كلي الوصفة دي على الفطار ومش هتعاني من دهون البطن تاني ابدا
لو بتعاني من مشكلة دهون البطن ومش عارفة تتخلصي منها, يبقى الفطار ده هو انسب حاجة ممكن تاكليها عشان تخلصك من المشكلة دي, تعتبر وجبة صحية ومغذية, لانها بتحتوي على كل المعادن والفيتامينات اللي انتي محتاجاها لتحسين الشعر والبشرة, وبالاضافة لده هتنظم عملية التمثيل الغذائي في الجسم وتحسنه, وهتساعدك على تطهير المعدة واذابة دهون البطن, تعالي اعرفي معانا من خلال السطور الجايه ازاي تعملي وصفة للتخلص من دهون البطن بمكونات بسيطة.
وصفة للتخلص من دهون البطن:
زي ما قولنا ان الوصفة هتساعد على تنضيف المعدة وبالتالي هتخلصك من مشاكل زي الامساك والامعاء الكسولة والسمنة, هتساعدك تفقدي تقريبا 2 كيلو ونص في شهر خصوصا الدهون الصعبة اللي في منطقة البطن اللي كتير مننا مش بيعرف يتخلص منها بسهولة, ده غير انك هتتفاجئي مع الاستمرار على الوصفة بتأثير ايجابي جدا على البشرة والشعر, وهتلاحظي ان بشرتك اتحسنت جدا واتجددت, وشعرك وضوافرك اقوى من اي وقت تاني.
المكونات:
– من 5 – 7 ثمرة برقوق مجفف كبيرة “القراصيا”.
– كوباية زبادي قليل الدسم.
– 1 معلقة كبيرة من بذور الكتان.
– 2 معلقة كبيرة شوفان.
– 1 معلقة صغيرة كاكاو.
طريقة التحضير:
1- جهزي الوصفة من بالليل عشان تصحي تاني اليوم الصبح تفطري بيها على طول.
2- اول حاجة انقعي البرقوق في 100 ملل مية مغلية لمدة من 10 – 15 دقيقة.
3- هاتي طبق اخلطي فيه بذور الكتان والكاكاو والشوفان.
4- ضيفي عليهم الزبادي وقلبيهم مع بعض كويس, قطعي البرقوق او اضربيه في الخلاط وضيفيه للخليط وقلبي المكونات كلها مع بعض.
5- كده يبقى الخليط جاهز احفظيه في التلاجة لتاني يوم الصبح.
كلي الخليط كوجبة فطار كل يوم, بعد فترة قصيرة هتلاحظي نتايج ممتازة جدا على وزنك وبشرتك وشعرك وضوافرك, ممكن في اول يوم تحسي بشعور غريب في المعدة, لكن متقلقيش ده طبيعي لان زي ما قولنا الوصفة بتساعد على تنضيف المعدة.
