طريقة عمل السباجيتي مع كرات اللحمة بشكل جديد بالخطوات والفيديو

ريهام محمود
ريهام محمود
في
مطبخ
380

السباجيتي مع كرات اللحمة من اكتر الاكلات الايطالية المعروفة جدا, والنهاردة من خلال موضوعنا هنشوف السباجيتي مع كرات اللحمة بطريقة جديدة ومختلفة بالخطوات والفيديو, والميزة في الاكلة انها سريعة وسهلة جدا وطعمها لذيذ في نفس الوقت.

السباجيتي مع كرات اللحمة:

مكونات كرات اللحمة:

– 225 جرام لحمة مفرومة.

– بصلة مفرومة.

– 2 فص ثوم مفروم.

– ¼ كوباية بقسماط ناعم.

– 2 معلقة كبيرة جبنة بارميزان مبشورة.

– 1 بيضة كبيرة.

– 1 معلقة كبيرة بقدونس مفروم.

– ملح – فلفل.

السباجيتي مع كرات اللحمة 1
السباجيتي مع كرات اللحمة 1

مكونات السباجيتي:

– 225 جرام مكرونة سباجيتي.

– 1 بيضة كبيرة.

– ¼ كوباية جبنة بارميزان مبشورة.

– 3 معالق كبيرة زيت زيتون.

– 1 ¾ كوباية صوص المارينارا.

– ½ كوباية مية.

– جبنة بارميزان للتزيين.

السباجيتي مع كرات اللحمة 2
السباجيتي مع كرات اللحمة 2

طريقة التحضير:

1- عشان تحضري كرات اللحمة, في طبق اخلطي اللحمة المفرومة مع البصل والثوم والبقسماط والجبنة والبيض والبقدونس والملح والفلفل, قلبي كل المكونات مع بعض كويس, وشكليها في 6 كرات لحمة وسيبيها على جنب.

2- المكرونة اسلقيها بالطريقة العادية في مية وملح, حوالي 7 دقايق, وبعدين ارفعيها من على النار وصفيها وسيبيها تبرد.

3- بمجرد ما المكرونة تبرد حطيها في طبق وضيفي عليها البيضة والجبنة وقلبيهم كويس مع بعض, خدي من السباجيتي بالشوكة  وهاتي مغرفة حطي عليها المكرونة وابدأي لفيها بالشوكة لحد ما تعمليها على شكل عش عصفور يعني تبقى دايرة صغيرة مفتوحة من النص, رصيهم جنب بعض على صينية وحطيها في التلاجة ترتاح على ما تحضري كرات اللحمة.

السباجيتي مع كرات اللحمة 3
السباجيتي مع كرات اللحمة 3

4- في طاسة غويطة على نار متوسطة حطي معلقتين كبار زيت زيتون, وحمري كرات اللحمة على كل الجوانب كويس, وبعدين طلعيها من الطاسة على طبق.

5- بمنديل مطبخ امسحي الطاسة اللي حمرتي فيها اللحمة وحطي فيها معلقة كبيرة زيت زيتون, وضيفي فيها المكرونة اللي انتي جهزتيها بحرص جدا عشان متتفكش, وسيبيها على نار متوسطة لمدة دقيقتين, وبعدها ضيفي كل كورة لحمة جوه المكرونة في النص.

6- اخلطي المية مع صلصة المارينارا وقلبيهم مع بعض لحد ما الخليط يبقى ناعم, صبي الصلصة فوق وبين وحدات المكرونة واللحمة, ورشي على الوش الجبنة, وغطيها وسيبيها 10 دقايق على نار متوسطة.

7- كده طبق السباجيتي مع كرات اللحمة يبقى جاهز للتقديم, انقلي كل واحدة مكرونة للطبق ورشي عليها من فوق جبنة بارميزان مبشورة.

وفي فكرة تانية انك توزعي المكرونة في صينية الكب كيك عشان تاخد الشكل وتحطي جواها اللحمة وتحطي عليها الصلصة والجبنة وتدخليها الفرن لحد ما الجبنة تسيح, ولو مش متوفر عندك الصينية يبقى تعمليها بالطريقة اللي قولناها فوق.

السباجيتي مع كرات اللحمة 4
السباجيتي مع كرات اللحمة 4

الطريقة بالفيديو:

طريقة عمل مكرونة بالجمبري بالخطوات

طريقة عمل مكرونة بالجمبري
طريقة عمل مكرونة بالجمبري

مقالات متعلقه

طريقة عمل بينك صوص باستا Pink Sauce Pasta

طريقة عمل بينك صوص باستا Pink Sauce Pasta

وصفة القرنبيط الكرسبي في الفرن مع الصوص الحار

وصفة القرنبيط الكرسبي في الفرن مع الصوص الحار

وصفة الفراخ على الطريقة الرومانية

وصفة الفراخ على الطريقة الرومانية