي وازرعيها في التربة في اي قصرية زرع عندك في البيت لحد ما تكبر بشكل كامل, وبعدها قومي بنفس العملية تاني مع الزرعة الجديدة بتاعتك.

بعد ما عرفتوا الفوايد دي كلها للكرفس, مين هتبدأ تشرب عصير كرفس؟ شاركونا ارائكم وتجاربكم.

18 نوع اكل جسمك هيشكرك على اكلها

اكلات لصحة البشرة والجسم
اكلات لصحة البشرة والجسم