7 انواع بانتي مختلفة المفروض يكونوا عندك..وامتى تلبسي كل نوع

ريهام محمود
ريهام محمود
144463

اختيار الملابس الداخلية مهم زي اختيار لبسك العادي بالظبط لان اختيار الملابس الداخلية الصح هتخليكي مرتاحة اكتر, وفي انواع بانتي مختلفة كل نوع بيبقى ليه وقت للبسه ويمكن يكون كتير من البنات ميعرفوش الفرق بينهم وامتى المفروض يلبسوا كل نوع, عشان كده النهاردة من خلال السطور الجاية هنقولك انواع البانتي المختلفة, وامتى تلبسي كل نوع.

انواع البانتي:

1- الـ Boy Shorts:

النوع ده بيبقى تصميمه شبه الملابس الداخلية الرجالي شوية, بيكون على شكل مستطيل اكتر, ونقدر نعتبرهم متشابهين جدا, بس الحريمي بيكون اقصر شوية من الرجالي, ولكن في بعض العلامات التجارية بتصممه طويل شوية لحد الفخدين تقريبا.

امتى تلبسي النوع ده؟

النوع ده لو معمول من خامة قماش مناسبة وعلى قد الجسم بالظبط, هيكون مناسب جدا انه يتلبس تحت الفساتين, او تلبسيه تحت الملابس الضيقة عشان تتجنبي انه يبان منها خطوط الملابس الداخلية, ولو كان البانتي طويل هيكون اختيار مناسب ومريح جدا تحت الملابس الطويلة.

انواع البانتي 1
انواع البانتي 1

2- الـ Lacy Hipsters:

النوع التاني هو نوع البانتي الدانتيل اللي بيكون شفاف, وواصل لمنطقة الوركين.

امتى تلبسي النوع ده؟

النوع ده مناسب جدا تحت اللانجري, لو عايزة تلبسي بانتي يغطي بداية منطقة الوركين ويبقى في نفس الوقت شكله انثوي وجذاب النوع ده هيكون انسب اختيار ليكي.

انواع البانتي 2
انواع البانتي 2

3- الـ Supporting Panties:

النوع ده من البانتي بيدعم منطقة البطن وبيكون فوق منطقة الوركين.

امتى تلبسي النوع ده؟

النوع ده مناسب بشكل خاص للحوامل لانه زي ما قولنا بيدعم منطقة البطن وهيكون مريح جدا, ومناسب كمان للي عندهم زيادة وزن في منطق البطن بشكل خاص بننصحكوا تجربوا النوع ده من الملابس الداخلية هيريحكوا اكتر.

انواع البانتي 3
انواع البانتي 3

4- الـ Bikini Panty:

النوع ده باين من اسمه هو بانتي بكيني بيتميز بالوانه الزاهية والجذابة, وبيكون مش ضيق اوي ولا واسع اوي, وبيجي بأكتر من تصميم في منه البانتي العادي, او البانتي اللي بيحتاج يتربط من الجانبين زي اللي موجود قدامنا في الصورة.

امتى تلبسي النوع ده؟

النوع ده تلبسيه لما تكوني رايحة الشاطيء وهتنزلي المية.

انواع البانتي 4
انواع البانتي 4

5- الـ Thong Panty:

النوع ده يعتبر اكتر انواع البانتي تنوع على الاطلاق, ومش هتكوني قلقانة ابدا ان خطوط الملابس الداخلية تبان من تحت لبسك وانتي لابسه النوع ده, ومع ذلك لو انتي بتلبسي النوع ده اول مرة ممكن تحسي بعد راحة في البداية, ولكن مع الوقت هتكتشفي ان ده افضل انواع البانتي وافضل اختراع في عالم الملابس الداخلية.

امتى تلبسي النوع ده؟

ده ممكن تلبسيه تحت اللانجري, او تحت الفساتين او الجيبات اللي واخدة شكل الجسم عشان ميبانش من تحتها خطوط الملابس الداخلية بتاعتك.

انواع البانتي 5
انواع البانتي 5

6- الـ Lovable Comfortable Panty:

النوع ده بيكون مصنوع اساسا من القطن وبالتالي بيكون مريح جدا, والنوع ده اللي ممكن تلبسه اي واحدة ومناسب لاي سن, ويعتبر من اكتر الانواع الطبيعية في الملابس الداخلية.

امتى تلبسي النوع ده؟

البسيه تحت اللبس الكاجوال لما يكون كل اللي همك راحتك بس هيكون النوع ده هو افضل اختيار ليكي.

انواع البانتي 6
انواع البانتي 6

7- الـ Silky Panty:

النوع ده بيكون مصنوع من الساتان, وبالتالي بيدي شعور ناعم جدا على الجلد, وبيبقى في منه الوان جذابة جدا, وده يعتبر اكتر نوع مفضل للجنس الاخر.

امتى تلبسي النوع ده؟

البسي النوع ده لو عايزة تحسي انك لابسه قطعة انيقة, ولو عايزة شريكك يشوفك في افضل حالاتك, هيكون ده انسب وافضل اختيار ليكي.

انواع البانتي 7
انواع البانتي 7

وده يعتبر دليل اختيار الملابس الداخلية اللي المفروض يكونوا موجودين في دولابك, وكل واحد فيهم مخصص لمناسبات واوقات مختلفة, يا ترى عندك كام نوع منهم في دولابك ؟

10 اخطاء كل البنات بتقع فيها مع الملابس الداخلية..وازاي تتجنبيهم

اخطاء بتقعي فيها مع الملابس الداخلية
اخطاء بتقعي فيها مع الملابس الداخلية

مقالات متعلقه

طريقة اختيار حمالة الصدر المناسبة للبسك

طريقة اختيار حمالة الصدر المناسبة للبسك

افضل ماركات حمالات الصدر تختاري منها اللي يناسبك

افضل ماركات حمالات الصدر تختاري منها اللي يناسبك

10 اخطاء كل البنات بتقع فيها مع الملابس الداخلية..وازاي تتجنبيهم

10 اخطاء كل البنات بتقع فيها مع الملابس الداخلية..وازاي تتجنبيهم