روتين للعناية ببشرتك في الصيف عشان تفتحيها بشكل سريع وتحافظي عليها

ريهام محمود
ريهام محمود
في
بشرة
13139

في الصيف البشرة بتتأثر بالحرارة الرطوبة واشعة الشمس اللي ليها ضرر كبير على البشرة خصوصا لو نزلتي من غير واقي الشمس, بيتبدأ تظهر على البشرة بقع غامقة وتصبغات وندبات, عشان كده النهاردة هنقولك روتين العناية بالبشرة في الصيف هيساعدك على تفتيح البشرة بشكل سريع وعلاج المشاكل اللي ممكن بشرتك تتعرض لها في الصيف وهيحافظ عليها.

روتين العناية بالبشرة في الصيف:

1- سيروم البطاطس لبشرة خالية من العيوب من اول استخدام:

المكونات:

عصير ثمرة بطاطس.

2 معلقة كبيرة لبن.

رشة كركم.

طريقة التحضير:

اخلطي عصير البطاطس مع اللبن والكركم, قلبي المكونات كلها مع بعض كويس, هاتي قطعة قطن اغمسيها في الخليط وادهني الوش والرقبة, وسيبي الخليط طول الليل, واغسليه الصبح بالمية العادية, استخدمي السيروم ده كل يوم قبل النوم لافضل النتايج.

فوايد السيروم:

– بينضف الجلد بعمق.

– بيزيل بقع الشمس.

– بيفتح البشرة.

– بيزيل البقع الداكنة.

– بيقلل من الهالات السودا.

روتين العناية بالبشرة في الصيف 1
روتين العناية بالبشرة في الصيف 1

2- ماسك البنجر:

المكونات:

2 معلقة كبيرة من جل صبار الالوفيرا.

5 شرايح ليمون.

نصف شريحة بنجر متقطعة مكعبات.

2 معلقة كبيرة ارز مطبوخ على البخار.

طريقة التحضير:

حطي جل الصبار في الخلاط وضيفي له شرايح الليمون والبنجر واخر حاجة ضيفي الارز, اضربيهم مع بعض كويس, خدي كمية من الخليط وافرديها على بشرتك باستخدام فرشة او بايدك, سيبيه لحد ما ينشف وبعديني اغسليه بمية باردة, كرري الماسك ده يوم ويوم لافضل النتايج.

فوايد الماسك:

– بيفتح البشرة.

– بيدي نقاء فوري للبشرة.

– بيزيل بقع الشمس.

– بيدي توهج للبشرة.

روتين العناية بالبشرة في الصيف 2
روتين العناية بالبشرة في الصيف 2

3- سكراب السكر:

المكونات:

2 معلقة كبيرة عسل نحل.

1 معلقة كبيرة سكر.

1 معلقة كبيرة عصير ليمون.

طريقة التحضير:

هاتي طبق او بولة صغيرة حطي فيها العسل وضيفي له السكر وبعدين عصير الليمون, قلبي المكونات مع بعض لحد ما يتكون عندك ملمس كريمي, خدي كمية من الخليط افرديها على البشرة, ودلكي البشرة في حركات دائرية لمدة دقايق وبعدين اغسلي بشرتك بالمية العادية, كرري السكراب ده مرتين في الاسبوع.

فوايد السكراب:

– بينضف الجلد بعمق.

– بيزيل اسمرار الشمس من اول استخدام.

روتين العناية بالبشرة في الصيف 3
روتين العناية بالبشرة في الصيف 3

وصفات طبيعية لعلاج حروق الشمس وتفتيح البشرة

علاج حروق الشمس وتفتيح البشرة
علاج حروق الشمس وتفتيح البشرة

مقالات متعلقه

تحدي اليوم الواحد لتوهج بشرتك قبل الفرح

تحدي اليوم الواحد لتوهج بشرتك قبل الفرح

علاج الايورفيدا للبشرة في البيت في 3 خطوات سهلة

علاج الايورفيدا للبشرة في البيت في 3 خطوات سهلة

5 علاجات طبيعية بتستخدمها كارينا كابور لبشرة نضرة وشباب

5 علاجات طبيعية بتستخدمها كارينا كابور لبشرة نضرة وشباب