5 حاجات هتحصل جسمك في مرحلة العشرينات اعرفيهم واستعدي ليهم
كل ما بنتقدم في العمر حاجات كتيرة بتتغير في شخصياتنا وطريقة تفكيرنا وطبعا فى في جسمنا، اللي بيتغير بسبب أسباب كتير منها العضوية ومنها النفسية، عشان كده الانتقال من فترة المراهقة لفترة العشرينات بيعتبر من أهم المراحل اللي بتمر بيها أي بنت في حياتها لانها بتتحول من بنت لست، في المقال ده هنقولك على 5 حاجات هتحصل جسمك في مرحلة العشرينات عشان تعرفيهم وتبقى جاهزة ليهم
5 حاجات هتحصل جسمك في مرحلة العشرينات اعرفيهم واستعدي ليهم
حب الشباب:
شر لا بد منه، بيعتبر حب الشباب ومشاكل البشرة من أهم الحاجات اللي هتقابليها في حياتك، ولو قدرتي تفلتي منها في بداية العشرينات فأكيد هتواجهيها بعد الـ 25 لأن حب الشباب غالبا ما بينتج من تغيرات هرمونية بداية من مرحلة المراهقة ولحد انتهاء مرحلة الشباب ، المهم انك تاخدي بالك من بشرتك وتهتمي بيها سواء بالروتين اليومي أو الأسبوعي و تتابعي مع دكتور متخصص.
قلة النوم:
وبعدين بقى في قلة النوم! لا بعدين ولا حاجة، قلة النوم بتعتبر عرض طبيعي جدا هتمري بيه في فترة العشرينات وللأسف أوقات كتيرة هتكون قلة النوم والأرق من غير أي أسباب واضحة، في الفترة دي انسي نوم الـ 8 ساعات بتاع زمان واستقبلي الأرق ولياليه الطويلة، والأرق ده ممكن يكون بسبب الشغل والتفكير الكتير في المسؤوليات والضغوطات اللي بتمري بيها، هتجربي أعشاب وطرق تانية عشان تهديكي وتنامي بس خليني اقولك ان لو الحظ مساعدكيش والحاجت دي ماجابتش نتيجة معاكي، هتيجي في يوم وجسمك هيفصل لوحده وهتنامي لحد ما تاخدي كفايتك وماحدش هيقدر يصحيكي.
أمراض المنطقة الحساسة:
في الفترة دي المناطق الحساسة في جسمك هتتعرض لعدوى وأمراض كتيرة زي الإحساس بالتهيج أو الحرقان و ممكن تمري بيها أكتر من مرة في السنة الواحدة، كل ده عادي طالما في النطاق الطبيعي اللي بتقدري تسيطري عليه بعلاجات طبيعية او غسول آمن من الصيدلية، لكن لو الموضوع بيزيد عن حده فلازم تستشيري طبيب متخصص فورا ومن غير تأخير.
تغيرات في شكل الجسم :
جسمك ممكن شكله بيتغير فجأة بعد الـ 25، زي ان حجم منطقة الصدر او المؤخرة يكبر مثلا او يبقي شكل حاجة منهم مختلف، يعني انك تبقى curvy دي حاجة بنسبة كبيرة جدا هتحصلك بعد سن الـ 25 فلو لقيتي ان مقاساتك اتغيرت او شكل الهدوم عليكي بقى مختلف، عادي ماتقلقيش.
هتفهمي جسمك أفضل :
آخر حجاة معانا من حاجات هتحصل جسمك في مرحلة العشرينات هي ان مع التغيرات اللي هيبدأ جسمك يمر بيها هتقدري مع الوقت تفهمي جسمك بشكل أفضل، وتفهمي احتياجاتك وايه اللي بيرحك وايه اللي بيتعبك والحاجات المناسبة ليكي بشكل عام، ده هيساعدك تفهمي نفسك واحتياجاتك أكتر وكمان هيخليكي تعرفي ترتبي أولولياتك وازاي تحافظي على صحتك وجمالك بالطريقة اللي تناسبك.
اعرفي معانا كمان 7 أخطاء مالية في العشرينات اعرفيهم وتجنبي تعمليهم