كل اللي محتاجة تعرفية عن تكنيك غسيل الشعر بالبلسم “Co Washing”

ريهام محمود
ريهام محمود
في
شعر
13825

ال Co Washing هو اختصار ل “conditioner-only washing, يعني معناه انك تتخطي خطوة الشامبو في غسيل الشعر وتعتمدي على البلسم بس, سواء بتغسليه بشكل يومي او اسبوعي, والطريقة دي ليها فوايد كتير للشعر هنعرفها مع بعض وهنقولك بالتفصيل ازاي تعملي تكنيك غسيل الشعر بالبلسم “Co Washing”.

ايه هو غسيل الشعر بالبلسم Co Washing:

تكنيك غسيل الشعر بالبلسم بيعتمد في الاساس انك تخرجي الشامبو من روتين تنضيف شعرك وتستبدليه بالبلسم العادي, او بنوع البلسم المنظف “Cleansing Conditioner”, والطريقة دي بتساعد على تنضيف وتغذية الشعر من غير استخدام الشامبو.

فوايد غسيل الشعر بالبلسم:

– بينضف الشعر بعمق.

– بيرطب الشعر بعمق.

– بيضيف حجم اكبر للشعر.

– بيرطب فروة الراس.

– بيضيف لمعان للشعر.

– بيقلل من هيشان وتجعد الشعر.

– بيساعد على تنعيم الشعر بشكل دائم.

– بيسهل تسريح الشعر والتحكم فيه.

– بيعمل درع واقي على الشعر من العوامل الخارجية.

غسيل الشعر بالبلسم 1
غسيل الشعر بالبلسم 1

انواع الشعر المناسبة للغسيل بالبلسم:

طريقة الغسيل بالبلسم مناسبة لكل انواع الشعر, وبشكل خاص للشعر الكثيف, والخصل الخشنة, والاطراف الناشفة, والشعر المجعد, واحدة من اكتر المميزات للطريقة دي هي انه بيساعد على ترطيب وتغذية الشعر المجعد او الكيرلي, وللبنات اللي دايما بيعانوا من جفاف الشعر “خصوصا في فصل الشتا”, طريقة غسل الشعر بالبلسم هتكون اكتر طريقة مناسبة ليهم.

اتجنبي استخدام انواع البلسم اللي فيها مواد كيميائية مضرة زي السيليكون والسلفات, اعتمدي على الانواع الخالية من المواد دي, دايما لما تيجي تشتري اي نوع بصي على مكوناته الاول وهاتي الانواع اللي مكتوب عليها Sulphate free, Silicone free.

غسيل الشعر بالبلسم 2
غسيل الشعر بالبلسم 2

طريقة غسل الشعر بالبلسم خطوة بخطوة:

1- اول حاجة بلي الشعر كويس جدا بالمية يعني شبعيه كويس, لان ده بيساعد على توزيع البلسم بالتساوي على جميع انحاء الشعر.

2- خدي من البلسم كمية كافية لطول وكثافة شعرك, وانسي ان انتي المفروض تاخدي كمية معينة بس ومتزوديش عنها لان ده ينطبق على الطريقة التقليدية اللي هي غسيل الشعر بالشامبو واستخدام البلسم للترطيب بس, وخبراء العناية بالشعر بينصحوا انك تستخدمي الكمية الكافية اللي تغطي الشعر كله من الجذور للاطراف, لان ده تنضيف مش مجرد ترطيب بس للشعر.

3- تالت خطوة دلكي البلسم في فروة الراس كويس ووزعية بالتساوي على كل الشعر لحد الاطراف, وبعدين سيبيه لحد ما الشعر يمتصه لمدة تقريبا من 3 – 5 دقايق, ولو شعرك جاف او تالف سيبيه على الشعر فترة اطول, دلوقتي اشطفي الشعر بالمية بالطريقة العادية وسرحيه او صففيه باي طريقة انتي متعودة عليها, وهتلاحظي ان شعرك محتاج منتجات اقل للتصفيف بعد غسيل الشعر بالبلسم, لان الشعر بيكون انعم واحسن واكتر استجابة.

4- مع طريقة غسل الشعر بالبلسم, هتحتاجي لغسل الشعر بالشامبو من مرة لمرتين بس في الشهر, وحسب طبيعة كل شعر, جربي وشوفي شعرك ممكن يكون محتاج غسيل بالشامبو, لكن بشكل عام مرة او مرتين في الشهر هتكون كافية للتنضيف من غير ما تنشف الشعر, ولو حسيتي ان شعرك محتاج غسيل اكتر بالشامبو تقدري تتحكمي في عدد المرات ما بين الغسيل بالشامبو والغسيل بالبلسم بس حسب حاجة شعرك.

غسيل الشعر بالبلسم 3
غسيل الشعر بالبلسم 3

بالفيديو طريقة غسل الشعر بالبلسم:

مقالات متعلقه

خطوتين بس هيساعدوا على زيادة نمو شعرك بسرعة وتكثيفه

خطوتين بس هيساعدوا على زيادة نمو شعرك بسرعة وتكثيفه

مكونات طبيعية اساسية ومتعددة الاستخدامات للبشرة والشعر

مكونات طبيعية اساسية ومتعددة الاستخدامات للبشرة والشعر

4 فيتامينات ومعادن محتاجاهم للحصول على شعر قوي وصحي

4 فيتامينات ومعادن محتاجاهم للحصول على شعر قوي وصحي