9 اسباب ليه المفروض متتخلصيش من مية المخلل القديم وازاي تستخدميها

بقلمريهام محمود فيصحة visibility282

اكيد كلنا بنحب المخلل وبناكله لكن اكيد مفكرناش ان المية بتاعته ليها استخدامات وممكن تكون مفيدة لتحسين الصحة, لكن الحقيقة فعلا ان مية المخلل غنية بمضادات الاكسدة ومليانة بالطاقة والمواد المغذية اللي هتخليكي اكيد متتخلصيش منها بعد كده واللي بسهولة تقدري تدخليها في نظامك الغذائي, والنهاردة هنقولك فوايد مية المخلل الصحية.

فوايد مية المخلل الصحية:

1- افضل من اي مشروب رياضي:

مية المخلل بتحتوي على مستويات من الصوديوم, اللي ليها قدرة على استعادة الشوارد ودي حاجة معروفة جدا بين الرياضيين المحترفين ولاعيبة كرة القدم, وبالتالي هي مفيدة جدا للرياضيين ويقدروا يشربوها بدل اي مشروب رياضي, واثبتت الدراسات العلمية دلوقتي كمان ان مية المخلل بتستخدم في غرفة الطواري لمساعدة المرضى المصابين بأمراض القلب الصعبة.

فوايد مية المخلل الصحية

2- بتمنع وبتعالج تقلصات وتشنجات العضلات:

مية المخلل بتساعد على تخفيف التشنجات واستعادة التوازن في حوالي 85 ثانية, لان الخل وكلوريد الكالسيوم اللي موجودين فيه بيساعدوا الجسم على امتصاص البوتاسيوم والصوديوم, وده السبب ان الرياضيين بيشربوا مية المخلل لعلاج ومنع تشنجات العضلات اللي ممكن تحصلهم بسبب التمارين.

فوايد مية المخلل الصحية

3- بتخفف من متلازمة تشنجات وشد عضلات الرجل:

شرب شوية من مية المخلل قبل النوم بيهدي ويخفف من متلازمة تشنجات وشد عضلات الرجل اللي بيتعرض ليها كتير من الناس.

فوايد مية المخلل الصحية

4- علاج اضطراب المعدة:

ممكن تكون معلومة مفاجأة ومش متوقعة, ولكن شرب مية المخلل هيديكي راحة فورية من اضطراب المعدة والحرقة, وفي اختيار تاني كمان لعلاج اضراب المعدة والحرقة وهو خليط العسل مع الخل.

فوايد مية المخلل الصحية

5- بتمد الجسم بالمواد المضادة للاكسدة والمواد الغذائية وبتساعد على تخسيس الوزن:

مية المخلل تقدري تستخدميها كوسيلة طبيعية لتخسيس وزنك لانها بتحتوي على سعرات حرارية منخفضة والخل اللي موجود فيها بيعزز عملية التمثيل الغذائي, وبتساعد على تحسين صحتك, لانها بتحتوي على نسبة عالية من الكالسيوم وفيتامين C والشوارد اللي احنا اتكلمنا عليها في اول نقطة, وبفضل المحتوى الحمضي لمية المخلل, ده بيساعد على امتصاص المواد الغذائية ومضادات الاكسدة بسهولة اكبر في الجسم.

فوايد مية المخلل الصحية

6- تهدئة التهاب الحلق:

عادة لما اي حد بيتعرض لالتهاب الحلق بينصحوه بعمل غرغرة بمية مالحة دافية لقتل الجراثيم, مية المخلل بتقوم بنفس المهمة دي استخدمي مية المخلل المخففة بالمية الدافية لعمل غرغرة هتساعد على تهدئة التهاب الحلق.

فوايد مية المخلل الصحية

7- تخفيف حكة الجلد وتهدئة حروق الشمس:

مية المخلل هتساعدك على التخفيف من حكة الجلد والتهيج اللي ممكن يكون ناتج عن لدغات او لسعات الحشرات, بلي قطعة قماش او قطعة قطن بمية المخلل وامسحي بيها على الجلد المصاب.

