7 تمارين يابانية مثالية ومفيدة جدا لجسم المرأة

بقلمريهام محمود فيتخسيس الوزن visibility468

هل تعرفوا ان الستات اليابانيات مسجلين اعلى نسبة عالمية لطول العمر؟ وغير انهم معمرين وبيعيشوا سنين اطول كمان مش بيبان عليهم السن وجسمهم مثالي جدا, واكيد السر في ده هي التمارين مع الاكل الصحي اللي بيعتمدوا عليه على طول, والنهاردة من خلال موضوعنا هنقولك على 7 تمارين يابانية مفيدة للنساء بتساعد انها تزود الجسم بالطاقة واللياقة البدنية.

تمارين يابانية مفيدة للنساء:

1- تمرين Reed in the wind:

التمرين ده بيساعد على زيادة تدفق الدم في الساقين وبيمنع تعب وألم الساقين.

نامي على بطنك على سطح مستوي وناشف مش طري يعني ممكن تعمليه على ترابيزة, اتني الركبتين ومرجحيهم في الهوا, وحاولي توصلي للارداف بكعب رجلك, استمري في تحريك الرجل لفترة من الوقت, اعملي التمرين ده بشكل يومي هتلاحظي النتايج مع الوقت.

تمارين يابانية مفيدة للنساء

2- تمرين A leaf:

التمرين بيساعد على تحسين الدورة الدموية والدماغ.

نامي على ضهرك على سطح مستوي وناشف, حاولي انك تسترخي خالص, اتني ركبتك من غير ما ترفعي القدمين من على الارض, اسحبي القدمين ببطء ناحية الارداف, وارفعي راسك ببطء وحاولي توصلي لركبتك وانتي فاردة ايدك لقدام, مترفعيش عضم العمود الفقري, وبمجرد ما توصلي للركبتين ارفعي راسك لفوق واتأكدي ان العمود الفقري في وضع افقي, اثبتي على الوضع ده اكبر مده تقدري عليها, واتخيلي ان الطاقة جايه من خلال راسك, بعدها ارجعي للوضع الاول واسترخي.

تمارين يابانية مفيدة للنساء

3- تمرين A boat:

التمرين ده مفيد جدا للنساء في الفترة اللي بعد الولادة لما العضلات بتضعف من تأثير الولادة, وكمان بيحسن التوازن والهضم وبيساعد على فقدان الوزن الزيادة في البطن.

نامي على الارض, وخلي الساقين جنب بعض, وارفعي الذراعين جنب جسمك مع كف اليد, عدي ل 4 وبعدين ارفعي الساقين ومدي صوابع رجلك لفوق, في نفس الوقت ارفعي الجزء العلوي من الجسم والذراعين جنبك مفرودين, المسي الركبتين بصوابع ايدك, اثبتي على الوضع ده على قد ما تقدري لحد ما تحسي انك تعبتي, كرري التمرين حوالي 10 مرات.

تمارين يابانية مفيدة للنساء

4- تمرين A willow branch:

التمرين ده بيساعد على التقليل من آلام الضهر بشكل فعال, وتقوية الاوعية والاوردة:

اقفي بشكل مستقيم, وخلي الساقين جنب بعض متوازيين, ركزي على جسمك واتخيلي انه فاضي من غير وزن, خلي ايديكي فوق منطقة الكليتين واسحبي صوابعك مع بعض لورا واشبكيهم مع بعض, واتني راسك لورا, وحركي جسمك ببطء ناحية الشمال واليمين, لما تحسي بالتعب شوية ارجعي للوضع الاول.

تمارين يابانية مفيدة للنساء

5- تمرين The sky near the river:

التمرين ده بيساعد على انقاص وزن البطن,, ومفيد للدورة الدموية والعمود الفقري, كمان بيساعد على تطوير الخيال وتهدئة العقل.

نامي على ضهرك على سطح مستوي ناشف, اشبكي ايديكي الاتنين ورا راسك, ارفعي جسمك ببطء لوضع الجلوس, استمري في تني الجسم ناحية الساقين بقدر الامكان, وتخيلي انك واقفة جنب نهر وانك بصاله ومركزة فيه, ارجعي ببطء للوضع الاول, وبصي لفوق واتخيلي انك بتبصي للسما.

تمارين يابانية مفيدة للنساء

6- تمرين A vine:

التمرين ده بيساعد على تخفيف آلام الضهر والساق.

دلكي منطقة الوسط ببطء, وبعدين انحني لقدام وحاولي توصلي للارض بايديكي, وبعدين ارجعي للوضع الاول وبعدين انحني تاني على قد ما تقدري, ارجعي للوضع الاول ولفي بجسمك ناحية اليمين والشمال ببطء, وبعدين ارجعي للوضع الاول واسترخي.

تمارين يابانية مفيدة للنساء

7- تمرين Bowstring:

تمرين الاوتار بيساعد على تقليل الدهون في الفخدين وبيخفف من آلام اسفل الضهر وبيقوي عضلات الوركين وبيحسن التنفس.

اركعي على الارض, انحني لورا وامسكي الكاحلين بايديكي, اثبتي على الوضع ده لمدة 5 ثواني, وبعدين ارجعي للوضع الاول, كرري التمرين حوالي 10 مرات حسب عمرك والحالة العامة.

تمارين يابانية مفيدة للنساء

تمارين مفيدة بشكل خاص للنساء اللي عندهم اضطرابات في المبايض:

التمرين الاول:

التمرين ده مفيد للوركين والبطن والضهر, بيقلل توتر المبايض, بيعمل تدليك وتحفيز للاعضاء في البطن, بيساعد على خلق التوازن العاطفي, وبيساعد على تهدئة العقل.

اسندي على الارض بايديكي الاتنين وركبك, ويكون المعصمين اسفل الكتفين والركبتين تحت الوركين, اتخيلي وجود خط مستقيم بيربط بين الكتفين والوركين, وحافظي على رقبتك في وضع مستقيم, طلعي زفير واتأكدي انك محافظة على وضع الكتفين والوركين, وراسك ناحية الارض ولكن ماتخليش دقنك تلمس الصدر, خدي شهيق وارجعي للوضع الاول, كرري التمرين 20 مرة.

تمارين يابانية مفيدة للنساء

التمرين التاني:

التمرين ده بيساعد على تحسين الدورة الدموية, وبيظبط شكل الوركين والفخدين والارداف وبيخفف من الامساك, والنساء اللي بيعانوا من اضطرابات الرحم والمبايض ممكن يستفادوا منه جدا.

نامي على بطنك, خلي الذراعين مفرودين جنبك مع راحة اليد, وافتحي الساقين بعرض 15 سم, افردي صوابع رجلك وارفعي ساق واحدة لارتفاع 15 سم, ومتحركيش الساق التانية, اثبتي لمدة ثواني وبعدين ارجعي للوضع الاول, كرري التمرين 50 مرة لكل ساق.

تمارين يابانية مفيدة للنساء

ايه التمارين المناسبة ليكي حسب شكل ساقك