صور وأفكار تعرفي بيها أفضل ستايلات اكسسوارات صيف 2019

آية حسان

في

3903

الصيف هو أحسن وقت عشان تغيرى فيه ستايل اكسسواراتك ممكن ترفعى مستوى أى لوك ليكى بإنك تغيرى إكسسواراتك .عشان كده دي شوية نصائح عن الاكسسوارات وتقدرى تلبسيهم مع إيه، بتفاصيل جديدة ومبتكرة، اعرفي معانا في المقال ده أفضل ستايلات اكسسوارات صيف 2019.. خلينا نبدأ على طول

صور وأفكار تعرفي بيها أفضل ستايلات اكسسوارات صيف 2019

اكسسوارات الاصداف shell accessories :

إكسسوارات الصدف هى أهم ترند فى الإكسسوارات دلوقتى وحاليا كتير من البنات المهتمين بالفاشون وبلوجرز الفاشون على الإنستجرام اتبنوا الفكرة دي بشكل كبير بداية من العقود إللى على شكل نجم البحر لحد الأشكال المختلفة للصدف. الإكسسسورات دي بتضيف شياكة وشكل حلو لأى طقم. إحنا بنفضل عقد الصدف يكون مع جينز أزرق باهت ولو عايزة تضيفى اناقة أكتر للبسك على الشط ممكن تجربى عقود الصدف إللى متلونه بالدهبى أو أنسيال كبير من الصدف .

اكسسوارات العملات coin necklace :

إكسسوارات العملات ترند فى المواسم القليلة إللى فاتت.التيشرت الأبيض مع سلسلة دهبية إطلالة بنحبها كلنا. متخافيش من إنك تلبسى أكتر من سلسلة دهبية على قميصك الأبيض ده هيضيف شكل حلو وشيك بأقل مجهود.

لولي مع فلورال pearls with floral :

من ضمن أهم اكسسوارات صيف 2019 هو العقد اللولي، سواء كنتى بتقضى الصيف فى مدينة أو قرية فالفساتين الفلورال إختيار أساسى .الصيف ده اللولى ترند وحلو جدا مع الفساتين الفلورال لإن الفستان الفلورال له إطلالة مميزة لوحده فبساطة الإكسسوارات معاه حلو جدا سواء كان طوق أو عقد أو توك كلبس فاللولى بيعتبر اكسسوار مميز دايما وأنيق، مصمم زى أليكسندر ماكوين ضاف مجموعة من اللولى الصيف ده.

أكتر من سلسلة LAYERED NECKLACES :

لأن أكتر من سلسلة او الـ layered necklaces فى المصيف هتضيف لمسة شياكة كبيرة كبيرة جدا للوك بتاعك خصوصا في خروجات وسهرات بالليل، ممكن تجربى سلسلة أو اتنين مميزين وممكن خلخال دهبى مناسب للشط المهم تكون حاجات ينفع تبقى مع بعضها.

أكتر من حلق Earring stack combo :

عشان تضيفى شياكة الصيف للوك بتاعك ممكن تجربى أكتر من حلق وده طبعا هيحتاج اكتر من ثقب فى ودنك بس حاولى تختارى الـ combination المناسب عشان يطلع شكله حلو، الحلقان الدهبية هتضيف لمسة جميلة لكل لوكات الصيف بتاعتك، ممكن تختاري حلق على شكل قمر او نجوم او ريشة للوك مميز.