6 حاجات عن ضغط ترتيبات الفرح لازم تعرفيها وتتجنبيهم
ترتيبات الفرح هى واحدة من أكتر الحاجات اللى توتر أى حد.ضغط ترتيبات الفرح ده شىء طبيعى جدا لو متتوترتيش هو ده إللى غريب لأنه يعتبر واحد من الاحداث الكبيرة فى حياتك، لكن لازم تتحكمي فيه، هنقولك على حاجات كتير ممكن تساعد ودى اهم النقط إللى هتقدرى بيها تخففى الضغط والتوتر.
6 حاجات عن ضغط ترتيبات الفرح لازم تعرفيها وتتجنبيهم
1- خدى رأى الناس:
ممكن تقللى التوتر والمشاكل إللى بيسببها عن طريق إنك تتناقشى مع خطيبك ومع أهلك واصحابك واعرضى رأيك عليهم وخليهم يعرضوا رأيهم عليكى واتناقشى معاهم فيه من غير طبعا ما حد يفرض رأيه عليكى ومتتحرجيش إنك تقولى لأ على أى حاجة.إختارى الحاجات إللى انتى مستريحالها وحساها مناسبة ليكى.
2-استرخى وهونى على نفسك:
لازم تعرفى إن مش دايما كل حاجة هتبقى تمام جدا وزى ما انتى متخيلاها بالظبط عشان كده لازم يبقى عندك بدايل وخلى توقعاتك واقعية ومناسبة لظروفك. ده مش معناه إنك تغيرى كل حاجة بس خليكى مرنة مع الحاجات الصعبة.
3-إنتى مش مضطرة تعملى كل حاجة لوحدك:
عشان كده الناس بتحتاج مصممين أفراح يساعدوهم ولو مش هتعينى مصممة فرح فلازم تشركى أهلك واصحابك فى المسئوليات والحاجات اللى المفروض تخلص.
4-إزاى تتعامى مع الضغط والتوتر:
لازم توفرى وقت لنفسك تخرجى فيه مع أهلك واصحابك بحيث إنك تقدرى تسترخى وتهدى لأن التوتر الجامد ممكن يخليى تتعبى زى إن شعرك يقع أو ضربات قلبك تبقى سريعة وممكن يجيلك صداع ومعدتك تبقى مش متظبطة.لما تجيلك العلامات دى فدى إنذار إن لازم تهدى وتحاولى تسترخى.
5- نظمى مهامك:
ممكن تستخدمى الإنترنت او جوجل فى إنك تعملى ليست بالمهام إللى المفروض تعمليها وشاركيها مع أهلك واصحابك.دى طريقة منظمة وكويسة جدا تقدرى تعرفى بيها ترتيب أولوياتك وده هيوفر وقت كبير.
6-خلى فيه وقت لنفسك:
متخافيش من إن الوقت يضيع لما تاخدى وقت لنفسك.لازم يبقى عندك فترات تسترخى فيها وتفرغى التوتر والضغط .فرحك هو حاجة من الأحداث المهمة اللى لازم تستمتعى بالترتيب ليها.اتعلمى التمارين اللى ممكن تهدى نفسك بيها زى التنفس العميق أو ممكن تستشيرى دكتور بحيث يكتبلك أدوية مناسبة لو التوتر زاد أوى.
اعرفي معانا كمان