افضل طرق تخسيس البطن من غير تمارين

بقلمريهام محمود فيتخسيس الوزن visibility2043

معظم البنات حلمهم يكون جسمهم متناسق ومثالي وبطنهم مسطحة, لكن في اوقات كتير بيكون الانتظام على التمارين صعب, مثلا معندكيش وقت, بتكسلي شوية, ومافيش شك ان النظام الغذائي الصحي مع التمارين هتخليكي تواصلي للنتيجة اللي انتي عايزاها, لكن لو انتي مش بتقدري تعملي تمارين بنقولك متقلقيش, النهاردة هنعرف مع بعض افضل طرق تخسيس البطن من غير تمارين.

طرق تخسيس البطن من غير تمارين:

1- حافظي على ضهرك مفرود:

الضهر المفرود هو اول خطوة لبطن مسطحة, لان في كتير من الاوقات ممكن القعدات او الوقوف بشكي غلط او بطرق معينة تزود مشكلة البطن مع مرور الوقت, لكن الوقوف والقعدة بشكل مستقيم هيقلل فورا من بعض الدهون المتراكمة في المنطقة دي.

عشان تقفي بشكل مستقيم تخيلي دايما كده ان في حبل بيسحب الجزء اللي فوق من جسمك للسقف, وهتحسي بالفعل ان كتفك بيعلى لفوق, وعشان تحسني من شكل جسمك اثناء القعدة, اتأكدي ان القدمين لامسين الارض في كل الاوقات, وممكن كمان تحطي مخدة على الجزء الخلفي من ضهرك عشان تتأكدي انه مفرود.

تخسيس البطن من غير تمارين
تخسيس البطن من غير تمارين

وممكن تشوفوا في الفيديو نصايح لطرق القعدة بشكل صح:

2- رطبي نفسك:

شرب المية, على الاقل 8 كوبايات في اليوم, مش بس بيرطب الجسم وبيزيل السموم, لكن كمان بيساعد في التخلص من الوزن وخصوصا في منطقة البطن, شرب السوايل كتير كمان بيساعد انه يقلل من انتفاخ قبل الدورة الشهرية, حاولي تشربي المية قبل الوجبة, ومتشربيش مية بعد الغدا او العشا مباشرة, استني لمدة من 10 – 15 دقيقة وبعدها اشربي مية.

حاولي تعملي نشاطات فيها حركة زي المشي مسافات طويلة, ركوب العجل, يعني اي حاجة فيها نشاط بدني.

تخسيس البطن من غير تمارين
تخسيس البطن من غير تمارين

3- طهري جهازك الهضمي:

اوقات كتير ممكن تحسي بانتفاخ, وفي الحالة دي جسمك محتاج انه يمشي على روتين يخليكي تستخدمي التواليت كل يوم, عشان تتخلصي من الامساك اللي بيسبب الانتفاخ.

عشان تتخلصي من المشكلة دي تقدري تعملي روتين صباحي كل يوم, بانك اول ما تصحي من النوم تشربي كوباية مية دافية كبيرة, وهتلاحظي تقريبا نتيجة فورية من الطريقة دي.

تخسيس البطن من غير تمارين
تخسيس البطن من غير تمارين

4- كلي صح:

الاكل الصح بيشمل حاجات كتير, واول حاجة منها انك محتاجة تقللي من الاطعمة المصنعة, والمواد الحافظة اللي بتحتوي على نسبة عالية من الملح وبتزود الانتفاخ.

تاني حاجة دخلي في نظامك الغذائي الخضروات والفواكه الغنية بالالياف واللي بتحتوي على نسبة عالية من المية, المية هتساعد على تقليل الانتفاخ, والالياف هتحسن عملية الهضم واللي بدورها هتساعد على بعض الدهون من مطقة البطن.

تالت حاجة كلي وجبات صغيرة, استخدمي اطباق صغيرة تحطي فيها الاكل عشان الكمية الصغيرة تبان كانها كبيرة ومتاكليش كتير.

رابع حاجة مضغ الاكل كويس مهم جدا, المفروض انك تمضغي الاكل على الاقل 10 مرات قبل بلعه, لو الاكل متمضغش كويس هيحتاج لمجهود اكبر لتكسيره في المعدة, وده هيأدي للغازات, الانتفاخ, عسر الهضم.

