انسب 8 قطع ملابس لبعد الشاطيء للوك صيفي انيق

بقلمريهام محمود فيموضة وأزياء visibility301

اكيد في موسم الصيف كلنا بنحاول اننا نقضي اكبر وقت على البحر ونستمتع بجو الصيف على قد ما نقدر, وبيكون الروتين اليومي بتاعنا كله حركة ونشاطات كتير وبنبقى مش عايزين نضيع ولا لحظة من غير ما نستمتع بيها, وكلنا تقريبا بيكون نظامنا اننا نقضي وقت على الشاطيء وفي البحر وبعدها ممكن نروح ناكل في مكان او نشرب حاجة, لكن اكيد مش هتروحي تاكلي في مطعم بلبس البحر, في الحالة دي هتبقي عايزة اللبس المناسب اللي تلبسيه بعد البحر على طول, والنهاردة من خلال موضوعنا هنشوف مع بعض افضل 8 قطع ملابس لبعد الشاطيء اللي ممكن تتلبس فوق لبس السباحة ويطلع اللوك حلو.

قبل ما نعرف ايه القطع المناسب لبعد الشاطيء, تعالوا نعرف الاول ايه اتجاهات الموضة اللي هنشوفها كتير في موسم الصيف ده.

الموضة الرجالي:

1- التشينو شورت  The Chino Shorts:

من انسب القطع الرجالي اللي ممكن تتلبس بعد الشاطيء هو التشينو شورت, يعتبر اختيار مثالي جدا للبسه بعد الخروج من البحر على لبس السباحة, لان النسيج بتاعه بينشف بسرعة وبالتالي هيكون عملي جدا ومريح.

قطع ملابس لبعد الشاطيء
قطع ملابس لبعد الشاطيء

قطع ملابس لبعد الشاطيء

2- الالوان الباستيل:

مافيش اكتر جاذبية من الراجل اللي عنده ثقة في نفسه, ومن انسب الالوان اللي هتكون مناسبة جدا لبعد الشاطيء هي الالوان المحايدة والالوان الباستيل من اول اللون اللينك للاصفر والازرق, وتعتبر الالوان الباستيل من الالوان التريندي الرئيسية في ازياء الرجال لفصل الربيع والصيف, والشاطيء يعتبر هو المكان المثالي اللي تتلبس فيه الالوان دي.

قطع ملابس لبعد الشاطيء
قطع ملابس لبعد الشاطيء

قطع ملابس لبعد الشاطيء قطع ملابس لبعد الشاطيء قطع ملابس لبعد الشاطيء

3- القطع المطبوعة:

لما الموضوع يتعلق بملابس السباحة الرجالي, من القطع المميزة جدا للشاطيء هي المايوهات المطبوعة بدرجات زاهية ومشرقة, والستايل القصير اللي بيكون فوق الركبة مباشرة من الستايلات الموضة جدا, لان الستايل الطويل بقى موضة قديمة وانتهت والقصير هو الموضة حاليا.

قطع ملابس لبعد الشاطيء
قطع ملابس لبعد الشاطيء

قطع ملابس لبعد الشاطيء

الموضة للبنات:

4- الفساتين الميدي بستايل Flowy:

ال Sundresses مش بتخرج ابدا من موضة الصيف, ولكن الفستان الميدي بشكل خاص تريندي جدا لموسم الصيف السنة دي, اللي بيكون عادة طوله عند الركبة او تحتها, والفساتين باي طول عموما من القطع المناسبة جدا للصيف وهنلاقي منها ستايلات كتير مختلفة.

والميزة في الفساتين الميدي انك تقدري تلبسيها كملابس للشاطيء على ملابس السباحة بتاعتك, او تلبسيها وانتي رايحة تتعشي في اي مكان لانها في كل الاحوال هتطلعك بلوك صيفي انيق.

قطع ملابس لبعد الشاطيء
قطع ملابس لبعد الشاطيء

قطع ملابس لبعد الشاطيء قطع ملابس لبعد الشاطيء قطع ملابس لبعد الشاطيء

5- الجيب الجينز:

لكل محبين موضة التسعينات, الجيبة الجينز رجعت معانا تاني, من القطع اللي كانت تريندي جدا في فترة التسعينات ورجعت موضة تاني من الموسم اللي فات ومستمرة معانا في 2019, الميزة فيها انها مريحة وانيقة وسهلة اللبس فوق لبس السباحة بعد البحر, ممكن تلبسي الجيبة الجينز مع فانكي بليزر, او تلبسيها مع قطعة السباحة اللي فوق بتاعتك.

قطع ملابس لبعد الشاطيء
قطع ملابس لبعد الشاطيء

6- اعتمدي على القطن:

خامة القطن من الخامات الضرورية جدا خلال فصل الصيف, لانه مريح جدا ومناسب لحرارة الصيف ومش بيسبب اي حساسية للجلد, ودلوقتي كمان بقى في ملابس سباحة مصنوعة من القطن.

قطع ملابس لبعد الشاطيء

انسب قطع ملابس لبعد الشاطيء:

7- شيميز رياضي مع شورت:

دلوقتي بعد ما عرفنا اتجاه الموضه الصيف ده واكتر القطع الموضة, هيجي وقت انك تختاري ملابس بعد الشاطيء, بالنسبة لانسب القطع الرجالي هي الشورت مع الشيميز, ممكن يتعمل مزيج من الشورت الكاكي مع شيميز رياضي, الشيميزات الرياضية من اكتر الحاجات المناسبة للصيف مع حرارة الجو والعرق لان نسيجها بيدي فرصة للجلد انه يتنفس وبيحمي في نفس الوقت من اشعة الشمس.

قطع ملابس لبعد الشاطيء

8- ال Fun and Flirty Casual Sundress:

وبالنسبة للبنات مش هنتوقف ابدا عن اقتراح ال Sundress كانسب قطعة للصيف والزي المفضل للشاطيء, هتقدري تلبسيه بعد ما تخرجي من البحر على لبس السباحة لانه بينشف بسرعة جدا ونسيجه خفيف ومريح, وهيكون افضل من الشورتات القماش لانها بتمتص المية ومش بتنشف بسرعة.

قطع ملابس لبعد الشاطيء

مع النصايح دي هتقدري بعد البحر على طول تتنقلي في اي مكان جنب الشاطيء تشربي او تاكلي حاجة, وافتكري دايما ان اهم حاجة تعملي توازن مثالي بين الراحة والسهولة والاناقة, هتكون النتيجة لوك صيفي رائع.

افكار للبس الفلورال كيمونو “Floral kimono” في الصيف