7 اسباب هيخلوكي تشتري فرش المكياج البيضاوية

بقلمريهام محمود فيمكياج visibility337

فرش المكياج البيضاوية من الحاجات التريندي اللي ظهرت الفترة الاخيرة في عالم ادوات المكياج ومستحضرات التجميل, والفرشة بتكون بيضاوية وكبيرة شبه فرشة الشعر, والنوع من الفرش نال اعجاب كل خبراء التجميل والفنانين والمشاهير اللي استخدموها, فيا ترى هل تستحق انك تشتريها, ده اللي هنعرفه النهاردة وهنقولك 7 اسباب هيخلوكي تروحي تشتري فرش المكياج البيضاوية النهاردة.

فرش المكياج البيضاوية:

1- سعرها مش غالي:

فرش المكياج البيضاوية بتتميز ان سعرها مش غالي, تقدري تشتري المجموعة كاملة بسعر رخيص, وهتلاقوها متوفرة في سمير وليم بأسعار بتبدأ من 50 جنية.

فرش المكياج البيضاوية

2- الدمج:

دمج المكياج على الوش بطريقة صح وسهلة يعتبر تحدي بالنسبة لبنات كتير, ومن اكتر المميزات المشهورة بيها فرشة المكياج البيضاوية هي قدرتها العالية جدا على المزج او الدمج اللي متتقارنش باي فرشة تانية, لانه شكلها البيضاوي بيساعد على دمج مكياجك  من غير مجهود وبتخليه شكله ناعم وموحد على البشرة من غير تلطيخ.

3- هتحسيها زي المخدة على وشك:

الفرش البيضاوية ناعمة جدا على البشرة, وفعلا لما تيجي تطبقي المكياج بساتخدام الفرشة البيضاوية هتحسي بنعومتها قد ايه على بشرتك وانها سلسلة جدا على البشرة.

بعكس انواع كتير من فرش المكياج التانية اللي ممكن تسبب تهيج للجلد لو ضغطتي بقوة عشان تدمجي بيها المكياج, لكن الفرشة البيضاوية مهما ضغطتي بيها على البشرة مش هتحسي غير بالنعومة على جلدك.

فرش المكياج البيضاوية

4- مصنوعة من خامات لطيفة على البشرة:

زي ما قولنا في النقطة اللي فاتت ان الفرش العادية ممكن تكون قاسية على البشرة لانها بتبقى مصنوعة من شعر الحيوانات, بعكس الفرش البيضاوية هنلاقي انها مصنوعة كلها من الياف تركيبية.

ولكن اكيد الغش موجود في كل حاجة, يعني ممكن بعض المصنعين او الموزعين يستخدموا شعر الحيوانات في الفرش البيضاوية, عشان كده لازم لما تيجي تشتري تتأكدي كويس من خامتها ونعومتها على البشرة, ولكن بالنسبة الاكبر هنلاقي ان الفرش البيضاوية هيكون صعب الغش فيها.

فرش المكياج البيضاوية

5- سهلة التنضيف:

فرش المكياج العادية عادة بتاخد مجهود في التنضيف ولازم تتنضف بالمية والصابون, وبتاخد وقت ممكن يوصل لمدة 12 ساعة على ما تنشف عشان تقدري تستخدميها تاني.

لكن الفرش البيضاوية تقدري تستخدمي معاها طرق التنضيف الجاف او الصلب, يعني تقدري تستخدمي اي انواع سبراي منظف ترشيه عليها لازالة اي منتج مكياج تماما من الفرشة, وتقدري انك تستخدميها تاني بشكل فوري.

فرش المكياج البيضاوية

6- متعددة الاستخدامات:

مع فرش المكياج البيضاوية انتي مش هتحتاجي تشتري فرش كتير او مجموعة كاملة من عشرين فرشة او اكتر عشان تلبي كل احتياجات مكياجك, لان الفرش البيضاوية اكتر تنوع بكتير من فرش المكياج التقليدية او العادية.

تقدري تستخدمي فرشة مكياج بيضاوية واحدة لدمج كريم الاساس, الكونسيلر, وحتى كمان دمج الايشادو, جربي اكتر من حجم من احجام الفرشة البيضاوية وشوفي اكتر حجم هتكوني مرتاحة معاه لمناطق مختلفة في وشك واعتمدي عليه, والفرشة البيضاوي متوسطة الحجم تعتبر من اكتر الاحجام الاكتر تنوع واللي تقدري تستخدميها في اي مكان بداية من الخدين لحد الجفون.

فرش المكياج البيضاوية

7- بتوفر في المنتج:

الالياف السميكة والكثيفة المصنوعة منها فرش المكياج البيضاوية بتمنع ان الفرشة تمتص كمية زيادة من منتجات المكياج سواء السايلة او البودر.

بعكس كتير من الفرش التقليدية اللي بتهدر كميات كبيرة جدا من منتجات المكياج, وده بيجبرك انك تستخدمي مكياج اكتر وبالتالي المنتجات بتخلص اسرع وهتضطري انك تشتري جديد كل شوية, لكن الفرش البيضاوية هتساعدك على توفير الوقت والفلوس من خلال الحفاظ على المكياج على سطح الفرشة ومزجه كله على وشك من غير هدر.

الاسباب دي كلها بتخلي الفرش البيضاوية افضل بكتير جدا من فرش المكياج التقليدية, عشان كده بننصحك انك تشتريها وانتي مطمنة وجربي كل المزايا دي بنفسك.

فرش المكياج البيضاوية

روتين مكياج سريع تعمليه في اقل من 10 دقايق وتطلعي بلوك مثالي

روتين مكياج سريع