طريقة عمل السمك السلمون في الفرن ومقلي

ريهام محمود
ريهام محمود
7072

السمك السلمون من انواع السمك اللي طعمها مختلف ولذيذ جدا, وطريقه عمله سهلة وبسيطة جدا وحتى مش بياخد وقت في التحضير والطبخ, والنهاردة هنقولك طريقة عمل السمك السلمون في الفرن ومقلي عشان تقدري تنوعي فيه زي ما انتي عايزة.

– طريقة عمل السمك السلمون في الفرن:

المكونات:

500 جرام سمك سلمون.

1 معلقة كبيرة ثوم مفروم.

¼ كوباية عصير ليمون.

1 معلقة كبيرة بشر جنزبيل.

1 معلقة كبيرة زيت عباد الشمس او اي زيت نباتي او زيت زيتون.

بابريكا, زعتر, ملح.

3 ليمون ليمون كبار متقطعين شرايح.

بصلة كبيرة متقطعة شرايح.

2 جزرة متوسطة متقطعة شرايح رفيعة.

الطريقة:

اخلطي عصير الليمون مع بشر الجنزبيل, البابريكا, الزعتر, الملح, الثوم, والزيت, وتبلي السلمون كله كويس بالخليط.

حطيه في كيس او طبق وغطيه وسيبيه في التلاجة لمدة ساعة.

هاتي بايركس ورصي فيه شرايح الليمون والبصل والجزر, وحطي فوقيهم السمك السلمون.

حطي السمك في الفرن على درجة حرارة 190 درجة لمدة 15 دقيقة بس, وكده يبقى السمك جاهز قدميه مع الارز.

طريقة عمل السمك السلمون 1
طريقة عمل السمك السلمون 1

– السمك السلمون المقلي:

المكونات:

½ كيلو سمك سلمون شرايح.

عصير ليمونة.

ملح – فلفل – كمون – زعتر.

فص ثوم مفروم.

الطريقة:

اخلطي عصير الليمون مع الملح والفلفل والكمون والزعتر والثوم, وتبلي السلمون بالخليط وسيبيه لمدة ½ ساعة.

في طاسه حطي زيت وحمري فيها شرايح السلمون على الجانبين, واقليه الاول على الجنب اللي فيه الجلد وبعدين على الجنب التاني ولما ياخد اللون الدهبي الفاتح طلعية.

وقدامك اختيار تاني انك ممكن تحمريه في الزبدة بدل الزيت حطي قطعة زبدة كبيرة في الطاسة وحمريه على الجانبين لحد ما ياخد اللون الدهبي.

طريقة عمل السمك السلمون 2
طريقة عمل السمك السلمون 2

– السمك السلمون المقلي بالبقسماط:

مكونات تتبيلة السمك:

قطعتين سمك سلمون فيليه مع الجلد.

2 معلقة كبيرة بقسماط.

½ معلقة كبيرة جبنة بارميزان مبشورة.

½ معلقة كبيرة كزبرة ناشفة مطحونة.

2 معلقة صغيرة ملح.

شوية اوراق كزبرة خضرا.

فلفل اسود.

مكونات الصوص:

2 كوباية ورق جرجير طازة.

بصل اخضر متقطع شرايح رفيعة.

¼ كوباية زيت زيتون.

½ معلقة صغيرة ملح.

¼ معلقة صغيرة فلفل اسود.

طريقة تحضير الصوص:

في طبق اخلطي اوراق الجرجير مع البصل الاخضر وضيفي عليهم زيت الزيتون والملح والفلفل, قلبيهم كويس مع بعض, حطي طاسة واسعة على النار وسيبيها لحد ما تسخن ونزلي فيها خليط اوراق الجرجير والبصل الاخضر وقلبيهم مع بعض لحد ما يدبلوا, وبعدين انقليهم في الطبق اللي هتقدمي فيه السمك.

طريقة تحضير السمك:

هاتي طبق حطي فيه البقسماط وضيفي له الملح والفلفل والكزبرة الناشفة والكزبرة الخضرا والجبنة, قلبي كل المكونات مع بعض كويس.

ادهني قطع السلمون بشوية زيت من الجانبين, وغطيه بخلطة البقسماط على الجنب اللي فيه اللحم بس.

في طاسة واسعة حطي معلقة زيت كبيرة وسيبيها على نار متوسطة لحد ما تسخن, واقلي السمك على الجانبين, واقلي الاول الجنب اللي فيه الجلد لمدة دقيقتين من غير ما تقلبيه وبعدين اقلبيه على الجنب التاني لمدة من 3 – 4 دقايق او لحد ما يستوي وياخد لون.

طلعي السلمون في طبق التقديم اللي فيه اوراق الجرجير والبصل الاخضر, وزينيه باالكزبرة الخضرا وشرايح الليمون.

طريقة عمل السمك السلمون 3
طريقة عمل السمك السلمون 3

طريقة عمل مكرونة بالجمبري بالخطوات

طريقة عمل مكرونة بالجمبري
طريقة عمل مكرونة بالجمبري

مقالات متعلقه

طريقة عمل الفلفل المحشي باللحمة المفرومة على الطريقة الايطالية

طريقة عمل الفلفل المحشي باللحمة المفرومة على الطريقة الايطالية

شوربة العدس بالطماطم مع كرات اللحمة

شوربة العدس بالطماطم مع كرات اللحمة

طريقة عمل المسخن الفلسطيني بالفراخ

طريقة عمل المسخن الفلسطيني بالفراخ