7 طرق بسيطة وفعالة لتحضير البنجر لتخسيس الوزن بسرعة

ريهام محمود
ريهام محمود
13147

عصير البنجر “الشمندر” يعتبر من افضل الحاجات الطبيعية اللي ممكن تستخدميها لتخسيس الوزن, لانه غني جدا بفيتامين C, والالياف الغذائية, والنترات, والبيتانين, والفولات, والعناصر الغذائية دي كلها بتساعد على تخسيس الوزن, وخفض ضغط الدم, وتقوية المناعة, وفوايد تانية صحية, والنهاردة من خلال موضوعنا هنقولك طرق تخسيس الوزن بالبنجر.

عصير البنجر مليان بالعناصر الغذائية الصحية وفي نفس الوقت بيحتوي على كمية قليلة من السعرات الحرارية, وبيحافظ على المعدة ممتلئة, وبالتالي يعتبر اختيار مثالي لو عايزة تخسسي وزنك, وعصير البنجر بيساعد على تخسيس الوزن من خلال توفير كمية قليلة من السعرات الحرارية لكل وجبة لان واحدة البنجر بتحتوي تقريبا على 35 سعر حراري بس.

ويعتبر البنجر كمان مكمل غذائي مع تشربيه مع التمارين, لانه بيساعد على زيادة القدرة على التحمل, وده بدوره هيضمنلك انك تمارسي التمارين الرياضية لفترة اطول, وحرق سعرات حرارية اكتر, ودي الطريقة اللي ممكن يساعدك بيها البنجر  لتخسيس الوزن.

طرق تخسيس الوزن بالبنجر:

1- عصير البنجر والليمون لتخسيس الوزن:

المكونات:

كوباية بنجر متقطع مكعبات.

4 معالق كبيرة عصير ليمون.

¼ كوباية مية.

ذرة ملح.

الطريقة:

حطي مكعبات البنجر في الخلاط واضربيها, وبعدين ضيفي لها المية واضربيها تاني, ضيفي عصير الليمون والملح واضربيهم تاني وصبيه في الكوباية واشربيه, الكمية دي هتعمل معاكي كوبايتين كبار.

طرق تخسيس الوزن بالبنجر 1
طرق تخسيس الوزن بالبنجر 1

2- عصير البنجر والجزر لتخسيس الوزن:

المكونات:

1 ½ كوباية بنجر متقطع مكعبات.

1 ½ كوباية جزر متقطع مكعبات.

¼ كوباية مية.

4 معالق كبار عصير ليمون.

ذرة ملح.

ومليء الكف اوراق نعناع.

الطريقة:

حطي البنجر والجزر واوراق النعناع مع بعض في الخلاط واضربيهم, وبعدين ضيفي عصير الليمون والملح والمية واضربيهم تاني, وصبي الخليط في الكوباية واشربيه, الكمية دي هتعملي معاكي تقريبا كوبايتين كبار.

طرق تخسيس الوزن بالبنجر 2
طرق تخسيس الوزن بالبنجر 2

3- عصير البنجر والكرفس لتخسيس الوزن:

المكونات:

½ ثمرة بنجر متقطعة مكعبات.

½ كوباية كرفس متقطع مكعبات.

2 معلقة كبيرة عصير ليمون.

ذرة ملح.

الطريقة:

حطي البنجر والكرفس في الخلاط اضربيهم مع بعض, وبعدين ضيفي عصير الليمون والملح واضربيهم تاني مع بعض, وصبي الخليط في الكوباية واشربيه.

طرق تخسيس الوزن بالبنجر 3
طرق تخسيس الوزن بالبنجر 3

4- عصير البنجر والتفاح لتخسيس الوزن:

المكونات:

1 ½ كوباية بنجر متقطع مكعبات.

1 كوباية تفاح متقطع.

رشة قرفة مطحونة.

ذرة ملح.

