طرق ازاي تدربي مخك انه يتوقف عن القلق

بقلمريهام محمود فيمنوعات visibility494

مافيش حد فينا مش بيمر بحالة قلق, وده بيأثر على صحتنا العقلية على المدى الطويل, وكتير مننا ممكن يفكر ان القلق او كتر التفكير ده ممكن يخدمنا, في انه مثلا يساعدنا على التعلم من تجاربنا اللي فاتت والاستعداد لتجربة جديدة, لكن في كل الاحوال سواء التفكير او القلق ده ايجابي او سلبي, فهو بيشغل عقلنا لاننا بنركز على مستقبل مش هنقدر نتحكم فيه, عشان كده النهاردة هنقولك طريقة تدريب المخ للتوقف عن القلق.

طريقة تدريب المخ للتوقف عن القلق:

بيقال دايما ان الاكتئاب بيركز على الحاجات او الاحداث اللي فاتت وكان نفسك تغيريها, والقلق هو التركيز على الاحداث المستقبلية اللي مش هنقدر نتحكم فيها في الوقت الحاضر, عشان كده الاهم من كده بدل القلق, تقدري تاخدي قرارات او اجراءات تستعدي بيها لكل حاجة بتقلقك, وده اللي هنعرفه النهاردة هنقولك طرق من خلالها تقدري تدربي عقلك على التوقف عن القلق.

1- وقفي عقلك من القلق عن طريق الكتابة:

لما تيجي تدربي مخك للتوقف عن القلق, يمكن دي تعتبر اكتر طريقة فعالة لعلاج المشكلة, لو عقلك بيفضل مصحيكي طول الليل من كتر التفكير في اي حاجة, في الحالة دي اكتبيه على الورق, الطريقة بتدي فرصة لعقلك انه يخرج اللي جواه او بمعنى تاني بتديه فرصة ياخد نفس عن طريق انك مش مضطرة انك تستهلكي طاقتك في القلق والتفكير, وبدل ده هتكتبي اللي حاسه بيه.

والكتابة هي طريقة بتقولي بيها للعقل او بتنبهيه ان دي حاجة مهمة بما فيه الكفاية لتدوينها وكتابتها, دلوقتي اني نبهتي العقل انه ياخد الاجراءات اللازمة لحل المشكلة بدل القلق.

ليه التدوين مفيد؟ الباحثين والعلماء في مجال القلق والاجهاد عملوا دراسة على الاشخاص, وطلبوا منهم انهم يكتبوا تلات حلول ممكن لمشكلتهم اللي مسببه لهم قلق, واكتشفوا من النتايج ان في علاقة عكسية بين درجة القلق والتفكير بشكل صح, وكل ما زاد القلق في موضوع معين, كانت حلولهم اقل واقعية او بعيدة عن الواقع, وده بيثبت ان القلق مش بيساعد على حل المشكلة بشكل افضل, ولكن بالعكس بيخليكي متبقيش واقعية في حلولك, عشان كده تدوين الحاجة اللي شغلاكي هتساعدك على تخفيف القلق وتخليكي تفكري بشكل صح وواضح اكتر.

تدريب المخ للتوقف عن القلق

2- ممارسة التأمل للتخلص من القلق:

التأمل ممكن يساعد في تدريب عقلك على التوقف عن القلق, واثبت الباحثين ان التأمل مفيد بشكل خاص مع القلق, وعلى الرغم من ان بعض الاشخاص ممكن يفكروا انه معندهمش وقت للتأمل, لكن ممارسة التأمل سهلة جدا زي مثلا انك تغمضي عينك لمدة 30 ثانية بس او اكتر, هيدرب عقلك انك تتوقفي عن القلق.

لما هتاخدي شوية وقت كده تحاولي تتجنبي فيها كل حاجة مزعجة في حياتك, هتقدري تركزي على الحاجات المهمة اكتر بالنسبة لك, وممكن اثناء التأمل الافكار المقلقة تعدي كده في عقلك, وده امر طبيعي, في الحالة دي اعتبري الافكار دي مجرد غيمة وهتعدي ومع التدريب المستمر على التأمل الموضوع هيقل بالتدريج.

تدريب المخ للتوقف عن القلق

3- الرياضة لتدريب جسمك وعقلك على التوقف عن القلق:

التمارين الرياضية مفيدة جدا خصوصا لما جسمك يحس بأعراض القلق, التمارين الرياضية ممكن انها تساعد في خفض ضغط الدم, وده يعتبر واحد من الاعراض الجسدية للاجهاد والقلق, فلو حسيتي بالقلق, اطلعي اتمشي لمدة من 10 – 15 دقيقة, مشاهدة الطبيعة واصواتها مع التركيز مع حركتك ونفسك ده هيساعد على تقليل القلق بشكل كبير.

تدريب المخ للتوقف عن القلق

4 اسئلة تسأليهم لنفسك كل يوم الصبح ممكن انها تغير عقلك