اخر حاجة الاكل بسرعة, بيخليكي تبلعي هوا اثناء الاكل, وده هيتراكم في البطن ويسبب الانتفاخات, عشان كده بننصحك انك تاكلي ببطء.

وبننصحك انك تاكلي اقل من كل حاجة, عشان متبقيش محرومة من حاجة كلي اللي نفسك فيه ولكن بكميات اقل.

تخسيس البطن من غير تمارين

5- دخلي البروبيوتيك في نظامك الغذائي:

البروبيوتيك مهم جدا, لانها بتدعم الجهاز الهضمي, وبتتأكد من تكسير الاكل بشكل كويس, وهتخلصك من كل مشاكل الجهاز الهضمي.

وافضل طريقة عشان تدخلي البروبيوتيك او البكتيريا الجيدة في نظامك الغذائي هي اكل الزبادي او اللبن الرايب, وممكن كمان تاخدي مكملات غذائية, لكن اكيد انك تحصلي عليه بشكل طبيعي هيكون افضل.

تخسيس البطن من غير تمارين

6- امشي مسافات طويلة:

دي تعتبر افضل طريقة لتخسيس البطن من غير تمارين, المشي ببطء بمدة 30 دقيقة, هتساعد على تحسين عملية التمثيل الغذائي في الجسم وهيحرق الدهون حوالين منطقة البطن, حوالي انك تتمشي كل يوم.

تخسيس البطن من غير تمارين

7- اتجنبي مضغ اللبان:

مضغ اللبان بيأدي لبلع كميات من الهوا اللي هيسبب انتفاخ للبطن, ولو عايزة تحافظي على نفسك ريحته حلوة بدل اللبان ممكن تمضغي نعناع, واتأكدي انك هتمنعي نمو وانتفاخ البطن لو اتجنبتي مضغ اللبان.

تخسيس البطن من غير تمارين

8- استهلكي الاطعمة اللي سعراتها الحرارية سلبية:

الاطعمة اللي سعراتها الحرارية سلبية هي الفاكة والخضار اللي بتحتاج طاقة اكبر لاستقلاب السعرات الحرارية الموجودة في الاطعمة دي, بالاضافة انها بتحتوي على نسبة عالية من المية والفيتامينات والمعادن والبروتينات.

الاطعمة اللي سعراتها الحرارية سلبية زي البطيخ, الطماطم, الخس, البروكلي , القهوة, الكرفس, الجريب فروت, الزبادي, السمك, الفراخ, الديك الرومي, الفلفل الحار, شوربة الفراخ, التفاح, البرتقان, الجرجير, الخيار, الهليون, جربي تعملي سلطات بالمكونات دي او تدخليها في طبخك, وهتلاحظي الفرق.

تخسيس البطن من غير تمارين

9- اتجنبي السكر:

في كل مرة بتشربي فيها عصير من العصاير الجاهزة فانتي بتاخدي سعرات حرارية اكتر من انك لو كنتي اكلتي الفاكهة بشكلها الطبيعي, لان العصاير الجاهزة بتحتوي على نسبة كبيرة من السكر والنكهة واللون, عشان كده حاولي انك تتجنبيها.

كلنا تقريبا بنجب المعجنات والحلويات وبيكون صعب على كتير من البنات انهم يمنعوها, في الحالة دي تقدري انك تاكلي الحلويات اللي بتحتوي على كمية اقل من السكر او السكر الصناعي, والشوكولاتة الغامقة, والحلويات اللي حلاها قليل.

تخسيس البطن من غير تمارين

10- خدي مكملات غذائية:

فيتامينات  B المعقدة والكالسيوم مهمين جدا ومعظم النساء ميعرفوش الحقيقة دي, في المراحل العمرية المختلفة بتحصل تغيرات في الجسم بتأثر عليه, بعد البلوغ بتكون مستويات هرمون الاستروجين مرتفعة وده بيساعد على انه يحافظ على الدهون الجيدة او الدهون الواقية في الوركين والبطن, لكن بعد سن اليأس, بتنخفض مستويات هرمون الاستروجين والدهون الواقية بتستقر في منطقة البطن, عشان كده فيتامينات B المعقدة والكالسيوم مهمة لانها بتساعد على تنظيم مستويات هرمون الاستروجين في جسمك, لان المكملات دي بتطرد هرمون الاستروجين الزيادة من الجسم, وبتحافظ على ان منطقة الوسط تفضل نحيفة.

