افضل 10 انواع من مكنة الحلاقة النسائية لازالة الشعر
في بنات كتير بشرتهم بتكون حساسة من استخدام الشمع او السويت, وبيكون الحل الوحيد ليهم عشان يحافظوا على البشرة من اي التهاب او تهيج هو ازالة الشعر بمكنة الحلاقة, والنهاردة من خلال موضوعنا هنقول لكل بنات حوا افضل انواع مكنة الحلاقة النسائية لازالة الشعر وهنعرف مع بعض مميزات وعيوب كل نوع.
افضل انواع مكنة الحلاقة النسائية:
1- مكنة Gillete Venus Platinum Extra Smooth:
مكنة جيليت فينوس بلاتينيوم تعتبر من افضل انواع مكن الحلاقة النسائية وبتوفر حلاقة ناعمة, لو انتي بتستخدمي مكنة الحلاقة لازالة الشعر بشكل مستمر يبقى المكنة دي هتكون هي انسب اختيار ليكي, اللي بتدوم معاكي لمدة ما بين 3 – 10 استخدام لكل شفرة, وبتحافظ على البشرة ناعمة من غير اي تهيج او التهاب.
المميزات: مش لازم تستخدمي معاها كريم حلاقة, وبتشيل الشعر كله.
مالهاش اي عيوب.
2- مكنة Schick Intuition Sensitive Care:
لو عايوة حلاقة سهلة وسريعة وتحلقي الشعر في وقت اقل يبقى المكنة دي هتكون الاختيار المناسب ليكي, المكنة بتيجي بمقبض بيسهل التحكم فيها اثناء ازالة الشعر, خصوصا حوالين المناطق الصعبة, وبتيجي بشريط صابون مدمج فيها مصنوع من الالوفيرا وفيتامين E اللي بيساعد على ترطيب البشرة وتنعيمها.
المميزات: قوية, ليها مقبض كبير, لطيفة على الجلد, هيبوالرجينيك “مش بتسبب حساسية للجلد”.
العيوب: مشط الشفرات غالي.
3- مكنة Schick Hydro Silk Trimstyle Moisturizing:
المكنة ليها تصميم مميز جدا, المكنة بتشتغل بالبطارية بنبضات سلسة للتخلص من اكبر ممكن من الشعر خلال دقايق.
المميزات: ضد المية, لطيفة على الجلد, فعالة جدا في ازالة الشعر.
مالهاش اي عيوب.
4- مكنة Gillette Venus Embrace:
تعتبر من افضل انواع مكن الحلاقة للاستخدام الواحد, لو انتي بتفضلي مكنة الحلاقة اللي بتستخدم مرة واحدة بدل المكنة اللي بتستخدم اكتر من مرة النوع ده هيكون مناسب ليكي جدا, وهي مكنة لطيفة على الجلد, وفعالة في ازالة الشعر, والميزة انك مش هتقلقي من تخزينها في نضيف وآمن او الحفاظ عليها لانها استخدام لمرة واحدة.
المميزات: بتشيل الشعر بفاعلية, جودتها ممتازة.
العيوب: ممكن تسبب جروح او نتؤات على البشرة.
5- مكنة Noxzema Bikini Shave & Trim Disposable:
المكنة دي بشكل خاص لحلاقة منطقة البكيني بشكل سهل وسريع, عرض الشفرة حوالي ½ بوصة وبتوصل لكل زاوية صعبة, وتصميمها بيضمن انك متأذيش نفسك.
المميزات: فعالة جدا في ازالة الشعر, وسعرها معقول في متناول الايد.
العيوب: لازم تستخدمي معاها جل او كريم حلاقة عشان تمنعي اي التهاب او تهيج, مش فعالة اوي على اجزاء تانية من الجسم غير المنطقة الحساسة.
6- مكنة Gillette Venus Snap Extra Smooth:
لو عايزة مكنة صغيرة تقدري تاخديها معاكي في الشنطة لاي مكان, المكنة دي هتناسبك جدا لطيفة على الجلد وعملية, وبتشيل الشعر بشكل فعال جدا من منطقة الابطين وخط البكيني وباقي الجسم.
المميزات: تعتبر انسب مكنة للسفر, تقدري تغيري مشط الشفرات بتاعها.
العيوب: محتاجة انك تظبطي قبضة ايدك عليها كويس عشان تقدري تتحكمي فيها.
7- مكنة Bic Soleil Bella Disposable:
لو بشرتك حساسة وفي نفس الوقت محتاجة حاجة مش مكلفة لازالة الشعر المكنة دي هتكون انسب اختيار, شريط الشفرة في المكنة دي غني بحليب جوز الهند, عشان كده بترطب وبتنعم البشرة اثناء الحلاقة.
المميزات: سعرها معقول في متناول الايد, مش بتسبب مطبات ونتؤات على البشرة, كل سفرة تقدري تستخدميها من 4 – 5 مرات.
العيوب: في الاماكن الصعبة محتاج انك تعيدي عليها من 2 – 3 مرات على الاقل.
8- مكنة Remington Smooth & Silky Smooth Glide Rechargeable Shaver:
مكنة بتوفر الراحة والدقة في الحلاقة, والمكنة بتتميز ان موجود فيها شريط غني بزيت اللوز اللي بيغذي البشرة اثناء الحلاقة, والشفرة متقلبة بوجهين بتساعد على التخلص من الشعر مع كل تمريرة, وبتحلق الشعر القريب من الجلد وده بيخلي الجلد خالي تماما من الشعر.
المميزات: مضادة للمية, مضادة للميكروبات.
العيوب: بتحتاج شحن في كتير من الاوقات.
9- مكنة Panasonic Electric Shaver:
تعتبر المكنة دي من باناسونيك من افضل الانواع من فئة المكنة الكهربائية, بيتكون شريط الفولاذ المقاوم للصدا الموجود فيها من شفرات حادة وحساسة جدا بتوفر حلاقة مريحة وفعالة, وتقدري تستخدميها في اماكن صعبة وحساسة من غير قلق لانها بتيجي مع مرفقات متخصصة بتحافظ على الجلد.
المميزات: هيبوالرجينيك “مش بتسبب حساسية للجلد”, ضد المية.
العيوب: بتحتاج للشحن قبل كل استخدام.
10- مكنة Eunon Electric:
المكنة بتحتوي على شفرة ناعمة, مش بتسبب الم, وهيبوالرجينيك, وبتشتغل بتقنية 3D Foil Floating اللي بتساعد على تخفيض وقت الحلاقة للنص, ومزود بمرفقات للاماكن المختلفة في الجسم عشان توفر الدقة والامان في الحلاقة, وآمن جدا استخدامها مع المية, وسهلة الاستخدام جدا.
المميزات: بتيجي مع راس متحركة تقدري تستبدليها, مدمج فيها اضاءة LED للوصول للمناطق الصعبة وازالة الشعر منها بسهولة.
العيوب: محتاج انك تستخدميها اكتر من مرة عشان تشيلي الشعر بشكل كامل, لازم تستخدمي معاها كريم حلاقة.
في النهاية بننصحك ان يكون متوفر عندك مكنة حلاقة في حمامك, وواحدة تانية في شنطة سفرك, واتجنبي الانواع الرخيصة اللي ممكن تسببلك جروح او ندبات عميقة على الجلد وتتلف نسيج بشرتك. لو بتستخدمي نوع مكنة مختلفة عن اللي قولناهم ممكن تشاركي تجربتك معانا.
نصايح هتفيدك لو بتفضلي استعمال مكنة الحلاقة
