افكار ستايلات Plus size للمحجبات لموسم الصيف
مشكلة ممكن تكون بتقابل كتير من البنات المحجبات اللي جسمهم مليان او كيرفي انهم مش بيعرفوا يختاروا اللي يناسبهم, عشان كده احنا النهاردة من خلال موضوعنا هنساعدك وهنشوف مع بعض بالصور افكار ستايلات Plus size للمحجبات للصيف, وشوية نصايح تساعدك لما تيجي تختاري اللوك بتاعك.
نصايح عند اختيار الستايلات ال Plus size للمحجبات:
– بالنسبة للبنت المحجبة في الصيف قدامك اختيارات كتير تقدري تعتمدي عليها, ممكن تلبسي جيبة ماكسي مع توب او شيميز, او فساتين ماكسي.
– بالنسبة للبنطلون افضل اختيار للجسم المليان او الكيرفي هيكون هو البنطلون البالازو لانه بيدي لوك اطول وانحف للجسم وفي نفس الوقت مريح في اللبس, عشان كده لو انتي عايزة تلبسي البنطلون مع الحجاب بننصحك انك تعتمدي على البنطلون البالازو, ولو جينز ممكن تعتمدي على ستايل البنطلون الجينز البوي فريند.
– اعتمدي على الخامات الخفيفة والمريحة زي القطن او الشيفون عشان تريحك في حرارة جو الصيف.
– اختاري المقاس المناسب ليكي بالظبط, وابعدي عن اختيار الملابس الواسعة اوي, او ضيقة اوي.
– ممكن تعتمدي على الحزام مع اللوك بتاعك عشان تحددي منطقة الوسط وتبيني الجسم انحف, بس اختاري الاحزمة الصغيرة وابعدي عن الاحزمة العريضة.
– عشان اللوك اللي بره يطلع حلو لازم يكون الاساس مظبوط, عشان كده لازم تهتمي باختيار الملابس الداخلية المناسبة, عشان الاساس يكون مظبوط.
– الكيمونو, والكارديجان تعتبر اختيارات ممتازة جدا لعمل طبقات بشكل مثالي مناسبة للجسم المليان من غير ما تظهر المنحنيات او تعرض الجسم زيادة عن اللزوم.
تعالوا نشوف بالصور افكار ستايلات Plus size للمحجبات للصيف:
