افكار لتصاميم ستاير البيت وازاي تختاريها
لو عروسة وبتجهزي بيتك ولسه مش عارفة تختاري الستاير, او ذهقتي من الستاير اللي عندك وعايزة تجددي ستاير البيت, اكيد موضوعنا النهاردة يهمك, هنشوف مع بعض مجموعة افكار لتصاميم ستاير البيت وازاي تختاريها.
الستاير من التفاصيل اللي ممكن تغير شكل الاوضة تماما, لكن مهم انك تختاري الستايل المناسب مع الاثاث بتاعك ما بين التصاميم المودرن او المعاصرة والكلاسيك, والالوان والخامات المناسبة, اختيار الستاير لازم يكون محطوط في بداية خطة الديكور بتاعتك.
ضروري انك تاخدي المقاسات بتاعتك صح عشان تعملي الستارة بالمقاس المناسب, والستارة المفروض تكون اكبر من حجم الشباك او البلكونة بنسبة بسيطة عشان تغطيه كله, ودي تعتبر واحدة من مباديء الديكور المهمة.
تقدري تختاري ما بين الالوان الكلاسيكية الدافية او درجات الباستيل الخفيفة اللي بتسمح بدخول الضوء للمكان, كمان الالوان ممكن تأثر على الحالة المزاجية, يعني مثلا الستاير الملونة بألوان زاهية والمطبوعة بشخصيات ديزني او من الكارتون هتكون مناسبة جدا لغرف نوم الاطفال هتديها حياة.
بالنسبة لخامات او اقمشة الستاير يعتبر الاورجانزا والساتان من اكتر الاقمشة المنتشرة او المستخدمة في تصاميم الستاير, في كمان خامة البوليستر واللي بيكون سهل غسلها وتجفيفها بشكل اسرع, وبننصحك انك تعملي الستاير بالمقاسات المناسبة ليكي بدل شراء الستاير الجاهزة اللي ممكن متبقاش بنفس المقاس اللي انت عايزاة.
تعالوا نشوف مع بعض بالصور مجموعة افكار لتصاميم ستاير البيت:
