معلقة واحدة كبيرة من المكون ده هتخلي شعرك يطول ويتقل بشكل سريع جدا

ريهام محمود
ريهام محمود
في
شعر
6028

كل البنات دايما في حالة بحث عن الحاجات اللي ممكن تساعد على تطويل وتكثيف الشعر بشكل سريع وفعال, واكيد زي ما دايما بنقول انه مافيش افضل من الحاجات الطبيعية, والنهاردة هنقولك طريقة تطويل وتكثيف الشعر باستخدام مكون واحد بس وهو بذور الكتان, تعالوا نعرف ازاي تستخدميه عشان يديكي النتيجة المطلوبة.

تطويل وتكثيف الشعر ببذور الكتان:

بذور الكتان هي مصدر غني جدا بالاوميجا 3, وفيتامين B1, المنجنيز, النحاس, والالياف الغذائية, وكمان تعتبر مصدر ممتاز جدا للفسفور, المغنسيوم, والسيلينيوم.

بذور الكتان مليانة بالفيتامينات والمعادن الاساسية اللي بتوفر التغذية لبصيلات الشعر وبتشجع على نمو شعر جديد بشكل اقوى وصحي اكتر, والجرعة اليومية من بذور الكتان هتحافظ على شعرك صحي بشكل دائم.

احماض الاوميجا 3 الدهنية بتساعد على تجنب فروة الراس الجافة والمتقشرة وبتغذي الشعر بشكل كبير جدا, وكمان بتزود من مرونة ونعومة الشعر, وده بالتالي بيحفظ الشعر من التكسر, كمان ممكن انها تساعد على تقليل قشرة الراس والاكزيما واي امراض جلدية تانية.

تطويل وتكثيف الشعر ببذور الكتان 1
تطويل وتكثيف الشعر ببذور الكتان 1

طريقة تحضير واستخدام بذور الكتان:

خدي حوالي معلقة واحدة كبيرة من بذور الكتان حطيها في طاسة على النار.

حمصي البذور على نار منخفضة لمدة 5 دقايق مع التقليب المستمر.

دلوقتي بعد ما حمصتي البذور اطحنيها ناعم لحد ما تبقى زي البودرة, وكده تبقى جاهزة للاستخدام.

تقدري تاكلي منها معلقة واحدة كبيرة كل يوم الصبح مع وجبة الفطار.

او تضيفي معلقة كبيرة من بذور الكتان مع معلقة كبيرة من اللبن الرايب او الزبادي وتاكليها.

استمري على الطريقة دي بشكل يومي ولاحظي النتيجة على شعرك.

تطويل وتكثيف الشعر ببذور الكتان 2
تطويل وتكثيف الشعر ببذور الكتان 2

وصفة صينية قديمة: سيروم هيساعدك على تحفيز نمو الشعر وعلاج الشعر التالف في وقت سريع

سيروم لعلاج الشعر
سيروم لعلاج الشعر

مقالات متعلقه

خطوتين بس هيساعدوا على زيادة نمو شعرك بسرعة وتكثيفه

خطوتين بس هيساعدوا على زيادة نمو شعرك بسرعة وتكثيفه

طريقة عمل شامبو البيض الطبيعي المغذي للشعر في البيت

طريقة عمل شامبو البيض الطبيعي المغذي للشعر في البيت

افضل زيوت للشعر الخفيف هتساعدك على تكثيفه

افضل زيوت للشعر الخفيف هتساعدك على تكثيفه