بالخطوات .. ازاي تعملي وصفة بيتزا الطبق الواحد او Down Deep Dish Pizza

آية حسان
آية حسان
1323

وصفة بيتزا الطبق الواحد تقدري تعمليها في الطاسة على النار من فوق، وبتعتبر من أحلى وأسهل وصفات البيتزا اللي ممكن تعمليها وفي وقت قياسي، وعشان تقريبا مفيش حد فينا مابيحبش البيتزا بمختلف أنواعها، خلينا نقولك بالتفاصيل والخطوات ازاي تعملي وصفة بيتزا الطبق الواحد او Down Deep Dish 

بالخطوات .. ازاي تعملي وصفة بيتزا الطبق الواحد او Down Deep Dish Pizza

عدد الأفراد:

تكفي 8 أفراد 

وقت التحضير:

ساعة تقريبا

المقادير 

معلقتين زيت زيتون، كل معلقة لوحدها

بصلة متقطعة رفيع

عدد واحد حبة فلفل أخضر متشال منها البذر ومتقطعة حلقات رفيعة.

نص كوباية ببيروني متقطع

4/3 كوباية من جبنة البارميزان المبشورة

4/3 موباية موزاريلا مبشورة

7 شرائح من جبنة بروفولوني ولو مش متوفرة ممكن تستبدليها بشرائح الجبنة الشيدر

كوبايتين من صوص البيتزا

رشة بسيطة من الدقيق متعدد الأغراض

حوالي 500 جرام من عجينة البيتزا الجاهزة

بيتزا الطبق الواحد
بيتزا الطبق الواحد

الطريقة 

1- سخنى الفرن على درجة حرارة 200

2- سخني معلقة من زيت الزيتون في طاسة مقاس 30 على نار متوسطة على البوتوجاز ، ولما تسخن ضيفي البصل وسيبيه لحد ما يبقى ناعم ، بعد كده شيلي البصل من الطاسة وخليه على جنب.

3- ضيفي الفلفل المتقطع في الطاسة مكان البصل وسيبيه تقريبا 5 دقايق لحد ما ينعم، شيليه من الطاسة وخليه على جنب.

4- اطفي البوتوجاز و ادهني الطاسة برشة زيت او زبدة بسيطة. 

5- رصي شرايح البيبروني في طبقة متساوية في الطاسة وفوقها طبقة الفلفل و بعدين طبقة البصل و بعد كده البارميزان والموتزاريلا ، وفوقيهم رصي طبقة شرايح الشيدر او البروفولوني في طبقة متساوية ، وعليهم وزعي صوص البيتزا بشكل متساوي. 

6- رشي رشة دقيق بسيطة على سطح نضيف و افردي عجينة البيتزا لدايرة قطرها حوالي 30 سم، وبالراحة حطي العجينة على الطبقات اللي جهزناها في الخطوة اللي فاتت، بس اتاكدي ان العينة اتوزعت وغطت كل الأطراف كويس اوي ، بفرشاة امسحى سطح العجينة بمعلقة زيت الزيتون المتبقية. 

7- اخبزيها في الفرن لحوالي 25 دقيقة لحد ما العجينة تتحول للون البني الدهبي. 

8- بالراحة أوي، افردي ورقة زبدة كبيرة على الطاية و اقلبيها وبعد كده حطيها في الطاسة تاني.

9- دخلي البيتزا الفرن تاني واخبزيها لمدة 20 دقيقة كمان لحد ما يبدأ البيبروني يبقى محمر من الأطراف.

10- طلعيها من الفرن و قطعيها لـ 8 مثلثات متساوية، وبالهنا والشفا.

Down Deep Dish Pizza
Down Deep Dish Pizza

اعرفي معانا كمان طريقة عمل السمك السلمون في الفرن ومقلي

مقالات متعلقه

ازاي تعملي وصفة البيتزا الايطالية الاصلية

ازاي تعملي وصفة البيتزا الايطالية الاصلية

بالخطوات والفيديو: طريقة عمل بيتزا لازانيا بالثوم

بالخطوات والفيديو: طريقة عمل بيتزا لازانيا بالثوم

بالفيديو والخطوات: طريقة عمل بيتزا البطاطس

بالفيديو والخطوات: طريقة عمل بيتزا البطاطس