اعرفي ازاي تعملي وصفة سمك السلمون بالعسل وصوص الصويا في 3 خطوات بس

بقلمآية حسان فيوجبات رئيسية visibility75

سمك السلمون بيعتبر من احلى أنواع الأسماك اللي وصفاتها كتيرة ومتعددة وكل وصفة فيهم بتكون ألذ من التانية، عشن كده لو زهقتي من الوصفات التقليدية وبتدوري على وصفة جديدة، في المقال ده هنقولك على وصفة سهلة ولذيذة وكمان مش هتاخد من أكتر من 15 دقيقة في التحضير، اعرفي معانا في المقال ده ازاي تعملي وصفة سمك السلمون بالعسل وصوص الصويا في 3 خطوات بس

اعرفي ازاي تعملي وصفة سمك السلمون بالعسل وصوص الصويا في 3 خطوات بس

وقت التحضير : 

15 دقيقة 

عدد الأفراد : 

تكفي لفردين. 

المقادير : 

2 شرائح سمك السلمون الكامل بالجلد أو متقشر 

 ملح وفلفل

زيت الزيتون 

معلقتين كبار زبدة

3 معالق كبيرة عسل

3 معالق كبيرة من صلصة الصويا 

2 حبة ليمون 

أرز أبيض مطبوخ للتقديم .

سمك السلمون بالعسل وصوص الصويا
المقادير

طريقة التحضير : 

الخطوة الأولى : 

نتبل السلمون بالملح والفلفل. وبعد كده سخني معلقتين من زيت الزيتون في طاسة مابتلزقش  على نار متوسطة إلى متوسطة الارتفاع، حطي السلمون ، بحيث يكون الجلد هو الملامس للطاسة (لو احتفظتي بالجلد)،  اطبخي السلمون  لمدة 5 دقائق على الجانب الأول ، بس خدي بالك عشان مايتلسعش، بعد كده اقلبيه بالراحة على الجنب  التاني و سيبيه حوالي دقيقتين، بعد ما يستوي خرجيه من الطاسة لطبق نضيف. 

درجة التسوية
درجة التسوية

الخطوة الثانية : 

في نفس الطاسة، ضيفي الزبدة والعسل وصلصة الصويا وعصير الليمون. قلبيهم على النار سوا دقيقتين تقريبا لحد ما يعملوا مزيج سميك، خدي بالك كل ما تقلبي المزيج على النار كل ما هيتقل. 

شكل الصوص
شكل الصوص

الخطوة الثالثة : 

ضيفي السلمون في الطاسة على الصوص او المزيج اللي حضرناه مرة تانية وقلبي الصوص عليه بالراحة أوي، بعد حوالي دقيقة هاتي طبق للتقديم فيه رز أبيض وضيفي عليه السلمون وبعد كده شوية من الصوص مع عصرة ليمون لو حبيتي، وبالهنا والشفا. 

السلمون بالصوص
السلمون بالصوص

شكل التقديم :

شكل التقديم

اعرفي معانا كمان بالخطوات .. طريقة عمل خضروات ستير فراي اللذيذة Veggie Stir-Fry