تخسيس البطن من غير تمارين

11- اتخلصي من التوتر والاجهاد:

الجسم لما بيحس بالتوتر والقلق بينتج هرمونات التوتر والستيرويدات, ودي بتأثر بشكل مباشر على الجهاز الهضمي, وبالتالي بتأدي للانتفاخ والامساك, ومش بس كده لكن كمان الجسم والعقل المجهدين بيزودوا من انتاج الكورتيزول اللي بيزود الدهون عند منطقة البطن عشان يحمي الاعضاء الحيوية في الجسم, عشان كده بننصحك انك تدي نفسك وقت تسترخي كل يوم, نامي لمدة 7 ساعات على الاقل كل يوم, اسمعي موسيقى, اعملي كل الحاجات اللي هتساعدك انك ترتاحي وتسترخي, وابعدي عن التدخين.

اتأكدي انك متناميش عدد ساعات زيادة, لان النوم المفرط, او عدم وجود نشاط لساعات طويلة ممكن يأدي لانتفاخ البطن.

12- زيادة تناول فيتامين C:

فيتامين C بيساعد على السيطرة على التوتر وكتير من المشاكل الصحية, وتعتبر الفواكه والخضروات زي البرتقان والليمون والفلفل الحلو والبروكلي واللفت والجريب فروت والكيوي مصادر كويسة جدا لفيتامين C, والمعادن زي الكالسيوم والبوتاسيوم والمغنسيوم والزنك, فيتامين C بيساعد على الهضم وبيحافظ على ضغط الدم, وهيكون كويس جدا لو اختارتي نوع فاكهة واحد على الاقل في اليوم يكون غني بفيتامين C.

13- كلي الكربوهيدرات الصحية:

مش المفروض انك تتجنبي الكربوهيدرات بشكل تام, لانها بتحتوي على كميات كبيرة من الفيتامينات والمعادن المفيدة للجسم, لكن اختاري الكربوهيدرات بذكاء, واعتمدي على الكربوهيدرات الصحية زي الارز البني, الكسكي, الحبوب الكاملة, البرغل, الخبز الاسمر, كل الحاجات دي ممكن انها تساعد في التخلص من دهون البطن, الحبوب الكاملة دي غنية جدا بالالياف اللي هتخليكي تحسي بالشبع, ونتيجة لده هتاكلي كميات اكل اقل.

14- كلي 3 وجبات من منتجات الالبان كل يوم:

ثلاث وجبات من منتجات الالبان زي اللبن, الزبادي, اللبن الرايب, والجبن, هتساعد على تعزيز مناعتك وتحسين الهضم, وتقوية العضم, وهتساعدك كمان على التخلص من الدهون الزيادة, لانها هتخليكي تحسي بالشبع, وبالتالي هتاكلي اقل.

15- كلي بروتين اكتر:

اكل البروتين عالي الجودة بيساعد على تقليل دهون البطن, لان البروتينات بتساعد في عملية التمثيل الغذائي وتقليل الرغبة الشديدة في الاكل وآلام الجوع, دخلي السمك المخبوز في الفرن ,والفراخ, والصويا, والعدس والمشروم في نظامك الغذائي.

وبننصحك انك تدخلي الخضروات بكمية كافية في نظامك لان اكل البروتين كميات كبيرة ممكن يأدي للنقرس.

16- اتجنبي الاطعمة النشوية:

الخبز الابيض, الارز, المكرونة, النودلز, الذرة, دقيق الذرة, البطاطس, وغيرها من الاطعمة اللي بتحتوي على نسبة عالية من النشويات, لان النشا بيتحول لسكر في الجسم, ولما بيكون في سكر زيادة بيتخزن في الجسم على شكل دهون, وعشان توصلي لبطن مسطحة يبقى لازم تتجنبي الاطعمة النشوية واستبدليها ببدائل صحية زي الارز البني والخبز البني.

في النهاية بنقولك لو انتي مش قادرة تمارسي رياضة ولا تمشي على نظام غذائي صحي للتخسيس, هتكون هي دي افضل الطرق اللي ممكن تمشي عليها.

كلي الوصفة دي على الفطار ومش هتعاني من دهون البطن تاني ابدا

وصفة للتخلص من دهون البطن