قائمة أفلام عيد الفطر 2019
لو لسه بتفكروا هتقضوا العيد ازاي وهتروحوا فين, احنا بننصحكم تحطوا السينما في برنامج الخروج بتاعكم لانه نازل مجموعة افلام لمجموعة كبيرة من النجوم اللي كلنا بنحبهم, والنهاردة هنقولكم قائمة أفلام عيد الفطر 2019 عشان تختاروا منها.
أفلام عيد الفطر 2019:
1- فيلم الممر:
الفيلم بيحكي عن قوات الصاعقة المصرية في فترة حرب الاستنزاف, وبيناقش المرحلة الزمنية من اول حرب 1967 لحد الفترة الاولى من حرب الاستنزاف, الفيلم هيكون موجود في السينمات من يوم 5 يونيو.
الفيلم بطولة احمد عز, اياد نصار, هند صبري, احمد رزق, شريف منير, اسماء ابو اليزيد, احمد صلاح حسني, احمد فلوكس, محمد الشرنوبي, انعام سالوسة, محمد فراج, امير صلاح, محمود حجازي, حجاج عبد العظيم.
اخراج شريف عرفة, تأليف شريف عرفة, حوار أمير طعيمة.
اعلان الفيلم:
2- فيلم حملة فرعون:
فيلم تشويقي بتدور احداثه حوالين شاب اسمه يحى ومشهور بفرعون بيدير اكبر شركة اغتيالات منظمة في مصر, ويضطر انه يسافر لسوريا عشان ينقذ حبيبته, الفيلم هيكون موجود في السينمات من يوم 5 يونيو.
الفيلم بطولة عمرو سعد, روبي, محمود عبد المغني, محمد لطفي, سوزان نجم الدين, حمدي الميرغني, بيومي فؤاد, كرم جابر, هافبور جوليوس جونسون, مايك تايسون, حورية فرغلي “ضيفة شرف”.
اخراج رؤوف عبد العزيز, تأليف كريم حسن بشير.
اعلان الفيلم:
3- فيلم كازابلانكا:
فيلم اثارة وتشويق احداثة بتدور حوالين 3 اصحاب بيشكلو عصابة لسرقة السفن اسمها “هجامين البحر”, وبيتم تكليفهم بمهمة خطيرة ضد رجال المافيا بعد سرقة شحنة الماس كبيرة, لحد واحد منهم بيقرر انه ينفذ العملية لحسابه الشخصي ويهرب على المغرب, وهنا بتبدأ تصفية الحسابات بينهم, الفيلم هيكون موجود في السينمات من يوم 5 يونيو.
الفيلم بطولة امير كرارة, غادة عادل, اياد نصار, عمرو عبد الجليل, لبلبة, خالد ارجنتش, دلال عبد العزيز, محمود البزاوي, جيهان خليل.
اخراج بيتر ميمي, عبد الرحمن ابو غزالة “مساعد مخرج اول”, تأليف هشام هلال.
اعلان الفيلم:
4- فيلم سبع البرُمبة:
فيلم كوميدي اجتماعي احداثه بتدور حوالين شخص بينتحل شخصية ظابط شرطة, عشان يوصل للبنت اللي بيحبها, الفيلم هيكون موجود في السينمات من يوم 5 يونيو.
الفيلم بطولة رامز جلال, بيومي فؤاد, محمد ثروت, محمد عبد الرحمن, جميلة عوض, بدرية طلبة, نور قدري, مها ابو عوف, ياسر جلال “ضيف شرف”, احمد السقا “ضيف شرف”, امير كرارة “ضيف شرف”.
اخراج محمود كريم, تأليف لؤي السيد.
اعلان الفيلم:
5- فيلم محمد حسين:
الفيلم احداثه بتدور حوالين سواق بيشتغل في واحد من الفنادق الكبيرة وبيتورط مع رجال المافيا وبتحصل بينهم مطاردات, وبيتهموه بقتل رسام كبير عايش في فرنسا, والجهات الامنية بتقبض عليه لان هو اخر شخص قابله قبل ما يتقتل في الفندق اللي هو بيشتغل فيه, ومن هنا بيبدأ يدور على القاتل الحقيقي للرسام, الفيلم هيكون موجود في السينمات من يوم 5 يونيو.
الفيلم بطولة محمد سعد, سمير صبري, مي سليم, دينا محسن “ويزو”, بيومي فؤاد, محمد ثروت, الشحات مبروك, انعام سالوسة, فريال يوسف.
اخراج محمد علي, كريوس وديع “مساعد مخرج اول”, تأليف شريف عادل.
اعلان الفيلم:
احلى اماكن الخروج في القاهرة
