9 نصايح لستايلك هتساعدك تطلعي بلوك أحلى ومختلف في كل مرة

آية حسان
آية حسان
5727

لو زهقتى من ستايلك وحاسة إنه مش مميز فالوقت جيه عشان يكون ستايلك مميز بس ده مش معناه إنك تشترى كل اللبس الترند وإنك تلبسى حاجات مش مرتاحة فيها إنما لازم تاخدى وقتك فى اختيار الستايل اللى يناسبك واللى تكونى مرتاحة فيه، في المقال ده هنقولك نصايح لستايلك هتساعدك تطلعي بلوك أحلى ومختلف في كل مرة 

9 نصايح لستايلك هتساعدك تطلعي بلوك أحلى ومختلف في كل مرة

افهمي الفرق بين الموضة والستايل 

فيه فرق كبير ما بين الموضة وستايلك الخاص بيكى .المقصود إنك تختارى من الموضة إللى يناسب ستايلك. مش كل موضة أو ترند ممكن يخليكى مرتاحة أو يعجبك وده طبيعى .إنك تبقى دايما بتلبسى تبع الموضة من غير ما يكون مناسب هيخليكى ملكيش ستايل خاص بيكي،  لازم يكون هدفك إنك تختارى ستايل وإطلالة بتحبيها.

افهمي الفرق بين الموضة والستايل
افهمي الفرق بين الموضة والستايل

اعرفي ايه اللي بتحبيه 

.بصى على اللبس إللى فى المجلات وإللى موجود أونلاين واسألى نفسك هل هتحبى تجربيها او شايفة نفسك هترتاحى وانتى لبساها. ناس كتير ممكن يعجبها ستايل معين ويبقى حلو اوى بس لما ييجوا يجربوه بيلاقوه مش مناسب ليهم زى ما بالظبط لما تيجى تجربى قصة شعر جديدة بتبقى حلوة جدا وانتى بتشوفيها بس لما بتجربيها عليكى بتلاقيها مش شبهك ومش حلوة .بس متزهقيش وحاولى دايما تجربى كل الستايلات إللى عجباكى لحد ما توصلى للى إنتى مرتاحة فيه.

اعرفي ايه اللي بتحبيه
اعرفي ايه اللي بتحبيه

الاسود الكلاسيك 

شوية هدوم لونها إسود زى فستان إسود وجاكيت وبنطلون إسود  فى دولابك هتساعدك إنك تجربى عليها حاجات كتير تطلعى بيها بإطلالة حلوة ومميزة وده لإن الإسود بيليق على أى حاجة. ممكن كمان تضيفى إكسسوارات حلوة وبسيطة تخلى الطقم أحلى.

الاسود الكلاسيك
الاسود الكلاسيك

العقد الكبير هيخلي اللوك أحلى 

السلاسل الكبيرة إللى فيها فصوص من الجواهر أوالسلاسل الدهب  والعقد كبير الحجم ممكن تخلى الإطلالة بتاعتك أحلى بكتير.

العقد الكبير هيخلي اللوك أحلى
العقد الكبير هيخلي اللوك أحلى

اعرفي ايه قطعة الملابس اللي بتميزك 

كل واحد فينا محتاج على الأقل قطعة ملابس واحدة مميزة وشيك وبتعبر عن ستايله.مثلا كايلى جينر معروفة بلبس الجامبسوت.قطعتك المميزة ممكن تبقى أى حاجة سواء كانت إكسسوار أو ملابس.

اعرفي ايه قطعة الملابس اللي بتميزك
اعرفي ايه قطعة الملابس اللي بتميزك

البسي من لون واحد 

متقلقيش من إن يكون الطقم بتاعك كله من لون واحد أو درجات مختلفة من نفس اللون زى الدرجان المختلفة من الأبيض ممكن لما تجربى إكسسوارات بسيطة يضيف شياكة ويخلى الطقم مميز.

البسي من لون واحد
البسي من لون واحد

انتبهي للمجاملات 

من ضمن اهم نصايح لستايلك هى انك تنتبهي للمجاملات، يعني لو لقيتى الناس عاجبها طقم إنتى لبساه خلى بالك من تعليقاتهم.كل ما هتاخدى تعليقات إيجابية على طقم معين فده هيخليكى مرتاحة وانتى لبساه وهتحسى إنه مناسب وشكله حلو عليكى.

اهتمي بالاكسسوارات 

إختيار الإكسسوارات ممكن يخلى شكل اللبس مختلف كل مرة مثلا الحزام على فستان قصير هيخلى شكله أحلى. الاسكارف كمان هيدى لمسة جمال للطقم بتاعك.

اهتمي بالاكسسوارات
اهتمي بالاكسسوارات

نظمي دولابك 

أكيد فيه لبس فى دولابك مش هيخليكى تلبسى الستايل إلى انتى عايزاه خصصى عشانه ساعة فى أى يوم وحاولى توفقى القطع على بعضها بحيث إن شكل الطقم فى الاخر يبقى مناسب للستايل بتاعك، وافتكري دايما ان المهم هو إنك تختارى الستايل المناسب ليكى هيخلى إطلالتك مميزة دايما حتى لو مش شبه الترند أو الموضة بالظبط.

اعرفي معانا كمان بالصور .. طريقة عبقرية تغيري بيها ستايلك بمنتهى السهولة

مقالات متعلقه

نصايح وأفكار ازاى يبقى لبسك على الموضة وتريندي من غير ما تصرفى فلوس كتير

نصايح وأفكار ازاى يبقى لبسك على الموضة وتريندي من غير ما تصرفى فلوس كتير

Ankle Boots collection من دار أزياء Aldo للشتاء السنة دي

Ankle Boots collection من دار أزياء Aldo للشتاء السنة دي

5 حيل لتغيير اللوك سهلة وبسيطة هيخلوا شكلك يبان أحلى.. اعرفيهم واستفيدي منهم

5 حيل لتغيير اللوك سهلة وبسيطة هيخلوا شكلك يبان أحلى.. اعرفيهم واستفيدي منهم