ازاي اللوك بتاعك يطلع شكله انيق من غير ما تدفعي فلوس كتير

ريهام محمود
ريهام محمود
1256

لو بتدوري على نصايح عشان اللوك بتاعك يطلع شكله انيق من غير ما تدفعي فلوس كتير, يبقى انتي في المكان الصح, والموضوع مش بس حوالين التكلفة او الفلوس لكن كمان اختيار الملابس والقطع المناسبة بشكل صح, والنهاردة من خلال المقال بتاعنا هنتعرف على شوية نصايح للوك انيق, وكل اللي عليكي انك هتنفذيها في حياتك اليومية عشان تطلعي بشكل شيك.

نصايح للوك انيق من غير فلوس كتير:

زي ما قولنا ان الموضوع مش بس بيعتمد على التكلفة او سعر الهدوم, لكن كمان المهم انك تختاري القطعة المناسبة, لان بيحصل احيانا انك ممكن تشتري حاجة غالية جدا وتدفعي فيها فلوس كتير لكن مع ذلك بتكوني مش راضية عن اللوك, عشان كده هنقولك ايه اللي تختاريه وايه اللي تتجنبيه عند الاختيار.

1- اتجنبي ستايل ال Slouchy Bags:

الستايل ده من الشنط زي اللي باين قدامنا في الصورة ممكن تأثر بشكل كبير على مظهرك العام, وتخلي اللوك يطلع شكله مش حلو في النهاية, عشان كده بننصحك انك تعتمدي على الشنط الانيقة واللي بيكون ليها تصميم قوي وخطوط واضحة, هتطلع اللوك بتاعك شكله اشيك وانيق اكتر.

نصايح للوك انيق 1
نصايح للوك انيق 1

2- اختاري الشوز المدبب Pointy Shoes:

الشوز المدبب من الحاجات اللي فعلا بتعمل فرق في اللوك, فلو عندي عايزة اللوك بتاعك يبقى شكله انيق فالشوز المدبب هيكون هو الاختيار الصح, المرة الجاية لما تروحي تشتري شوز جديد ابعدي عن الستايل المدور من قدام وروحي مباشرة على الستايل المدبب, ومش مهم لو الشوز عالي او فلات, هيكون كافي جدا ان البوز بتاعه يبقى مدبب هينقل اللوك بتاعك لمستوي تاني خالص.

نصايح للوك انيق 4
نصايح للوك انيق 4

3- دخلي التوب من جوه:

لو عايزة شكل اللوك يطلع اشيك وانيق اكتر, كل اللي هتعمليه دخلي التوب بتاعك جوه البنطلون, هتوصلي للشكل اللي انتي عايزاه فورا, والحيلة البسيطة دي بيستخدمها دايما البلوجرز في لبسهم, لكن مع ذلك, لو انتي عندك المنطقة اللي فوق من الجسم طويلة اوي, يبقى مش هينفع تدخلي التوب من جوه, والبديل ليها انك تخلي التوب من بره بس تربطيه على شكل عقدة على الجنب.

نصايح للوك انيق 7
نصايح للوك انيق 7

4- اتجنبي الاكسسوارات البلاستيك:

لما تيجي تختاري الاكسسوارات, خليكي حذره دايما, واتجنبي الاكسسوارات البلاستيك اللي ممكن يبان شكلها رخيص ومش شيك, وبننصحك انك ممكن تعتمدي على الفضة, لانه معدن ثمين وشيك وفي نفس الوقت مش بتكلفة الدهب او البلاتين, والاكسسوارات الفضة البسيطة هتكون دايما هي الاختيار الافضل عشان تدي اللوك بتاعك اناقة اكتر.

مقالات متعلقه

14 قاعدة ملابس اساسية محتاجة تعرفيها

14 قاعدة ملابس اساسية محتاجة تعرفيها

15 قطعة اكسسوار اساسية هتحسن اللوك بتاعك

15 قطعة اكسسوار اساسية هتحسن اللوك بتاعك

8 نصايح موضة تعمليهم في الصيف

8 نصايح موضة تعمليهم في الصيف