ازاي تخسري وزن من غير ما يحصل ترهلات للجلد

بقلمريهام محمود فيتخسيس الوزن visibility1088

هل بعد خسارة وزنك حصل ترهل في الجلد؟ انتي مش لوحدك اللي بتعاني من المشكلة دي, الحقيقة ان ترهل الجلد مشكلة شائعة جدا بتحصل بعد فقدان كمية كبيرة من الوزن من خلال اتباع نظام غذائي معين, او ممارسة تمارين الكارديو بشكل مفرط, والنهاردة من خلال موضوعنا هنقولك نصايح لـ منع ترهل الجلد بعد التخسيس.

مشكلة ترهل الجلد مرتبطة بحاجتين وهما فقدان الدهون في الجسم, وفقدان حجم العضلات.

ده ليه بيحصل؟ نبدأ الاول مع دور الدهون في الجسم, وبشكل خاص الدهون اللي تحت الجلد اللي بتكون بين الجلد والعضلات, لما بيكون في زيادة وزن وفي دهون زيادة تحت الجلد, في الحالة دي الجلد بيتمدد عشان يستوعب كمية الدهون اللي تحته, بعد فقدان الوزن الجسم بيفقد الدهون دي وبالتالي الجلد اللي كان متمدد بيحصل فيه ترهل, والمشكلة دي بتكون اكبر لما مش بنحافظ على حجم العضلات اثناء عملية فقدان الوزن.

الجسم بيتكون من العضلات بنسبة اكتر من 50%, واللي بتساهم في تشكيل الجسم, لما العضلات بيكون شكلها مظبوط الجلد المحيط بيها هيبقى مشدود, ومع ذلك لو ماحفظتيش على نسيج العضلات بشكل صح خاصا اثناء فقدان الوزن الجلد هيبقى مترهل.

لو انتي اثناء النظام الغذائي اللي ماشية عليه عشان تخسي بتمارسي تمارين كارديو بشكل زيادة, اكيد في الحالة دي هتفقدي العضلات, وده بيحصل لان نسيج العضلات بيتكون بشكل اساسي من الاحماض الامينية واللي هي اساسية لبناء البروتين اللي بيساعد في تكوين العضلات, ولما الشخص بيحاول يفقد وزنه وبيمشي على نظام غذائي قاسي مع التمارين الجسم هيحس انه في حالة تجويع وهيبدأ يستخدم البروتين الموجود في العضلات عشان يستمد منه الطاقة, ونتيجة لده بيتم فقدان حجم العضلات اثناء التخسيس.

عشان كده هنقولك من خلال شوية نصايح ازاي تخسي من غير ما يحصل ترهل في الجلد.

منع ترهل الجلد بعد التخسيس:

1- النصيحة 1:

اتجنبي فقدان الوزن بشكل سريع, لان انقاص الوزن لو زاد عن 3 – 5 كيلو في الشهر هيأدي لفقدان العضلات وبالتالي هيسبب ترهل في الجلد, المفروض تمشي على نظام غذائي يديكي في اليوم سعرات حرارية متزدش عن 500 – 1000 سعر حراري من خلال المزج ما بين النظام الغذائي المناسب مع التمارين الرياضية, ولو انتي بتعاني من زيادة مفرطة في الوزن في البداية خلال الشهر الاول هتخسري وزن بشكل سريع وده طبيعي, هتلاقي نفسك ممكن تخسي خلال الاسبوع الاول 2 كيلو وبعدين النسبة دي بتقل مع الوقت.

منع ترهل الجلد بعد التخسيس
منع ترهل الجلد بعد التخسيس

2- النصيحة 2:

خلي تمارين المقاومة او القوة جزء من نظام فقدان الوزن بتاعك, لانك لو مستخدميش العضلات هتفقديها, عشان كده بننصحك انك تجمعي ما بين تمارين الكارديو وتمارين القوة, امشي على برنامج رياضة باوزان معتدلة, اعملي اكبر عدد من تكرار كل تمرين (12 – 20 واكتر), وفترة الراحة تبقى قصيرة جدا بين المجموعات (30 – 60 ثانية), ده هيعزز فقدان الوزن مع الحفاظ على العضلات بشكل صحيح.

منع ترهل الجلد بعد التخسيس
منع ترهل الجلد بعد التخسيس

ممكن تشوفوا من خلال الفيديو بعض تمارين القوة والكارديو ممكن تعملوها في البيت:

3- النصيحة 3:

اتأكدي انك بتستهلكي المواد الغذائية اللازمة اللي تحافظ على العضلات, فلو انتي ماشية على نظام غذائي قاسي اكتر من اللازم, يبقى لازم متعمليش ده عشان تتجنبي فقدان العضلات وتوصلي للنتايج المطلوبة من تمارين المقاومة, حاولي في نظامك الغذائي تستهلكي بانتظام مجموعة واسعة من الاطعمة الغنية بالبروتين عالي الجودة مع كمية كبيرة من الكربوهيدرات الجيدة والدهون الصحية.

منع ترهل الجلد بعد التخسيس

افكار وجبات تأكليها بعد التمرين

افكار وجبات تأكليها بعد التمرين
افكار وجبات تأكليها بعد التمرين