الطريقة:

حطي البنجر والتفاح والقرفة والملح في الخلاط واضربيهم مع بعض, وصبيه في الكوباية واشربيه, الكمية دي هتعملك كوبايتين كبار.

طرق تخسيس الوزن بالبنجر 4

5- عصير البنجر والجريب فروت لتخسيس الوزن:

الطريقة:

½ ثمرة جريب فروت.

½ ثمرة بنجر متقطعة مكعبات.

½ معلقة صغيرة عسل نحل.

ذرة ملح.

الطريقة:

اضربي الجريب فروت والبنجر مع بعض في الخلاط, وصبي الخليط في الكوباية وضيفي له العسل والملح قلبيه كويس واشربيه.

طرق تخسيس الوزن بالبنجر 5

6- عصير البنجر والطماطم لتخسيس الوزن:

المكونات:

1 ½ كوباية بنجر متقطع مكعبات.

1 كوباية طماطم متقطعة.

2 معلقة كبيرة عصير ليمون.

مليء الكف اوراق نعناع.

ذرة ملح.

الطريقة:

ضيفي البنجر والطماطم واوراق النعناع وعصير الليمون والملح في الخلاط واضربيهم مع بعض, وصبي الخليط في الكوباية واشربيه, الكمية دي هتعملك كوبايتين.

طرق تخسيس الوزن بالبنجر 6

7- عصير البنجر والرمان لتخسيس الوزن:

المكونات:

1 ½ كوباية بنجر متقطع مكعبات.

½ كوباية رمان.

2 معلقة كبيرة عصير ليمون.

½ معلقة صغيرة كمون محمص مطحون.

ذرة ملح.

الطريقة:

اضربي البنجر والرمان مع بعض في الخلاط, وبعدين ضيفي لهم عصير الليمون والكمون والملح واضربيهم تاني, وصبي الخليط في الكوباية واشربيه, الكمية هتعملك كوبايتين.

طرق تخسيس الوزن بالبنجر 7

فوايد عصير البنجر:

1- البنجر غني بحمض الفوليك والمنجنيز, وبيحتوي كمان على البوتاسيوم, الحديد, النحاس, المغنسيوم, الكبريت, الكالسيوم, السيليكا, والكولين.

2- الابحاث اثبتت ان عصير البنجر بيكافح مرض الخرف, وبيمنع امراض القلب, وارتفاع ضغط الدم, وبينظم مستويات السكر في الدم.

3- عصير البنجر زي ما قولنا يعتبر مكمل غذائي ممتاز جدا مع التمارين الرياضية, لانه بيحفز الاكسجين في العضلات, وده هيساعدك على تحمل تمارين عالية الكثافة.

4- عصير البنجر بيحتوي على مضادات الاكسدة القوية, وخصائص مضادة للالتهابات, ومضادات الفطريات.

5- عصير البنجر معروف انه علاج فعال جدا للنقرس مشاكل المرارة, كمان بيساعد في السيطرة على الحمض الاميني, وبيحسن تنظيم حمض المعدة, وبيقلل من الكوليسترول.

6- بيخفف كتير من الحالات الصحية زي التهاب المفاصل, وامراض القلب, والسرطان, وحصوات الكلى, وتوسع الاوردة, والضمور البقعي, وتصلب الشرايين.

في النهاية عصير البنجر مغذي جدا ومفيد صحيا وهيساعدك على تخسيس الوزن بسرعة, لكن افتكري كمان انك تمارسي رياضة وتاكلي اكل صحي مع الوصفات, انتظمي على الوصفات دي بشكل يومي وهتلاحظي فرق واضح خلال 3 اسابيع بس.

طرق تخسيس الوزن بالبنجر 8

مقالات متعلقه

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

7 اطعمة ابعدي عنهم تماما لو بتحاولي تخسري وزن

7 اطعمة ابعدي عنهم تماما لو بتحاولي تخسري وزن

وصفات لسد الشهية وتخسيس الوزن

وصفات لسد الشهية وتخسيس الوزن