4 اسئلة تسأليهم لنفسك كل يوم الصبح ممكن انها تغير عقلك

ريهام محمود
ريهام محمود
1659

الدراسات اثبتت ان متوسط مستوى انتباه او استيعاب المخ عند الاشخاص انخفض من 12 ثانية في سنة  2000 من اول بداية استخدام وانتشار الموبايلات ل 8 ثواني, يعني بنسبة 33%, والنهاردة من خلال موضوعنا هنقولكم 4 اسئلة هتغير عقلك.

اسئلة هتغير عقلك:

مبدئيا كده فكري في السؤال ده لمدة دقيقة: هل انتي مسيطرة او متحكمة في عقلك؟

بعد التفكير طبيعي هتجاوبي وتقولي مثلا ايوه اكيد متحكمة في عقلي او مسيطرة عليه, او هل ممكن اكون مش مسيطرة على عقلي او هو اللي متحكم فيه؟

عقلك اكيد ملكك, لكن هل انتي فعلا مسيطرة عليه؟ كتير من اذكى واكبر علماء الاعصاب في العالم بيقولوا “لا” الى حد ما او الحقيقة ان عقولنا في معظم الوقت شغالة “بشكل آلي”.

على سبيل المثال:

مثلا انتي بتكوني ماشية على نظام غذائي صحي وتمارين رياضية, ولكن لسبب ما مش بتقدري تمنعي نفسك من الحلويات او بتضعفي قدامها.

او بتوعدي نفسك انك تتوقفي عن الافكار السلبية ونقد الذات باستمرار, لكن بردو لسبب ما بتلاقيها زادت وانتشرت اكتر.

ودول مجرد مثاليين لتوضيح الفكرة, عشان نوصل ان كلنا تقريبا عندنا افكار بنتمنى انها متكونش موجودة, وفي بعض الاحيان كمان بنتصرف او بناخد قرارات بناءً على الافكار دي بالرغم اننا عارفين ان في الافضل منها لينا.

الاجابة البسيطة على السؤال: هل عندنا سيطرة على عقلنا هي “نعم ولا”, لان اكيد غباء مننا لو فكرنا اننا مش مسيطرين علي عقلنا, لان اكيد في حاجات كتير بنعملها واحنا مدركينها تماما ومختارينها بارداتنا, لكن في اوقات تانية كتير العقل بيشتغل بشكل آلي, زي مثلا الاكل, السواقة, الاستماع, التحدث الى اخره من الحاجات اللي بنعملها من غير تفكير.

ليه ده بيحصل؟

بكل بساطة لان المخ “كسول” بشكل افتراضي, والمخ معقد بشكل كبير جدا, ومتصمم عشان يربط بين الاشياء المجردة ببعضها لفهم البيئة اللي حواليه, وده السبب انه بيكون صعب انك تخرجي من عادات معينة اتعودتي عليها.

من غير التدريب المناسب للعقل هيفضل شغال بشكل آلي, واعادة تدريب العقل مش شرط تكون عملية معقدة او صعبة, لكن الحقيقة انه ممكن من خلال 4 اسئلة اساسية بسيطة ممكن انها تبسط اي تحدي او مشكلة او قرار ممكن تواجهيه سواء كان كبير او صغير.

اسألي نفسك الـ 4 اسئلة دي كل يوم الصبح ممكن انها تساعدك على تغيير عقلك, التزمي بسؤال نفسك الاسئلة دي لو واجهك اي تحدي او مشكلة او قرار.

اسئلة هتغير عقلك 1
اسئلة هتغير عقلك 1

1- ايه هو المهم فعلا؟

انك تعرفي فعلا ايه المهم بالنسبة لك, وانك تكوني واعية تماما لسبب عملك لحاجة معينة بشكل خاص, على سبيل المثال تقولي انا عايزة اتمرن زيادة او امارس تمارين بشكل اكبر لكن ده يعتبر مفهوم تجريدي عام ومحتاج انه يكون اكتر واقعية, يعني تسألي نفسك ايه المهم اللي يخليني فعلا “عايزة اتمرن اكتر”؟ هل هو شكل جسمي؟ ولا عشان اخفض الكوليسترول واحافظ على صحتي اكتر؟ او اني قدوة لغيري؟

ايه المهم فعلا اللي مخليكي عايزة تخسري وزنك؟ او ليه عايزة تترقي في شغلك؟ او ليه عايزة اشتري بيت جديد؟ ليه عايزة ابدأ في نشاط تجاري او مشروع جديد؟ الى اخره, لازم تعرفي الهدف من الحاجة اللي انتي عايزة تعمليها, متخليش العقل يتجاهل السؤال ده بكسل او بتوفير مبررات موضوعية لاي تحدي او قرار او مشكلة, ده هيخليكي تكملي الحاجة اللي بدأتي فيها لحد النهاية.

