نصايح وأفكار ستايلات تعمليهم بـ 5 قطع ملابس تجددي بيهم دولابك في صيف 2019

آية حسان
آية حسان
1521

الصيف والربيع دايما بيقدمولنا فرص حلوة جدا عشان نغير من ستايلاتنا ونجرب حاجات جديدة مختلفة عن الى متعودين عليه عشان نغير من الستايل واللوك بتاعنا، فلو نفسك تجربي حاجات جديدة عنك لكن بتقابلك مشكلة الاسعار الغالية للملابس وميزانيتك محدودة.. في المقال  ده بنات حوا هيقولولك على 5 قطع ملابس تجددي بيهم دولابك في صيف 2019

نصايح وأفكار ستايلات تعمليهم بـ 5 قطع ملابس تجددي بيهم دولابك في صيف 2019

1- بلوزة بفتحة صدر مربعة : 

الستايل ده من البلوزات هيخلي اللوك بتاعك أشيك بمراحل وبمنتهى البساطة، جربي تلبسي بلوزة بفتحة صدر مربعة مع جينز وسنيكرز أبيض، أو مع جيبة قصيرة وصندل كعب عالى أو strappy sandal.

2- شورت طويل : 

تاني قطعة معانا من قطع ملابس تجددي بيهم دولابك هو الشورت الطويل والواسع، غير انه مريح جدا ومناسب لجو الصيف الا انه كمان ممكن تعمليله styling بأكتر من طريقة مع بلوزة او تيشيرت وحتى  مع بليزر، مع شوز او سنيكرز بالنهار وكعب عالي بالليل. 

3- البلايزر الأبيض : 

البلايزر الأبيض قطعة أساسية لازم تكون موجودة عندك، لانه تقدري تلبسيه بأكتر من طريقة و في مناسبات وستايلات مختلفة، على جينز لو عايزاه كاجوال وعلى بنطلون او سكيرت كلاسيك لو عايزاه فورمال وممكن كمان على شورت واسع  لو عايزة تعملي بيه لوك صيفي ناعم وخفيف،  البلايزر الابيض بيعتبر قطعة اساسية ومهمة جدا تقدري تجددي بيها دولابك بسهولة وبأكتر من طريقة. 

4- سنيكرز : 

سنيكرز ابيض بيعتبر شوز سحري هيحل كل مشاكلك ولما هتفكري تلبسيه على اي حاجة هتلاقيه لايق وشيك وبمنتهى السهولة، جربي تلبسيه على جينز، فستان نهاري خفيف، كلاسيك على بلايزر وبنطلون، على سكيرت او اي حاجة تانية تحبي تجربي تلبسيها مع سنيكرز ابيض، فلو لسه لحد دلوقتي لسه ماعندكيش سنيكرز ابيض او خايفة تجربيه عشان بيتبهدل بسرعة او بيبوظ، يبقى  انتي بتفكري غلط.. السنيكرز الابيض بيعتبر قطعة مهمة لازم تكون موجودة عندك. 

سنيكرز
سنيكرز

5- الجينز القصير : 

انسي شوية السكيني جينز بتاعك وجربي تلبسي الجينز القصير أو الـ crop jeans ، بسهولة تقدري تلبسيه مع اي توب من أي نوع ومع اكترمن ستايل شوز من أول الفلات والكعب العالي لحد السنيكرز، وكمان بيعتبر موضة جدا الصيف ده وبيدي شكل حلو ومختلف للوك بتاعك. 

اعرفي معانا كمان ازاي اللوك بتاعك يطلع شكله انيق من غير ما تدفعي فلوس كتير

مقالات متعلقه

نصايح وأفكار ازاى يبقى لبسك على الموضة وتريندي من غير ما تصرفى فلوس كتير

نصايح وأفكار ازاى يبقى لبسك على الموضة وتريندي من غير ما تصرفى فلوس كتير

Ankle Boots collection من دار أزياء Aldo للشتاء السنة دي

Ankle Boots collection من دار أزياء Aldo للشتاء السنة دي

5 حيل لتغيير اللوك سهلة وبسيطة هيخلوا شكلك يبان أحلى.. اعرفيهم واستفيدي منهم

5 حيل لتغيير اللوك سهلة وبسيطة هيخلوا شكلك يبان أحلى.. اعرفيهم واستفيدي منهم