نصايح و أفكار إزاي تتعلمي من أخطائك وتتجنبي الوقوع فيها مرة تانية

آية حسان
آية حسان
601

كل البشر بيغلطوا، احنا مولودين مش معصومين من الخطأ، بالعكس سنة الحياة إننا نغلط مرة و2 و 100 وهنفضل طول عمرنا نغلط لحد من يوم، وفي بعض الأحيان يمكن نكرر نفس الغلط مرة واتنين، والغلط مش إنك تغلطي إنما الغلط انك ماتتعلميش من أخطائك، عشان كده في المقال ده هنقولك على نصايح و أفكار إزاي تتعلمي من أخطائك وتتجنبي الوقوع فيها مرة تانية

نصايح و أفكار إزاي تتعلمي من أخطائك وتتجنبي الوقوع فيها مرة تانية 

الحكمة بتتولد من الأخطاء

في كل مرحلة من حياتك سواء وانتي صغيرة، وفي تعاملاتك مع أهلك وعلاقاتك مع صحابك، وقراراتك في حياتك المهنية والعاطفية وتقريبا كل جانب من جوانب حياتك هتلاقي الاخطاء موجودة والقرارات الغلط كمان موجودة، بس من وسط ا لغلط بتطلع الحكمة، افتكري كده كل المواقف اللي اتصرفتي فيها غلط او بطريقة مش مناسبة هتلاقي نفسك فاكراها دلوقتي ومش ناسياها، وهتلاقي نفسك اتعلمتي منها واتجنبتيها ومابقيتيش تقعي فيها دلوقتي.

الحكمة
الحكمة

الإعتراف بالخطأ هيخليكي متفتحة أكتر 

اغلطي، بس وقت مواجهتك بخطأك ماتكابريش واعترفي بغلطك لو حسيتي واقتنعتي انك غلطتي فعلا، الإعتراف بالخطأ فضيله زيه زي الإعتراف بالحق بالضبط، وكمان لما تعترفي بغلطك ده هيخلي في مساحة للناس من حواليكي انهم يسامحوكى على الغلط ده، وبكده انتي كمان هتقدري تسامحي نفسك وهيخليكي متفتحة أكتر لأخطاء وتجارب جديدة تتعلمي منها. 

الإعتراف بالخطأ هيخليكي متفتحة أكتر
الإعتراف بالخطأ هيخليكي متفتحة أكتر

ما تستسلميش 

معظمنا اتربينا اننا لازم نحس بالخزي وانه لما نغلط او نفشل في حاجة لازم نبقى مكسورين ومكسوفين من الناس، أوعي تعملي كده خليكي فخورة بقراراتك حتى لو كانت غلط، وبأخطاك لان هي دي الطريقة اللي بنتعلم بيها، واوعي تستسلمي بعد أي غلط تقعي فيه، قومي وكملي وحاولي تاني. 

ما تستسلميش
ما تستسلميش

خليكي طموحة رغم الأخطاء 

الحاجة اللي الناس بتنساها باستمرار هي ان كل ما كان هدفك صعب تحقيقه كل ما كانت الغلطات والعثرات صعبة ومؤلمة، وان كل ما كان طموحك عالي كل ما كانت الغلطات والعقبات دي أصعب لكن الطموح ده هو اللي هيخليكي تكملي رغم الغلطات والآلام، عشان كده مهما يحصل ومهما تشوفي استمدي الحكمة من كل موقف صعب أو غلطة تمري بيها وخلي طموحك يدفهك دايما انك تكملي لقدام. 

خليكي طموحة رغم الأخطاء
خليكي طموحة رغم الأخطاء

عشان تتعلمي من أخطائك لازم تعملي الحاجات دي: 

دايما حطي نفسك في المواقف اللي لو غلطتي فيها تتعلمي درس مهم منها. 

خليكي واثقة في نفسك بالدرجة الكافية اللي تخليكي تعترفي بأخطائك. 

خليكي شجاعة وغيري من نفسك ومن طريقة تفكيرك. 

عشان تتعلمي من أخطائك لازم تعملي الحاجات دي:
عشان تتعلمي من أخطائك لازم تعملي الحاجات دي:

اعرفي معانا كمان 5 نصايح تساعدك تتحكمي في التوتر والقلق

مقالات متعلقه

15 طريقة هتساعدك توصلي للسلام الداخلي

15 طريقة هتساعدك توصلي للسلام الداخلي

8 طرق تزودي بيهم ثقتك في نفسك

8 طرق تزودي بيهم ثقتك في نفسك

6 طرق قوية تتعلمي بيهم تحبي نفسك

6 طرق قوية تتعلمي بيهم تحبي نفسك