نصايح وأفكار إزاي تبطلي تدخلي في دوامة الـ overthinking

آية حسان
آية حسان
819

لو بتفكرى انك عمرك ما هتقدرى تتخلصى من تقكيرك الزايد وقلقك ولو بتحسى انك  مسجونة فى عقلك وافكارك السلبية , ممكن توصلى للسلام مع نفسك بشوية مجهود ووعى ساعتها هتحسى بالفخر لانك عارفة ازاى تواجهى مشاكلك وانك بتتقدمى خطوة لقدام، في المقال ده هنقولك على نصايح وأفكار إزاي تبطلي تدخلي في دوامة الـ overthinking

نصايح وأفكار إزاي تبطلي تدخلي في دوامة الـ overthinking

اعملى جدول

لو كنتى بتميلى انك تفكرى بزيادة وقت لما بتعملى اكتر من حاجة فى نفس الوقت فعمل جدول هيساعدك كتير ويوفرلك وقت ,بدل ما تضيعى نص ساعة فى التفكير يومك هيمشى ازلى اول ما تصحى من النوم,اعملى جدول قبلها بيوم والتزمى بيه ,بعد كده بكام يوم هتدركى انك كنتى بتبذلى مجهود وتضيعى طاقة على ما تاخدى القرار الصح.

ثقى باحساسك

لما فكرة او شعور ايجابى يجيلك ثقى فيه وامشى وراه ,لما يومك ميمشيش زى ما كنتى عايزة فكرى مع نفسك وحاولى توصلى باحساسك وضميرك ليه اليوم ممشيش زى ما كنتى عايزة ده هيساعدك انك تركزى على اجابة السؤال ده من غير تفكير زايد عن الحد.

التفكير الزيادة
التفكير الزيادة

سيطرى على مخاوفك

لما بتكونى مش عارفة تسيطرى على موقف معين ده بيخليكى خايفة من السيناريو اللى ممكن يحصل  وده هيسرق وقتك  كله وهيخلى عقلك مرهق من التفكير اخر اليوم ، ركزى على الحل الفعال للمشاكل عشان تقدرى تتغلبى عليها وعشان المشكلة ماتسرقش وقتك.

اهتمى بالطريقة اللى بتفكرى بيها

لازم تهتمي بالطريقة اللى بتفكرى بيها وتعرفى امتى تفكيرك ده بيبقى زيادة عن الحد، وامتى لازم تتحدى افكارك وتتعلمى ازاى تدركى وتصلحى الافكار الغلط وتبعدي عنك إلحاح التفكير، ومهم كمان تركزى على الحل الفعال للمشاكل وتسألى نفسك تعملى ايه عشان تحليها.

اهتمى بالطريقة اللى بتفكرى بيها
اهتمى بالطريقة اللى بتفكرى بيها

خلى دماغك حاضرة للمشكلة

أول خطوة لحل أي مشكلة هي ان تكون دماغك حاضرة وحاسه ان في مشكلة، ولما تحسي انك بتفكري زيادة عن اللزوم اشغلى نفسك بنشاط او هواية  جديدة، انزلي اتمشي او قابلي  حد من اصحابك مثلا،يعني لازم تفصلي وتحاولي تتجنبي التفكير الزيادة أو الـ overthinking.

الخطوات ديه هتوجهك ازاى تتغلبى على هوس التفكير الزايد عن الحد، وانها تخلى اى حد يقدر يبطل يسترجع الماضى ويقلق عشان المستقبل وتخليه يفكر فى الحاضر بس.

اعرفي معانا كمان نصايح و أفكار إزاي تتعلمي من أخطائك وتتجنبي الوقوع فيها مرة تانية

مقالات متعلقه

6 عادات بتأثر بشكل سلبي على صحتك العقلية وإزاي تصلحيها

6 عادات بتأثر بشكل سلبي على صحتك العقلية وإزاي تصلحيها

5 حاجات تخليكى تفضلى  قوية و تكملى لو حاسة انك خلاص هتستسلمى !

5 حاجات تخليكى تفضلى قوية و تكملى لو حاسة انك خلاص هتستسلمى !

10 طرق توقفي بيهم ال Overthinking التفكير زيادة عن اللزوم

10 طرق توقفي بيهم ال Overthinking التفكير زيادة عن اللزوم