اسئلة هتغير عقلك 2
اسئلة هتغير عقلك 2

2- ازاي هنفذ ده؟

كلنا تقريبا بنقول اننا هنعمل حاجة معينة لكن من غير تخطيط ليها او تصور مننا ازاي هنعملها, وده منتشر جدا في تفكير معظمنا لان المخ ليه طريقة انه يتجنب المسؤولية.

يعني مثلا تقولي انا عايزة ادور على وظيفة او شغل جديد, يمكن انتي تشوفي ان ده بسيط لكن كام من الاشخاص اللي قالوا نفس الجملة وفضلوا في نفس وظيفتهم سنين على الرغم من نيتهم لتغييرها, في كتير من الاوقات بيكون السبب في ده ان مافيش خطة واضحة.

عشان كده لو انتي مثلا عايزة تدوري على شغل جديد, يبقى تخصصي جزء من يومك كل يوم الصبح ساعة او ساعتين انك تدوري على شغل جديد, سواء عن طريق الشركات اللي بتوفر شغل, او التواصل مع الشركات عن طريق Facebook, Twitter, LinkedIn, تحاولي تحسني السيرة الذاتية بتاعتك وتضيفي فيها كل خبراتك ومهاراتك, يعني تمشي في كل الطرق اللي ممكن عن طريقها تلاقي وظيفة جديدة افضل ومناسبة ليكي.

اسئلة هتغير عقلك 3
اسئلة هتغير عقلك 3

3- مين اللي ممكن يشاركك قرارك؟

في الغالب انه لما بتاخدي قرار خاص بيكي بتاخديه لوحدك, ودي حاجة كويسة الى حد ما, لكن الافضل انك تفكري على الاقل في مسألة مين اللي ممكن يشاركك في اي قرار او عواقب القرار ده.

واحدة من الغلطات اللي ممكن يقع فيها الاشخاص لما بيواجهوا تحدي او مشكلة او قرار انهم بيتجاهلوا الاشخاص اللي ممكن يتأثروا بالقرار ده, ومرة تانية بنقولك ان دي طريقة المخ للهروب من اي جهد او ضغط, لكن ضروري جدا انك تفهمي وتعرفي ان الشخص اللي هيشارك في اي قرار او نتيجة هتاخديها ده بيخليكي تتجاوزي العقبات المحتملة اللي ممكن تحصل في المستقبل.

اسئلة هتغير عقلك 4
اسئلة هتغير عقلك 4

4- ماذا لو…. حصل؟

في بعض الحالات الافضل ان يكون عندك خطة للطواريء او في حالة حصل حاجة غير متوقعة, هنقولك مثل قولناه فوق انك تقولي “عايزة امارس رياض اكتر” اسألي نفسك طيب ماذا لو اتصابت هيحصل ايه؟ في الحالة دي حطي خطة او حل بديل انك تمارسي نوع رياضة تانية مناسبة لحالتك, في حالة انك مش هتقدري تمارسي رياضة يبقى هنا اختاري حل انك تقللي من اكلك.

في المثال التاني “انا عايزة ادور على شغل جديد” ماذا لو ان في حد من القريبين مني معارض ده؟ في الحالة دي لازم تقدمي تفسير عقلاني ومنطقي ليه انتي عايزة وظيفة جديدة.

وعادة احنا ممكن نتوقع ايه العقبات اللي ممكن تقابلنا من اي قرار, اعتمادا على الموقف نفسه, وفي الحالة دي تقدري توصلي لحل مناسب.

اسئلة هتغير عقلك 5
اسئلة هتغير عقلك 5

لو حاسه باكتئاب كرري الـ 12 جملة دول هتخليكي تحسي بشعور احسن

علاج الاكتئاب
علاج الاكتئاب

مقالات متعلقه

3 حاجات بطلي تعمليهم في حياتك تماما

3 حاجات بطلي تعمليهم في حياتك تماما

10 عادات سيئة لازم تتخلصي منها لو عايزة تعيشي حياة سعيدة

10 عادات سيئة لازم تتخلصي منها لو عايزة تعيشي حياة سعيدة

20 عادة هتخلصك من الطاقة السلبية في حياتك للابد

20 عادة هتخلصك من الطاقة السلبية في حياتك للابد