طرق لعمل كريم اساس للبشرة المعرضة لحب الشباب لعلاج البثور

ريهام محمود
ريهام محمود
في
مكياج
3571

حب الشباب زي ما قولنا قبل كده عادة بيتكون نتيجة تراكم الزيوت على الجلد, اللي بتسبب انسداد المسام وظهور البثور, ومهما كان سبب حب الشباب عندك بننصحك علاجه بالمنتجات الطبيعية بدل من مستحضرات التجميل, لان العلاجات الطبيعية غير انها موفرة كمان مفيدة ومغذية لبشرتك, والنهاردة هنقولك طرق كريم اساس لحب الشباب من مكونات طبيعية, هتقدري تستخدميه كاساس يومي وفي نفس الوقت كعلاج للحبوب.

كريم اساس لحب الشباب:

1- كريم اساس الشوفان:

المكونات:

¼ كوباية نشا.

2 معلقة كبيرة شوفان مطحون.

½ معلقة صغيرة كاكاو او قهوة بودر.

10 نقط زيت بذور العنب “من عند العطار”.

الطريقة:

في طبق اخلطي النشا مع الشوفان, وقلبيهم مع بعض, وضيفي القهوة او الكاكاو بالتدريج لحد ما توصلي للون المناسب للون بشرتك, بعدها ضيفي زيت بذور العنب بالتدريج واخلطي المكونات كلها مع بعض كويس, حطي الخليط في علبة نضيفة, وكده يبقى كريم الاساس جاهز عندك, خدي منه بالفرشة في حركة دائرية, ووزعيه على البشرة بحركات دائرية, تقدري تستخدمي كريم الاساس ده بشكل يومي ومع الاستمرار هتشوفي نتايج ملحوظة على بشرتك.

كريم اساس لحب الشباب 1
كريم اساس لحب الشباب 1

2- كريم اساس النشا:

المكونات:

نشا “معلقة صغيرة للبشرة السمرا, ومعلقة كبيرة للبشرة الفاتحة”.

كاكاو او جوزة الطيب مطحونة “الكمية حسب اللون المناسب لبشرتك”.

زيت الجوجوبا.

الطريقة:

في طبق اخلطي النشا والكاكاو او جوزة الطيب او ممكن تحطي مزيج من الكاكاو وجوزة الطيب, قلبيهم مع بعض لحد ما توصلي للدرجة المطلوبة, ضيفي زيت الجوجوبا بالتدريج واخلطي اثناء ما انتي بتضيفيه, افضلي ضيفي الزيت لحد ما الخليط يبقى عندك ثابت كفاية انه يمسك في العلبة بتاعتك, انقلي الخليط في العلبة واضغطي عليه كويس, استخدمي من كريم الاساس ده بشكل يومي.

كريم اساس لحب الشباب 2
كريم اساس لحب الشباب 2

3- كريم اساس الالوفيرا:

المكونات:

2 معلقة صغيرة جل صبار الالوفيرا.

1 معلقة صغيرة كريم مرطب “اي نوع بتستخدميه”.

4 نقط كريم اساس سائل “اي نوع بتستخدميه”.

1 نقطة كريم صن بلوك.

½ معلقة صغيرة بودرة مضغوطة.

4 نقط من زيت شجرة الشاي.

الطريقة:

في طبق اخلطي جل الصبار والمرطب, ادمجيهم مع بعض كويس, ضيفي لهم الصن بلوك وكريم الاساس السائل وقلبيهم كويس, وبعدين ضيفي البودرة وزيت شجرة الشاي, اخلطي المكونات كلها مع بعض كويس جدا, احتفظي بالخليط في اي علبة مسطحة زي علبة البودرة, تقدري تستخدمي كريم الاساس ده بشكل يومي.

كريم اساس لحب الشباب 3
كريم اساس لحب الشباب 3

4- كريم اساس القرفة والنشا:

المكونات:

3 معالق كبيرة نشا.

كاكاو “كمية حسب اللون المطلوب”.

قرفة مطحونة “كمية حسب اللون المطلوب”.

الطريقة:

في طبق حطي النشا, وضيفي له الكاكاو والقرفة بالتدريج لحد ما توصلي للدرجة المناسبة للون بشرتك, لو عايزة تغمقي اللون زودي الكاكاو والقرفة, ولو عايزة تفتحي اللون زودي نشا, لحد ما اللون يتظبط معاكي زي ما انتي عايزة, اخلطي المكونات كلها مع بعض كويس بحيث ميبقاش فيه اي كتل, احتفظي بالخليط في اي علبة فاضية عندك, واستخدميه ككريم اساس بشكل يومي, المكونات اللي فيه هتحارب حب الشباب طول اليوم.

كريم اساس لحب الشباب 4
كريم اساس لحب الشباب 4

اعملي مكياجك بنفسك في البيت بمكونات طبيعية

اعملي مكياجك بنفسك في البيت بمكونات طبيعية
اعملي مكياجك بنفسك في البيت بمكونات طبيعية

مقالات متعلقه

3 نقط من السيروم ده هتخليكي ماتحتاجيش للمكياج

3 نقط من السيروم ده هتخليكي ماتحتاجيش للمكياج

وصفات للبشرة باستخدام جل الالوفيرا

وصفات للبشرة باستخدام جل الالوفيرا

ليه حب الشباب بيظهر في ال 8 اجزاء دي من الجسم ، وايه اللي المفروض تعمليه

ليه حب الشباب بيظهر في ال 8 اجزاء دي من الجسم ، وايه اللي المفروض تعمليه