ليه البنات اللي بيفضلوا سنجل لفترة طويلة بيبقوا أسعد؟

ريهام محمود
ريهام محمود
1972

لو انتي لسه سنجل ودايما بتتمنى تبقى زي صاحباتك المرتبطين وفكرة الارتباط دايما مسيطرة على تفكيرك, وحاسه انك محبطة انك لسه مش مرتبطة, احنا بنقولك ان في اسباب كتير اللي تخليكي تختاري انك تعيشي من غير ارتباط لفترة من الوقت, والنهاردة هنعرف مع بعض الاسباب دي و ليه البنات السنجل أسعد.

في ناس كتير لما تشوف البنت مش مرتبطة مش بتفكر ان ده اختيارها, لكن كل تفكيرهم بيدور حوالين انها ملقتش حد يحبها او يرتبط بيها, ودايما في نظرة من المجتمع ان البنت اللي فضلت تعيش الحياة لوحدها دي بائسة ومحبطة ومنعزلة ومحققتش الهدف الاسمى في الحياة “من وجهة نظرهم” وهو الارتباط وان حياتها فاضية.

لكن الحقيقة ان البنات اللي اختاروا عدم الارتباط, مش حاطين الارتباط كمعيار للسعادة, ويمكن كمان عايشين حياتهم افضل, وحاسين انهم مش محتاجين لشريك عشان يحسسهم انهم سعداء في حياتهم لانهم بالفعل عايشين سعداء.

ليه البنات السنجل أسعد:

ايا كان سبب عدم ارتباطك, فالبنات اللي بيفضلوا فترة طويلة سنجل بينتهي بيهم الامر انهم يكونوا اسعد لاسباب كتير هنعرفها دلوقتي مع بعض.

1- بيستفيدوا بوقتهم وهما لوحدهم بشكل صح:

البنت السنجل او اللي مش مرتبطة مش بتحس بعدم ارتياح وهي لوحدها, بالعكس هما بيشوفوا ان الوقت اللي بيكونوا فيه لوحدهم ده افضل وقت ليهم لانهم بيعرفوا يستثمروه صح, اولا بيديهم فرصة انهم يصفوا عقلهم وذهنهم ويشوفوا كل حاجة في حياتهم بوضوح عشان يقدروا يتابعوا مشاريعهم الشخصية او الحاجات اللي تخليهم سعداء فعلا.

ليه البنات السنجل أسعد 1
ليه البنات السنجل أسعد 1

2- مرتبطين بنفسهم بشكل اعمق:

البنات السنجل بيكونوا مرتبطين بنفسهم بشكل اعمق, واكتر وعي على المستوى العاطفي, وده بيخليهم يفهموا نفسهم اكتر وهما عايزين ايه بالظبط, وبيقدروا يحددوا او يختاروا بشكل افضل الشخص اللي عايزين يقضوا معاه باقي حياتهم, او امتى بالظبط الوقت الصح للارتباط.

ليه البنات السنجل أسعد 2
ليه البنات السنجل أسعد 2

3- مرتبطين اكتر بعيلتهم واصحابهم:

بيكونوا سعداء اكتر لانهم بيكونوا مرتبطين بعيلتهم واصحابهم اكتر, وعلاقتهم بتبقى قوية مع اللي حواليهم مش حاصرين نفسهم على شخص واحد بس, ولقوا السعادة الحقيقية خارج المجال الرومانسي او الارتباط العاطفي بشريك.

ليه البنات السنجل أسعد 3

4- مفتخرين باستقلاليتهم:

البنت اللي بتعيش سنجل فترة طويلة بتتعود على الاستقلال وانها تعيش لوحدها, ومش بتخاف انها تفضل سنجل للابد او متتجوزش خالص, لانها بتبقى قادرة انها تهتم بنفسها كويس جدا من غير ما تعتمد على حد, وحتى بتوصل لمرحلة انها بتكره فكرة انها تجعل حبيبها مركز عالمها او هو بس محور حياتها وكل حاجة بتدور حواليه.

ليه البنات السنجل أسعد 4

5- بيركزوا على اهدافهم اكتر:

الاهم من كل فات, البنات السنجل بيكونوا اسعد لانهم بيدوا نفسهم فرصة للتركيز على حياتهم وعلى اهدافهم اللي عايزين يحققوها على مستوى اعلى, وبيبقى اهدافهم ونجاحهم هما اللي ليهم الاولوية في حياتهم.

ليه البنات السنجل أسعد 5

في النهاية بنقولك متستعجليش في الارتباط لانك تقدري تعيشي سعيدة من غير ارتباط زي ما عرفنا مع بعض, وحتى لو ده معناه انك تفضلي فترة طويلة سنجل وبعيدة عن الصعود والهبوط العاطفي اللي بيحصل في اي علاقة, يبقى خليكي سنجل لحد ما تلاقي الشخص الصح The one.

4 حاجات لازم تتعلميهم لو لسه خارجة من علاقة غير صحية

4 حاجات لازم تتعلميهم لو لسه خارجة من علاقة غير صحية
4 حاجات لازم تتعلميهم لو لسه خارجة من علاقة غير صحية

مقالات متعلقه

50 سؤال تسألهم لحبيبتك عشان تعرفها بشكل افضل

50 سؤال تسألهم لحبيبتك عشان تعرفها بشكل افضل

تفضلي سينجل افضل من المحاربة في علاقة غلط ، اعرفي السبب

تفضلي سينجل افضل من المحاربة في علاقة غلط ، اعرفي السبب

اهم اسرار الزواج الناجح ، وازاي تظهروا احترامكم لبعض

اهم اسرار الزواج الناجح ، وازاي تظهروا احترامكم لبعض