اهم النصايح ازاي تعملي لوك مكياج مات كامل مثالي

ريهام محمود
ريهام محمود
في
مكياج
2389

في الفترة الاخيرة انتشر جدا موضة المكياج المات او الغير لامع وبقى هو الاتجاه السائد في عالم الجمال والمكياج, بما فيهم الروج السائل المات, وكريم الاساس, والاكتر من كده انه دلوقتي في اتجاه انه يكون المكياج على كل الوش مات, لو انتي عايزة تجربي الاتجاه ده في المكياج ومش عارفة, النهاردة هنساعد كل بنات حوا في المهمة دي وهنقولك ازاي تعملي لوك مكياج مات كامل.

لوك مكياج مات كامل:

1- اختاري الموسم:

لوك المكياج المات بيطلع حلو جدا لكن لازم نختار المسوم المناسب ليه, اللوك المات بيكون مناسب اكتر في المواسم الباردة زي الخريف والشتا, في المواسم دي المكياج المات بيطلع طبيعي اكتر, وبيفضل ثابت طول اليوم بعيد عن حرارة الجو والرطوبة في الصيف خلال الايام اللي بتكون درجة الحرارة فيها عالية اوي, والافضل ان المكياج يكون خفيف وتنهيه بلمسه Dewey  بسيطة او بلمعة خفيفة.

لوك مكياج مات كامل 1
لوك مكياج مات كامل 1

2- الترطيب:

ترطيب بشرتك مهم جدا قبل استخدام المكياج المات او الغير لامع, لان البشرة مع المكياج المات ممكن يطلع شكلها جاف في النهاية, عشان كده قبل تطبيق المكياج المات دلكي بشرتك بطبقة رقيقة من الكريم المرطب المناسب لنوع بشرتك.

سيبي البشرة تمتص المرطب لمدة كام دقيقة, وبعدها ابدأي في تطبيق المكياج, طبقة الترطيب دي هتحافظ على رطوبة البشرة طول اليوم وهيمنع المكياج انه يبقى Cakey.

لوك مكياج مات كامل 2
لوك مكياج مات كامل 2

3- استخدمي سبراي ضد اللمعان:

لو انتي معندكيش مكياج مات مش محتاجة انك تشتري مجموعة مكياج جديدة, كل اللي هتحتاجيه بس سبراي ضد اللمعان, للوك مكياج مات.

كل اللي هتعمليه بعد ما تحطي مكياجك العادي رشي من السبراي على الوش كله هيحول المكياج لمات وهيزيل لمعته, من غير ما تحتاجي تستخدمي مكياج مات.

لوك مكياج مات كامل 3
لوك مكياج مات كامل 3

4- جربي درجات الايشادو الترابية:

الايشادو المات ممكن يبقى شكله حاد او يعمل لوك مش مريح للعين, عشان كده الافضل انك تعتمدي على الوان الايشادو الترابية المات لانها بتكون افضل على العين من الالوان الغامقة ومشرقة اكتر, والمكياج الغير لامع للعين ممكن يعملك لوك مودرن من غير اي مجهود.

لوك مكياج مات كامل 4
لوك مكياج مات كامل 4

5- قشري الشفايف:

احمر الشفايف السائل المات بيطلع تحفة جدا على الشفايف, ولكن النوع النوع ده من الروج عيبه الوحيد انه ممكن يظهر الشفايف ناشفة ومشققة, وعشان تتجنبي المشكلة دي قشري الشفايف قبل ما تحطي الروج المات.

اخلطي كميات متساوية من السكر وزيت جوز الهند والعسل, ودلكي بيها الشفايف في حركات دائرية خفيفة, وبعدين اغسليها بالمية, بعدها حطي طبقة رقيقة من زبدة الكاكاو قبل تطبيق الروج المات عشان تعملي ترطيب اضافي للشفايف, وكده شفايفك تبقى جاهزة للروج وهتطلع ناعمة وشكلها حلو.

لوك مكياج مات كامل 5
لوك مكياج مات كامل 5

6- افتكري ان القليل هو الاكتر Less Is More:

لو عايزة مكياج الوش كله يبقى مات وهتستخدمي منتجات كلها من غير لامعة بما فيهم كريم الاساس والبودر, يبقى مهم جدا تعرفي ان الاقل او الاكتر, بمعنى انك لو حطيتي كميات زيادة من منتجات البشرة المات بشرتك هتطلع Caky وهتتشقق وهيبقى شكلها مش حلو بعكس المكياج اللامع, عشان كده الطبقات الرقيقة والكميات الاقل هتكون هي الافضل دايما مع المكياج المات.

لوك مكياج مات كامل 6

7- ضيفي لمعان بسيط:

مش معنى انك هتستخدمي مكياج مات انه مينفعش تضيفي لمعة بسيطة تدي توهج طبيعي للبشرة, ومهم انك تفضلي اكيد بعيد عن المكياج اللامع عشان تحققي اللوك المات, لكن مع ذلك تقدري تضيفي لمسة هايلايتر لعضم الخدين والحاجبين, لكن اتأكدي بس انك تستخدمي هايلايتر بودر بألوان طبيعية زي اللؤلؤي او الشامبين.

الحد الادنى او الكمية البسيطة من الهايلايتر مع المكياج المات هيحافظ على اللوك المات بتاعك وفي نفس الوقت مش هيخلي اللوك يبقى باهت او شكله مش طبيعي.

في النهاية تطبيق المكياج المات مش دايما بالسهولة اللي انتوا متخيلينها لانه لو طبقتيه بشكل مش صح هيديكي في النهاية لوك باهت اوي او Caky, عشان كده بننصحك تمشي على النصايح اللي قولناها في المقال بتاعنا عشان تعلمي لوك مات كامل مثالي.

لوك مكياج مات كامل 7

مقالات متعلقه

10 حيل تجميلية بسيطة ممكن تعمليها عشان تطلعي بلوك احلى في وقت سريع

10 حيل تجميلية بسيطة ممكن تعمليها عشان تطلعي بلوك احلى في وقت سريع

10 نصايح مكياج من خبراء مكياج المشاهير هتفرق معاكي

10 نصايح مكياج من خبراء مكياج المشاهير هتفرق معاكي

ازاي تنظمي المكياج بتاعك بسرعة وبطريقة سهلة

ازاي تنظمي المكياج بتاعك بسرعة وبطريقة سهلة