5 أسباب تخليكي تفكري تلبسي على موضة الـ Vintage Fashion

آية حسان
آية حسان
1978

لو مافكرتيش قبل كده كده انك تجربي الستايل الكلاسيكي او الـ vintage في ستايلاتك، يبقى انتي فايتك كتير وده لأن موضة الـ Vintage Fashion هتساعدك تظهري في لوك بسيط لكن شيك جدا خصوصا لو انتي من محبي الستايلات الهادية اللي بتبان إليجانت وشيك من غير تفاصيل كتير، عشان كده في المقال ده هنقولك على 5 أسباب تخليكي تفكري تلبسي على موضة الـ Vintage Fashion

5 أسباب تخليكي تفكري تلبسي على موضة الـ Vintage Fashion 

ممكن يكون مناسب لو ميزانيتك محدودة

الفكرة كلها هى انك تعرفي تشتري الستايل ده من الهدوم منين، خصوصا لو بتدوري على قطع antique فغالبا هتلاقيها فى معظم محلات الاستعمال الواحد او الـ outlets  وفي المحلات دي بتقدري تشتري قطع ملابس قيمة وشيك جدا بمبالغ قليلة فبتقدري توفري فلوس كويسة خصوصا لو كانت ميزانيتك محدودة، الفكرة كلها هي انك تعرفي تشتري منين وتدوري كويس على كل قطعة، ولو قابلتك مشكلة في المقاس سهل جدا تظبطيها على مقاسك وبالشكل اللي تحبيه عندي اي ترزي او محلات تعديل وتصليح الملابس. 

مناسب لو ميزانيتك محدودة
مناسب لو ميزانيتك محدودة

بيناسب الأجسام المختلفة

وده لأن موضة الأربعينات والخمسينات هتوفرلك مجموعة كبيرة  جدا من الستايلات اللي هتناسب شكل جسمك بنسبة كبيرة مهما كان الستايل اللي تفضليه، زي بنطلونات الهاي ويست و الجيبات اللي قصتها مستديرة والجاكيت بتفصيلات متنوعة وطبعا الفساتين اللي بتذهلنا في كل مرة بنشوفها، عشان كده في كل مرة هتلبسي من ستايل الـ vintage هتحسي انه بيوفرلك الفرصة تطلعي بلوك شيك وإليجانت من غير مجهود كبير. 

بيناسب الأجسام المختلفة
بيناسب الأجسام المختلفة

جودة وخامات أعلى

طبعا لأن زمان كانت معظم القماشات والخامات المستخدمة طبيعية أكتر من غير دخول ألياف أو مواد صناعية كتيرة، وده معناه أقمشة مريحة أكتر و غير مضرة لبشرتك وكمان قيمة أعلى للفلوس اللي هتصرفيها على الملابس من موضة الـ Vintage Fashion لأنها من خامات أجود وأغلى، زي الحرير و الجبردين و الكشمير والقطن والصوف البيور.

جودة وخامات أعلى
جودة وخامات أعلى

شيك وممكن إعادة تدويره

غير طبعا ان الهدوم الكلاسيكية بتدي لوك شيك وإليجانت جدا زي ما وضحنا، لكن كمان الملابس دي كلها معمولة من خامات صديقة للبيئة فبالتالي لو قررتي تستغي عنها خلاص مش هتضر البيئة وممكن إعادة تدويرها لمنتجات تانية زي الشنط القماش مثلا أو غيرها، يعني ممكن تستفيدي منها بأكتر من طريقة. 

شيك وممكن إعادة تدويره
شيك وممكن إعادة تدويره

مناسب لأصحاب المشاريع الصغيرة

يعني  لو كنتي بتفكري في مشروع صغير ليكي تبدأي بيه حياتك العملية فممكن تفكري فى عمل store online تعرضي عليه المنتجات الـ vintage من الملابس، بسبب أنه ممكن تشتريها بسعر بسيط جدا خصوصا في الكميات وتبيعيها بسعر مناسب مع هامش ربح معقول، فبتعتبر بداية كويسة لبيزنس خاص بيكي. 

مناسب لأصحاب المشاريع الصغيرة
مناسب لأصحاب المشاريع الصغيرة

اعرفي معانا كمان 20 قطعة ملابس تظهر قوة شخصيتك وتغير من مودك

مقالات متعلقه

بالصور .. اعرفي ازاي تنسقي اكسسوارات الجسم مع الـ outfit بتاعك في الستايلات المختلفة

بالصور .. اعرفي ازاي تنسقي اكسسوارات الجسم مع الـ outfit بتاعك في الستايلات المختلفة

4 حيل تطوري بيها ستايلك في الصيف بسهولة

4 حيل تطوري بيها ستايلك في الصيف بسهولة

9 نصايح لستايلك هتساعدك تطلعي بلوك أحلى ومختلف في كل مرة

9 نصايح لستايلك هتساعدك تطلعي بلوك أحلى ومختلف في كل مرة