اكتر 10 صيحات مكياج تريندي في 2019

ريهام محمود
ريهام محمود
في
مكياج
1194

كل سنة اتجاهات وصيحات المكياج بتتغير, بتظهر موضات جديدة, وموضات تانية بتستمر معانا لاكتر من سنة, والنهاردة جمعنالكم احدث صيحات المكياج في 2019, من اكبر خبراء المكياج العالميين.

صيحات المكياج في 2019:

1- الالوان الجريئة:

العيون الجريئة بالالوان النيون من الحاجات اليتريندي جدا في عالم المكياج السنة دي, ومش بس الوان الايلاينر كمان الماسكارا الملونة من اتجاهات المكياج الموضة, عشان كده بننصحك تتعمدي على الالوان الزاهية في مكياجك السنة دي, ومتتردديش انك تجربي الوان جديدة وجريئة.

2- مكياج احادي اللون:

طريقة بسيطة وروعة جدا للمكياج, والتقنية بتعتمد على استخدام درجات المكياج كله بلون واحد بطرق مختلفة, يعني يبقى الايشادو والبلاشر والروج كله بنفس درجة اللون, والتكنيك ده في المكياج يفضل استخدام فيه الوان ناعمة وطبيعية اكتر زي الوردي, او اللون البني الدافي للعيون والشفايف والخدود.

3- الاضاءة الطبيعية من داخل البشرة:

اضاءة الوش بالمكياج من الصيحات اللي معانا بقالها فترة ومستمرة كمان السنة دي, وخبراء المكياج بينصحوا لو هتستخدمي الاضاءة يبقى الافضل بلاش التغطية الكاملة واختاري المكياج الطبيعي الخفيف, وكمان بينصحوا باستخدام مستحضرات التجميل اللي بتكون في نفس الوقت منتجات عناية بالبشرة, زي الكريم المرطب الملون ممكن تستخدميه كبديل رائع جدا لكريم الاساس, او واقي الشمس مع عامل حماية وفي نفس الوقت بيعمل تغطية للبشرة.

وتقدري انتي تحافظي على لوك مضيء ومتوهج لبشرتك بشكل طبيعي, عن طريق الاهتمام باختيار منتجات العناية بالبشرة اللي تحافظ على بشرتك صحية زي سيروم فيتامين C, وحمض الهيالورونيك, هيكونوا اختيار كويس جدا لمكافحة الشيخوخة والتجاعيد والحفاظ على شباب البشرة, فيتامين C هيقلل من فرط تصبغ البشرة ومن ندبات حب الشباب, وحمض الهيالورونيك مفيد لترطيب البشرة, والمنتجين دول هيساعدوا البشرة ان يكون فيها توهج صحي واضاءة طبيعية.

4- ايشادو بينك:

الايشادو البينك مع الروج باللون الاحمر الكريز من الحاجات الموضة جدا في المكياج ل 2019, ممكن تجربي درجات مختلفة من البينك المات او اللامع مع لمسة نهائية من الجليتر وسط الجفن وعلى الزوايا الداخلية للعين عشان تعملي بعد جذاب ومضيء على العين.

5- الحواجب القوية:

الحواجب القوية او التخينة من الصيحات الموضة جدا في 2019, يعني بننصحك السنة دي تعتمدي على الحواجب باللون البني الغامق ويكون شكلها قوي, وطول وكثافة قوية.

صيحات المكياج في 2032
صيحات المكياج في 2032

6- الجليتر:

الجليتر على العيون من الموضات اللي كانت منتشرة جدا في التمانينات واختفت فترة كبيرة بعد كده, لكن رجعت موضة تاني معانا في 2019.

7- الالوان الباستيل:

لو كنتي بتفضلي استخدام الالوان الفاتحة والناعمة, هيكون افضل اختيار ليكي هي الالوان الباستيل زي الوردي الفاتح, الازرق الفاتح, الاخضر النعناعي, كلها الوان ناعمة وخفيفة جدا وممكن ترسمي معاها جرافيك ايلاينر عشان تظهري العين.

8- زبدة الكاكاو الملونة بالوان زاهية:

زبدة الكاكاو الملونة من الصيحات المنتشرة جدا السنة دي, وهي مش بس هتديكي لون حلو وطبيعي على الشفايف لكن كمان هترطب شفايفك, وزبدة الكاكاو من الحاجات الاساسية اللي لازم تستخدميها طول السنة عشان تحافظي على ترطيب الشفايف ويبقى شكلهم صحي وناعم.

9- الايشادو الممدود بره حدود العين:

رسمة الايشادو الممدودة بره حدود العين كمان من صيحات المكياج الموضة في 2019.

10- اختاري اللي يناسبك:

ده هو الاتجاه المهم لكل البنات, انك تعتمدي على الحاجات اللي بتطلعك بشكل احلى وبتحسي انك مرتاحة فيها اكتر, واكيد مطلوب اننا نتابع تريندات المكياج ونجرب منها ونغير في اللوك بتاعنا, وافضل مكياج في النهاية هي انك تكوني حقيقية وعندك ثقة في نفسك, وخبراء المكياج بينصحوا كل بنت انها متخافش وتجرب حاجات جديدة وتكون نفسها وتختار المكياج اللي يعكس شخصيتها.

صيحات المكياج في 2045
صيحات المكياج في 2045

مقالات متعلقه

ازاي تعملي مكياج جلد الدولفين “Dolphin Skin Makeup”

ازاي تعملي مكياج جلد الدولفين “Dolphin Skin Makeup”

احدث تريندات المكياج في شتاء 2023

احدث تريندات المكياج في شتاء 2023

اكتر 9 صيحات مكياج تريندي في 2021

اكتر 9 صيحات مكياج تريندي في 2021