افضل افكار للوك مكياج طبيعي مناسب للصيف
في الصيف دايما بيكون افضل الاعتماد على لوك المكياج الطبيعي, ونحاول نقلل من كمية المكياج عشان الحر والرطوبة, والمكياج الطبيعي هيبقى احلى ومناسب اكتر لجو الصيف, والنهاردة من خلال موضوعنا هنشوف مع بعض بالصور افكار مكياج طبيعي للصيف.
نصايح لمكياج طبيعي:
المكياج الطبيعي فكرته انه يظهر كانك مش حاطه مكياج وفي نفس الوقت تداري عيوب البشرة بشكل طبيعي اوي وناعم, والمكياج الطبيعي ممكن يبان سهل, لكن هو في الحقيقة تنفيذه محتاج اختيارات صح عشان توصلي للنتيجة المطلوبة في النهاية.
– عشان المكياج يطلع طبيعي وناعم, ممكن تستبدلي كريم الاساس بكريم BB لانه اخف على البشرة وفي نفس الوقت مرطب وهيكون مناسب اكتر لجو الصيف.
– اعتمدي على التركيز على العيون بالايشادو والماسكرا والكحل او الايلاينر, مع لون روج مات او غير لامع, اللون اللي تختاريه والافضل انه يكون لون طبيعي ناعم عشان يكمل اللوك بتاعك او ممكن تكتفي بالليب جلوس, ومتنسيش رسمة الحواجب لان هي اللي بتظهر اللوك وبتحدد شكل الوش.
– واللوك الطبيعي في المكياج ممكن تعتمدي فيه على الماسكرا والروج بس لو انتي وشك مش محتاج اكتر من كده.
– ممكن كمان تعتمدي على المرطبات الملونة بدل كريم الاساس, عشان بتبقى خفيفة ولطيفة جدا على البشرة.