نصايح وافكار الراجل يلبس ايه لو رايح فرح

بقلمآية حسان فيموضة وأزياء visibility244

فيه مناسبات كتير بتخلينا نلبس حاجة معينة زى الأفراح او المناسبات المهمة مزي الخطوبة كمان، وبالنسبة للراجل دايما هيكون لبسه البدلة والكرافتة بس فيه أنواع كتير للبس على حسب الفرح مثلا بالليل ولا بالنهار وإذا كان formal  ولا لأ، وعشان مش الستات بس اللي بتحتار تلبس ايه لو رايحة فرح لكن كمان الرجاله، اعرفي نصايح وافكار الراجل يلبس ايه لو رايح فرح عشان تخليه يبقى في أحسن صورة

نصايح وافكار الراجل يلبس ايه لو رايح فرح

فورمال  ولا مش فورمال:

ده بيعتمد على اذا كان الفرح بالنهار ولا بالليل، في مكان مفتوح ولا مقفول، فورمال ولا مش فورمال. العوامل دى هي اللي بنحدد على اساسها ستايل اللبس او الـ dress code هيكون ازاي، لو كان الفرح مش فورمال فده مش معناه انك تلبس تى شيرت وبنطلون جينز بس ممكن تلبس بدلة لونها فاتح او تلبس قميص وجاكيت بس خليك دايما فاكر تلبس جزمة مش كوتشى في جميع الأحوال، ولو عايز تجرب تلبس سمارت كاجوال ممكن تضيف جاكت بدلة او بلايزر مناسب كلمسة تدي شياكة أكتر للوك بتاعك، خصوصا لو كان الفرح بالليل وفي مكان مفتوح لأن الجو ممكن يبرد، في نقطة مهمة وهي لو مش متعود تلبس كرافتة فمش مشكلة ممكن تستغنى عنها لكن القميص لازم يكون جوه البنطلون في كل الأحوال وضروري يكون سادة افضل من انه يكون منقوش .

فورمال  ولا مش فورمال
فورمال  ولا مش فورمال

أما لو الفرح فورمال ومعمول بالليل وفي قاعة ، غالبا هتحتاج تلبس جرافتة سوداء ولو مش متوفرة يبقى جرافتة بلون غامق مع بدلة غاقة أو توكسيدو وطبعا جزمة كلاسيك سوداء، لو فرح سيمي فورمال فممكن تستغنى عن الجرافتة لو حبيت، اما لو فرح نهاري في الصيف فممكن تستغنى عن البدلة الغامقة وتلبس بدلة بلون فاتح زى الـ nude colors و اللبني الفاتح او الـ baby blue ، في أفراح الشتاء بدلة صوف أو من خامة تقيلة هتبقى مناسبة اكتر.

ملاحظة مهمة: لو الفرح بعد 6 مساءا يبقى الافضل تلبس جرافتة. 

تشتري بدلة الفرح ازاي

ممكن تدور على online shop تتفرج فيه على range كبير من البدل بستيلات مختلفة عشان تعرف انت محتاج ايه كويس  او ايه اللي هيناسب شخصيتك وشكل جسمك و كمان تقدر تتعرف على الستايلات المختلفة بين الفورمال والسيمي فورمال، و كل الاكسسوارا ت اللي هتحتاجها زي زراير القميص والساعة والحزام والشوز، لكن لو كنت مش من محبين الشراء اونلاين فبرضه خطوة تصفح الـ stores المختلفة على الانترنت هتخلق عندك فكرة شبه كاملة عن الحاجات الي انت محتاجها بالضبط فهتبقى نازل عارف انت عايز تشتري ايه وده هيوفر عليك وقت ومجهود كتير، وهيديلك فكرة عن الاسعار بشكل كبير فتقدر من خلال الخطوة دي تحدد الميزاينة المطلوبة. 

تشتري بدلة الفرح ازاي
تشتري بدلة الفرح ازاي

اعرفي معانا كمان 21 حركة أتيكيت الجنتلمن Gentlemen هما بس اللى بيعملوها