ولو بتعاني من حروق الشمس كمان مية المخلل مفيدة ليكي هتساعد على تهدئة الجلد, بلي قماشة او قطنة وامسحي بيها الجلد, ويفضل كمان تستخدميها باردة يعني حطيها في التلاجة شوية قبل الاستخدام هتديكي نتيجة افضل.

فوايد مية المخلل الصحية

8- العناية بالنباتات:

لو عندك زرع او نباتات في البيت ولقيتي ورقها اتحول للون الاصفر ودبل, فده معناه ان الرقم الهيدروجيني للتربة قلوي جدا, في الحالة دي خففي معلقتين كبار من مية المخلل في كوبايتين ونص مية, وحطي المحلول ده على التربة باستخدام ازازة ببخاخ, واتأكدي انك مترشيش النباتات نفسها ولكن التربة بس.

فوايد مية المخلل الصحية

9- تنضيف الاواني النحاس:

لو عندك اي طاسه او حلة نحاس لونها اتغير, تقدري بكل بساطة تنضفيها وترجعيها تاني كأنها جديدة باستخدام مية المخلل, وتدعكي بيها اي حاجة نحاس عندك.

فوايد مية المخلل الصحية

ازاي تشربي مية المخلل:

على الرغم من اننا عرفنا قد ايه مية المخلل مفيدة لكن اكيد هيكون صعب انك تشربيها كده على طول, لكن اكيد في طرق تقدري تدخلي بيها مية المخلل في نظامك الغذائي من غير ما تضطري تتحملي الطعم اللاذع ليها ومنهم:

– حطي كام معلقة من مية المخلل للمية واشربيها, او ضيفيها للمشروب المعتاد ليكي اللي بتشربيه بعد التمرين.

– تقدري تدخلي مية المخلل في اي اكلة تتخيليها ممكن تحطي معاها او تاكلي معاها مخلل, زي سلطة التونة, سلطة البيض, او اي طبق شايفة انه مناسب يتضاف ليه مية المخلل.

– ضيفي كام معلقة كبيرة من مية المخلل على كوباية الزبادي, ودي تعتبر طريقة حلوة جدا تخليكي تستفيدي بمية المخلل من غير ما تحسي بطعم مية المخلل اللاذع.

– تقدري تستخدميها كمية مملحة تضيفيها لاكلاتك, او استخدامها كتتبيلة للحوم والفراخ والاسماك مع التوابل, انقعيها فيها ساعة او ساعتين قبل الطبخ بتدي طعم حلو وبتخلي اللحوم طريه.

– مية المخلل ممكن كمان تستخدميها كصوص للسلطة Salad dressing.

فوايد مية المخلل الصحية

هل في اي آثار جانبية من شرب مية المخلل؟

برغم من ثبوت عدم وجود اي اثار جانبية خطيرة من شرب مية المخلل, لان انه ممكن يسبب بعض الاثار لبعض الاشخاص, والمفروض انك تتجنبيه في الحالات دي:

– لو بتعاني من مرض النقرس, او عندك استعداد وراثي للنقرس, لان المخلل ممكن يسبب تراكم حمض اليوريك.

– لان مية المخلل تعتبرمشروب حامض طبيعي, فده ممكن يخليها متبقاش مناسبة مع بعض الادوية, عشان كده لو بتاخدي اي دوا لاي مرض مزمن يبقى لازم تستشيري الدكتور قبل اضافتها لنظامك الغذائي, وحتى لو مافيش مشاكل من شربها مع الادوية بتاعتك لازم تتأكدي بردو انك تشربيها بعد الدوا بوقت كافي عشان تتأكدي من امتصاصه بشكل صح.

هي دي تعتبر الشروط او الموانع الوحيدة اللي تتجنبي فيها شرب مية المخلل, غير كده هو آمن تماما.

ملحوظة: اتجنبي العلامات التجارية اللي بتحتوي على مواد حافظة ومواد مضافة.

فوايد مية المخلل الصحية

افضل 5 طرق للتخلص من دهون الجسم بسرعة ومترجعش تاني

طرق التخلص من الدهون