بالصور .. افكار وستايلات ازاي تلبسي البنطلون المخطط مع الحجاب

بقلمآية حسان فيموضة وأزياء visibility655

الصيف السنة دي جايب معاه ألوان وستايلات كتيرة ومختلفة وكلها مبهجة وجميلة، ومن الستايلات الحلوة اللي لازم تكون عنك هي البنطلون المخطط او الـ stripped pants وخصوصا انه بقى متوفر بألوان وأشكال مختلفة للخطوط مش بس اللون الأسود والأبيض، و ده بيخليكي تقدري تصممي الستايلات والـ looks الخاصة بيكي انتي بعيد عن المفروض، خصوصا انك ممكن مع البنطلون المخطط تلبسي اكتر من ستايل للتوب او البلوزة زي البلوزات الـ ruffle ومجموعة كبيرة جدا من الألوان خصوصا الألوان الموضة الصيف ده زي الأصفر و الأورانج والأحمر والبينك، خلينا نشوف مع بعض بالصور افكار وستايلات ازاي تلبسي البنطلون المخطط مع الحجاب

بالصور .. افكار وستايلات ازاي تلبسي البنطلون المخطط مع الحجاب

لما تقرري تلبسي البنطلون المخطط مع الحجاب ممكن تلبسي للتوب بلوزة من ستايل الكم الجرس أو الـ bell sleeves خصوصا ان الستايل ده من البلوزات موضة الصيف ده وبيديكي لوك أنثوي وجميل، وممكن تنسقي البنطلون بألوان مختلفة مع بلوزات او كارديجان من خامات وألوان كتيرة تخليكي تطلعي بلوك وستايل مختلف كل مرة على نفس البنطلون، خلينا نشوف مع بعض ألبوم كامل يلهمك لستايلك اللي هتلبسي فيه الستايل ده من البنطلون مع الحجاب المرة الجاية 

شوفي معانا كمان إزاي تلبسي موضة الكم الجرس بشكل عصري؟