الاظافر الاكريليك والجل والشيلاك: ايه الفرق بينهم وايه الانسب ليكي؟

ريهام محمود
ريهام محمود
في
أظافر
28811

لو انتي دايما متعودة تهتمي بضوافرك في صالون التجميل, او لسه مبتدئة في عالم العناية بالضوافر, فانتي في كل الاحوال اكيد هتسألي نفسك عن الفرق من الانواع المختلفة من الاظافر الموجودة في صالون التجميل, عشان كده قبل ما تروحي تعملي ضوافرك احنا هنقولك النهاردة الفرق بين الاظافر الاكريليك والجل والشيلاك, وازاي تختاري المناسب ليكي.

الفرق بين الاظافر الاكريليك والجل والشيلاك:

ايه هي الاظافر الاكريليك؟

الاظافر الاكريليك هي عبارة عن مزيج من مادة سائلة وبودر مع بعض, وبتتحط على الضوافر وبتتشكل حسب شكل ضوافرك باستخدام فرشة, وبتتنشف في مجفف هوا, وبعد ما تنشف وتبقى صلبة, متخصصة الضوافر هتبدأ في بردها وتقصيرها لو كانت طويلة عشان تديها شكل طبيعي, واخر خطوة هي المانيكير, لو انتي عايزة ضوافر اطول او تغيري شكلهم هيكون انسب اختيار ليكي هي الضوافر الاكريليك.

الضوافر الاكريليك بتدوم حوالي اسبوعين تقريبا مع العناية المناسبة للضوافر.

الاظافر الاكريليك والجل والشيلاك 1
الاظافر الاكريليك والجل والشيلاك 1

مميزات الاظافر الاكريليك:

– قوية مش بتتكسر.

– تقدري توحدي طول وشكل كل الضوافر حسب ما انتي عايزة.

– بتقعد فترة طويلة.

سلبيات الاظافر الاكريليك:

– بتحتاج عناية عالية جدا.

– اثناء عملها هتبقى في ريحة مواد كيميائية مزعجة شوية.

– ممكن تضر ضوافرك الطبيعية.

– مكلفة.

ايه هي الاظافر الجل؟

الضوافر الجل بتتميز باللمعان وانها ممكن تقعد معاكي لمدة اسبوعين, ولو ضوافرك الطبيعية طويلة او قصيرة او مهما كانت فالضوافر الجل مناسبة للكل تقريبا واي حد يقدر يعملها, متخصصة الاظافر بتبدأ الاول بوضع طبقة اساسية عشان تهيء ضوافرك للاظافر الجل, وبعدها بيتم معالجة المانيكير الجل في جهاز مخصوص تحت الاشعة فوق البنفسجية وبعد كل طبقة لازم تحطي ايدك تحت الاشعة فوق البنفسجية لمدة 30 ثانية, في النهاية بتحط الطبقة الاخيرة وبتخلي ايدك تحت الضوء لمدة دقيقة.

الاظافر الاكريليك والجل والشيلاك 7
الاظافر الاكريليك والجل والشيلاك 7

مميزات الاظافر الجل:

– بيكون شكله لامع على الضوافر.

– مش بيضر الضوافر الطبيعية.

– مافيش اي ريحة كيميائية وانتي بتعمليه بعكس الاكريليك.

– بيقعد مدة طويلة.

– مش بياخد وقت في التجفيف.

– مافيش اي تلطيخ بيحصل منه.

سلبيات الاظافر الجل:

– مكلفة.

– التعرض للاشعة فوق البنفسجية.

ايه الفرق ما بين الاظافر الاكريليك والجل؟

بكل بساطة الاكريليك هو خليط مادة سائلة وبودر مع بعض, لكن الجل هو طبقة جل بس, والاتنين تقدري تتحكمي في شكل وطول الضوافر زي ما انتي عايزة, فلو عايزة ضوافر اطول واقوى هيبقى قدامك تختاري ما بين الاكريليك والجل, لكن مع ذلك الاظافر الجل بتكون اكتر مرونة وبتتحمل اكتر بكتير من الاكريليك, لكن تكلفتها بتكون حوالي 15 – 20% اكتر من الاكريليك.

