إزاي الستات الناجحة بتتعامل مع الرفض في الحياة المهنية

بقلمآية حسان فيمنوعات visibility174

كلنا ممكن نكون سمعنا عن قصص نجاح فى الشغل وفى حاجات كتير تانية بس اللى مش بيتقالنا هى الصعوبات الكتير اللى واجهت الشخص الناجح عشان يحقق حلمه، مش بس الاجتهاد بيمهد الطريق للنجاح ولكن المثابرة هى اللى بتميز الناس عن بعض عشان كده لازم نتعلم ازاى نتعامل مع الرفض او الصعوبات اللى بتواجهنا عشان نقدر نتحرك خطوات لقدام وعشان مفيش حاجة تطفى عزيمتنا وحماسنا، في المقال ده هنقولك إزاي الستات الناجحة بتتعامل مع الرفض في الحياة المهنية

إزاي الستات الناجحة بتتعامل مع الرفض في الحياة المهنية

افتكرى دايما ان النجاح بالمثابرة مش بس التميز:

ما تستسلميش واتعملى دايما من أخطائك وطورى من نفسك لأن مهما تعملي كده كده هتقابلك مشاكل وأخطاء، لكن لما تتعلمي من خطأك وتشوفي إيه الحكمة منه وتتجنبي الوقوع فيه تاني كده هتقدرى تتحركى مسافات كبيرة لقدام.

دايما دورى على فرصة جديدة :

خلى دايما كلمة لأ هى المفتاح والحافز انك تدورى على  الفرصة اللى هتساعدك تحققى نجاحك حتى لو 20 حد قالك لأ وحد واحد قالت اه امسكى فى الفرصة دي  وماتفقديش حماسك لأن الوقت اللى بتجيلك فيه الفرصة هو الأهم.

دايما دورى على فرصة جديدة
دايما دورى على فرصة جديدة

بصى دايما للرفض على انه باب جديد:

بدل ما تقولى كلمة رفض او فشل قولى ان ربنا مش كاتبها دلوقتى ، وانه أكيد الكلمة اللي نفسك تسمعيها والنجاح اللي نفسك تحققيه هييجي في وقته المناسب اللي ربنا محدده، وخلى دايما الرفض هو الدافع والحافز اللى يمدك بالطاقة انك تحاولي تاني وتكملي.

بصى دايما للرفض على انه باب جديد
بصى دايما للرفض على انه باب جديد

خليكي وراء اللى انتى مؤمنة بيه:

الرفض هو اختبار للحماس وكل ما تقابلى عوائق لازم يكون عندك طاقة أكبر انك تكملى وافتكري دايما ان الخبطة اللى ماموتتكيش هتقويكى فلازم طول الوقت تثقى فى حلمك وافتكرى دايما انه مفيش بديل للثقة فى مبادئك وخلي هدفك قدام عينيكي عشان تكملي.

اتعلمى تكونى مرنة:

فى شغلك او حياتك وعلاقاتك بشكل عام المرونة والتفكير بإيجابية هما المفتاح، قولى دايما لنفسك انا اقدر اتعامل مع الرفض وعندى الخبرة ان أطلع من موقفى الصعب بدل ما تخافى ويجيلك حالة فزع من الأزمة لأنك لو كملتى وانتى عندك إيمان بربنا وانتى مصدقة فى حماسك هتوصلى.

اوعى تخسرى الروح الإيجابية:

لازم تحافظى دايما على إيجابيتك وماتتخليش عن طموحك او تبصى بيأس لمستقبلك ومهما واجهتك الصعوبات ماتخليهاش عقبة فى طريقك، اكيد حاجة زى ديي مش سهلة بس السلبية هتستهلك طاقتك وقوتك اللى انتى محتاجاهم عشان تعدى أيامك الصعبة وتستعدي للمعافرة عشان توصلي للأيام الحلوة.

اوعى تخسرى الروح الإيجابية
اوعى تخسرى الروح الإيجابية

اعرفي معانا كمان ازاي الوظائف السابقة ممكن تخلي عندك ثقة اكتر بنفسك في حياتك المهنية