افكار للبس الفلورال كيمونو “Floral kimono” في الصيف
الكيمونو من صيحات الموضة اللي ظهرت بقالها كذا سنة وهتستمر معانا لفترة, وكمان نقشة الفلورال اللي معانا بقالها فترة مكملة كمان معانا الصيف ده, والنهاردة من خلال موضوعنا هنقول لكل بنات حوا افكار للبس الفلورال كيمونو في الصيف.
الكيمونو من القطع العملية جدا المناسبة لموسم الصيف واللي ممكن تلبسيه مع اي قطعة ملابس تانية, وهتلاقي منه اشكال والوان كتير جدا.
بما اننا النهاردة بنتكلم عن ستايل الفلورال كيمونو بشكل خاص, فاول لوك ممكن تعمليه هو اللوك الابيض ممكن تلبسي توب او تيشرت ابيض مع جينز ازرق او تخلي اللوك كله ابيض تحت الفلورال كيمونو للوك لطلة عصرية.
لو انتي من عشاق لبس الفساتين تقدري تلبسي الكيمونو على الفستان الضيق اللي واخد شكل الجسم, واتأكدي ان الفستان يكون بلون واحد محايد عشان يكون مناسب تحت الكيمونو المنقوش.
للوك صيفي عصري وانيق على البحر ممكن تلبسيه على توب وشورت, وممكن كمان تلبسي الكيمونو فوق المايوه وتستخدميه “كاش مايوه”.
تقدري تنسقي عليه صندل مفتوح, او سنيكرز للوك كاجوال لخروجات الصبح, ولبعد الضهر ممكن تنسقي الكيمونو مع البنطلون الجينز السكيني وتوب وشوز بكعب عالي للوك انيق.
تعالوا نشوف بالصور افكار للبس الفلورال كيمونو في الصيف:
احلى مجموعة من ال Floral dresses للمحجبات