الاظافر الاكريليك والجل والشيلاك 13
الاظافر الاكريليك والجل والشيلاك 13

ايه هو المانيكير الشيلاك؟

الشيلاك هو منتج ضوافر حاصل على براءة اختراع من شركة “تصميم الاظافر الابداعية”, وهو في الاساس مزيج من الجل والمانيكير العادي, وهو يعتبر زي المانيكير, فبالتالي مش هينفع تستخدميه لتطويل ضوافرك, لكن مع ذلك هو بيدي قوة ومتانة للضوافر, وكمان الشيلاك بتكون اقل ضرر بالضوافر مقارنة بالجل او الاكريليك.

الاظافر الاكريليك والجل والشيلاك 14
الاظافر الاكريليك والجل والشيلاك 14

مميزات المانيكير الشيلاك:

– بيستمر لمدة 14 يوم تقريبا.

– الفينش بتاعه بيبقى Mirror.

– مش بياخد وقت على ما ينشف.

– مش بيتقشر ولا لونه بيبهت مع الوقت.

– خالي من الفورمالديهايد, التولوين, وال DBP.

سلبيات المانيكير الشيلاك:

– التعرض للاشعة فوق البنفسجية.

– مينفعش للضوافر الهشة والرقيقة.

الفرق بين الشيلاك والجل:

في فرقين مهمين بين الاتنين, الشيلاك هو يعتبر نوع من انواع طلاء الاظافر او المانيكير الدائم, مزيج بين المانيكير العادي والجل, لكن الاظافر الجل هي في الاساس جل بس مش داخل معاها اي مادة تانية, والفرق التاني الكبير بينهم ان الشيلاك بيتشال بشكل اسهل واسرع من الاظافر الجل.

ازاي تعرفي اي واحد فيهم مناسب ليكي؟

في النهاية كل الانواع دي هتوفرلك ضوافر طويلة وشكلها حلو هتدوم معاكي فترة, لكن لو هتختاري بينهم هنقولك شوية حاجات تختاري على اساسها المناسب ليكي اكتر:

– لو عايزة ضوافر اطول هيبقى الاكريليك هو افضل اختيار ليكي.

– لو عايزة ضوافر اقوى وتقعد معاكي فترة طويلة, يبقى هنا الاختيار هيكون بين الشيلاك والجل هي اللي هتديكي ضوافر قوية من غير تشققات.

– لو عايزة ضوافر يبان شكلها طبيعي اكتر يبقى اختاري الشيلاك.

الاظافر الاكريليك والجل والشيلاك 19
الاظافر الاكريليك والجل والشيلاك 19

في النهاية الضوافر ممكن تدي مؤشرات لصحتك العامة عشان كده لازم تعتني بيها كويس زي ما بتعتني بشعرك وبشرتك, عشان توصلي لافضل النتايج وتحافظي عليها صحية وشكلها حلو, واتأكدي انك تروحي لمتخصصة محترفة ومتمكنة في صالون التجميل عشان تحصلي على النوع اللي انتي عايزاه من غير ما تأذي ضوافرك.

12 حاجة كل خبراء العناية بالاظافر بينصحوكي بيها

نصايح للعناية بالاظافر
نصايح للعناية بالاظافر

مقالات متعلقه

بمكون واحد من مطبخك هيساعدك على تطويل وتبييض ضوافرك

بمكون واحد من مطبخك هيساعدك على تطويل وتبييض ضوافرك

12 قاعدة بسيطة هتساعدك في الحصول على باديكير مثالي

12 قاعدة بسيطة هتساعدك في الحصول على باديكير مثالي

ازاي تنضفي تحت اظافر الايدين والقدمين, ونصايح للعناية اليومية بالاظافر

ازاي تنضفي تحت اظافر الايدين والقدمين, ونصايح للعناية اليومية بالاظافر