بالصور .. طريقة عبقرية تغيري بيها ستايلك بمنتهى السهولة

آية حسان
آية حسان
1246

اختيار وانك تعرفي هتلبسي ايه كل يوم مش قرار سهل زي ما الناس فاكرين، بالعكس الموضوع بيحتاج تفكير طويل عشان مفيش بنت الا بتكون حريصة على انها تطلع بأحلى شكل كل يوم وفي كل حاجة بتلبسها، وصعوبة الاختيار دي ممكن يكون سببها انك بتكرري الستايلات في لبسك بنفس القطع كل مرة من تغيير او تجديد، فلو زهقتي من دولابك ومش عارفه تعملي ايه احنا هنسهلها عليكي.. في المقال ده هنفولك على طريقة عبقرية تغيري بيها ستايلك بمنتهى السهولة

بالصور .. طريقة عبقرية تغيري بيها ستايلك بمنتهى السهولة

حاسه ان ألوان لبسك واحدة؟ 

واحنا بنبص في دولابنا كل يوم الصبح وبنشوف هنلبس ايه هتقي ايدك دايما بتروح للاسود او اجينز، لانه الحاجتين دول بالذات بيطلعوا دايما شيك وشكلهم حلوة من غير اي مخاطرة، لكن المخاطرة بتكون في انك تقرري تلبسي لون جديد عليكي او أكتر من لون مع بعض، عشان كده مهم من وقت للتاني انك تجددي في الالوان اللي بتلبسيها، لكن الاهم هو انك تعرفي تلبسي الالوان دي ازاي وازاي تنسقيها صح

ألوان جديدة هتساعدك على التغيير 

لما هتلبسي الوان جديدة غالبا هتلاقي نظرات وكلمات الاعجاب من اصحابك وزمايلك بتزيد لانك جربتي حاجة جديدة مش متعودين عليها منك، عشان كده مهم تجربي تلبسي ألوان جديدة من فترة للتانية لأنها مش بس هتخليكي شكلك أحلى لكن هتخليكي تحسي انك أحلى وواثقة من نفسك أكتر. 

خدي إلهامك كله من الطبيعة 

لو بتحتاري وماتبعرفيش تقرري بسهولة ازاي تنسقي اكتر من لون مع بعض يبقى بصي للطبيعة حواليكي هتلاقي درجات لا نهائية من الالوان متناسقة مع بعضها ببساطة وجمال، وتقدري تعملي زي تنسيقات الالوان دي في لبسك. ببساطة خدي الهامك كله من الطبيعة. 

خدي إلهامك كله من الطبيعة
خدي إلهامك كله من الطبيعة

الهامك من الطبيعة
الهامك من الطبيعة
 

إزاي الطريقة دي هتنفع؟ 

جربي وانتي في اي خروجة او لو بتتمشي لوحدك او مع اصحابك تطلعي موبايلك وتلقطي صور لتنسيقات الالوان اللي بتعجبك في الأشجار والورورد و السما والبحر وتقريبا اي منظر بتشوفيه، وبعد كده حاولي تطبقي تنسيقات الالوان دي او اقرب حاجة ليها على قد ما تقدري في لبسك

زهرة الأقحوان Daisy 

جربي تلبسي تيشيرت أصفر قصير مع تيشيرت تاني أطول منه يكون أبيض عشان الابيض هيقلل من حدة اللون الاصفر شوية، مع جينز ازرق غامق او اسود عشان تعملي لوك يشبه زهرة الأقحوان. ممكن كمان تدخلي الاخضر بدل الاصفر وبأي درجة تحبيها او ممكن تستخدميه في حلق او ساعة كإكسسوار. 

الزهور متدرجة الألوان Budding Flowers 

هنا ممكن تستعيني بالدرجات دي في انك تعملي لوك شبه الصورة، قميص خفيف من الجينز مع تيشيرت تحته بدرجة الفوشيا الغامقة او البنفسجي او اي درجة ما بينهم، وممكن برضه تعملي تنسيقات بقطع مختلفة من دولابك بنطاق الالوان دي. 

التيوليب الأحمر Red Tulip  

ألوان التيوليب جريئة أكتر، ممكن تجربي تلبسي زي الصورة بلايزر اخضر مع قميص ابيض ومانيكير ومكياج بيعتمد على اللون الاحمر او تخلي البلايز هو اللي احمر مثلا، وممكن تنفذي الالوان دي في دريس مع شوز وسكارف صعير حوالين الرقبة و تنوعي في الالوان براحتك. 

اعرفي معانا كمان ازاي اللوك بتاعك يطلع شكله انيق من غير ما تدفعي فلوس كتير

مقالات متعلقه

نصايح وأفكار ازاى يبقى لبسك على الموضة وتريندي من غير ما تصرفى فلوس كتير

نصايح وأفكار ازاى يبقى لبسك على الموضة وتريندي من غير ما تصرفى فلوس كتير

Ankle Boots collection من دار أزياء Aldo للشتاء السنة دي

Ankle Boots collection من دار أزياء Aldo للشتاء السنة دي

5 حيل لتغيير اللوك سهلة وبسيطة هيخلوا شكلك يبان أحلى.. اعرفيهم واستفيدي منهم

5 حيل لتغيير اللوك سهلة وبسيطة هيخلوا شكلك يبان أحلى.. اعرفيهم واستفيدي منهم